როგორ მოვუხსნათ ბავშვს კომპიუტერისადმი დამოკიდებულება?
15.02.2021
თანამედროვე ცხოვრებამ მშობლებს კომპიუტერთან მიმართებაში უამრავი კითხვა დაუგროვა: სად გადის ზღვარი კომპიუტერსა და წიგნს შორის? რა ხიბლავს ბავშვს ვირტუალურ სამყაროში და რეალურად, რის დეფიციტს განიცდის?
ის, რაც ბავშვებს ვირტუალურ სამყაროში ხიბლავთ, არის სიმარტოვე და ადვილად მიღწევადობა. ვერცერთი ბავში ვერ აუვლის გვერდს კომპიუტერულ ტექნოლოგიებს, სადაც ის მეტ თვითრეალიზებას ახდენს, ვიდრე ტელევიზორთან ან წიგნთან მიმართებაში და სწორედ ამით იხიბლება: ვირტუალურ სამყაროში შეუძლია იუფროსოს, მართოს და გადაჭრას ამოცანა. აქ ყველაზე მიმზიდველი ფანტასტიკური გრაფიკაა. ვირტუალურად შესაძლებელია გააკეთო ის, რაც რეალურად შეუძლებელია: გაეხვიო თავგადასავლებსა და ხიფათებში. აქ გმირივით ცხოვრობს ბავშვი! სწორედ ეს პრივილეგია მოსწონს და მასზე დამოკიდებულებას ხდის. არადა, დამტკიცებულია, რომ კომპიუტერულ გამოსახულებას ჰიპნოზური ზემოქმედება გააჩნია. ადამიანი უყურებს მას არა იმიტომ, რომ აინტერესებს, არამედ იმიტომ, რომ ეს უკვე ჩვევად ექცა! სამწუხაროდ, ყველამ როდი იცის, რომ, თუ ზოგადად ბავშვი გაუნათლებელია, ის კომპიუტერში კარგს ვერაფერს იპოვის!
დარეგისტრირდი ახლავე
შემოგვიერთდით სტეპერების დიდ ოჯახში!