Full-Stack პროგრამირების კურსი

Full-Stack პროგრამირების კურსის ხანგრძლივობა არის 18 თვე. სწავლა მოიცავს კვირაში სამ ლექციას, ხოლო კონკრეტული გრაფიკის დეტალები ჯგუფის ფორმირებისას ზუსტდება და გათვალისწინებულია დასაქმებული ადამიანებისთვისაც.

კურსი განკუთვნილია როგორც მათთვის, ვინც პროგრამირების სწავლას ნულიდან იწყებს, ისე მათთვისაც, ვისაც სურს კარიერის შეცვლა ან არსებული საბაზისო ცოდნის გაღრმავება.

კურსის ფარგლებში შეისწავლით ტექნოლოგიურ საფუძვლებს (CompTIA A+ Framework), თანამედროვე ვებ-გვერდებისა და ვებ-აპლიკაციების შექმნას Front-End ტექნოლოგიებით (JavaScript, Angular), Back-End პროგრამირებას (C#, .NET, MS SQL), API-ების საშუალებით სისტემების დაკავშირებას, AI-ზე დაფუძნებულ ავტომატიზაციას (n8n) და აპლიკაციების გაშვების საბაზისო პროცესებს (DevOps).

პროგრამირება მხოლოდ კოდის წერას არ ნიშნავს. იმისთვის, რომ სტუდენტმა რეალურად გაიგოს, რას ქმნის და როგორ მუშაობს სისტემა, აუცილებელია ტექნოლოგიური გარემოს გააზრება — როგორ მუშაობს კომპიუტერი, ქსელი, უსაფრთხოება და როგორ ეშვება პროგრამა რეალურ გარემოში. ამიტომ კურსი პროგრამირების პარალელურად იწყება ტექნოლოგიური საფუძვლებით (CompTIA A+ Framework-ზე დაფუძნებით), რაც პროგრამირების სწავლებას მომავალ ეტაპებზე ბევრად უფრო გასაგებს და ეფექტურს ხდის.

სწავლა მიმდინარეობს ჰიბრიდულ ფორმატში — ლექციების ნაწილი ტარდება აკადემიის აუდიტორიებში, ნაწილი კი ონლაინ, რაც სტუდენტებს რეალურ სამუშაო გარემოსთან მიახლოებულ გამოცდილებას აძლევს.

დიახ. IT Academy STEP Georgia-ის სასწავლო პროგრამები ეფუძნება საერთაშორისო გამოცდილებასა და გლობალურ ტექნოლოგიურ ტრენდებს და პერიოდულად ახლდება ინდუსტრიის ცვლილებების გათვალისწინებით. ამასთან, პროგრამა ადაპტირდება საქართველოს ბაზრისა და სტუდენტების რეალურ საჭიროებებზე.

სწავლება მიმდინარეობს აკადემიის მიერ შემუშავებული ერთიანი სასწავლო პროგრამისა და მეთოდოლოგიის მიხედვით. ლექტორები არიან პრაქტიკოსი სპეციალისტები, რომლებიც გადიან შერჩევის მრავალეტაპიან პროცესს და შიდა ტრენინგებს. სწავლების ხარისხზე პასუხისმგებელია აკადემია, რის გამოც ყველა ჯგუფში დაცულია ერთიანი სტანდარტი და შედეგზე ორიენტირებული მიდგომა.

დიახ. სწავლების პროცესში შესრულებული პრაქტიკული დავალებები და პროექტები ერთიანდება თქვენს პირველ პროფესიულ პორტფოლიოში.

კურსის განმავლობაში და დასრულების შემდეგ, კარიერული მხარდაჭერის გუნდი გეხმარებათ CV-ის, LinkedIn პროფილის და სამოტივაციო წერილის მომზადებაში, ასევე სამუშაო ინტერვიუებისთვის მზადებაში.

დიახ. ჰიბრიდული სწავლების ფორმატი და ლექციების განრიგი ბევრ სტუდენტს აძლევს შესაძლებლობას, სწავლა და სამუშაო შეათავსოს.

კურსის დასრულების შემდეგ გაიცემა ორენოვანი დიპლომი, რომელიც ადასტურებს გავლილ პროგრამასა და მიღებულ ცოდნას. სურვილის შემთხვევაში, სტუდენტებს შეუძლიათ ასევე გაიარონ Pearson Certiport IT Specialist საერთაშორისო გამოცდა და მიიღონ დამატებითი საერთაშორისო სერტიფიკატი, რომელიც ადასტურებს საბაზისო IT უნარებს და საერთაშორისო დონეზეა აღიარებული.