INTEL 53 წლის გახდა

1968 წლის 18 ივლისს ნახევარგამტარების ყველაზე დიდი მწარმოებელი კომპანია  - Intel-ი დაფუძნდა. დღეს მათი მიკროპროცესორების პოვნა თითქმის ყველა პერსონალურ კომპიუტერში არის შესაძლებელი.

Intel-ი ( ინტეგრირებული ელექტრონიკის კორპორაცია) ინჟინერმა გორდონ მურმა და ფიზიკოსმა რობერტ ნოისმა დააარსეს. მოგვიანებით მათ გუნდს ენდი გროუვი შეუერთა და კომპანიის აღმასრულებელ დირექტორად დანიშნა და Intel-ის სახე გახდა.

Intel-მა პირველ წარმატებას 1971 წელს მიაღწია, როდესაც იაპონური კომპანიის „Busicom-ის“ დაკვეთით 4-ბიტიანი მიკროპროცესორი - 4004 დაამზადა. იაპონური კომპანიის ფინანსური პრობლემების გამო, Intel-მა შეძლო მიკროპროცესორზე პატენტის მოპოვება, ხოლო მათი პროცესორით დამზადებულ კალკულატორებზე მოთხოვნის ზრდასთან ერთად, გაიზარდა მათი პოპულარულობაც.

Intel-მა გაამარტივა და გააუმჯობესა კომპიუტერების შექმნის პროცესი. დღეს კომპანია თანამშრომლობს ისეთ ტექნოლოგიურ გიგანტებთან, როგორებიცაა Apple, Lenovo, HP და DELL. Apple-ს MacBook Air შექმნაც Intel-ს უკავშირდება, რომელმაც მოახერხა და ლეპტოპისთვის მინიატურული ფორმის პროცესორის დამზადება შეძლო.