როგორ გავხდეთ წარმატებული პროგრამისტი

კარგი დეველოპერობა არ ნიშნავს იყო მხოლოდ კოდირების ექსპერტი. აუცილებელია რომ თქვენი საქმე გიყვარდეთ და მოსვენებას არ გაძლევდეთ ახალი ტექნოლოგიების შესწავლის სურვილი

პროგრამირება არის სფერო, სადაც ინტერესი საკმარისი არ არის წარმატების მისაღწევად. ამით გატაცებული უნდა იყოთ, მუდმივად ეცადოთ უფრო და უფრო მეტის სწავლა პროგრამირების შესახებ. უბრალოდ დაინტერესება პროგრამირებით საკმარისი არ არის წარმატების მისაღწევად

პროგრამირება პროფესიაა, რომელსაც შეზღუდვები არ აქვს, ამიტომ წარმატებული პროგრამისტი რომ გახდეთ, უნდა იფიქროთ არსებული შეზღუდვების ფარგლებს გარეთ. პროგრამისტის კარიერის საწყის ეტაპზე პროგრამისტები მრავალი გამოწვევის წინაშე არიან, ზოგი მოთმინების უნარის გამოჩენაზე უარს ამბობს, მხოლოდ ცოტა თუ აგრძელებს ბრძოლას, მუშაობს გულმოდგინედ და ხდება პროფესიონალი, ნამდვილი ოსტატი ამ სფეროში

1. მნიშვნელოვანია ახალი ტექნოლოგიების სწავლის უწყვეტი სურვილი

რაც ვისწავლეთ და განვახორციელეთ, შეიძლება სწრაფად მოძველდეს, რადგან ტექნოლოგიები ყოველთვის იცვლება. ასე რომ, როგორც პროგრამისტმა, თქვენ უბრალოდ შესაბამისად უნდა განაახლოთ თქვენი ცოდნა და დარჩეთ მიმდინარე მოვლენების ყურადღების ცენტრში. როცა ახალი ტექნოლოგია გამოდის ბაზარზე, ის, როგორც წესი, შედგება რამდენიმე პროცესისა და სინტაქსის ცვლილებისგან, მაგრამ ლოგიკა იგივეა, ასე რომ თქვენ შეგიძლიათ ძალიან სწრაფად აითვისოთ ეს.

2. დებაგირების უნარები

პროგრამისტები ქმნიან კოდს, მაგრამ როდესაც პროგრამული უზრუნველყოფა ისე არ მუშაობს, როგორც მოსალოდნელი იყო, პროგრამისტს უნდა შეეძლოს პრობლემის სწრაფად და ეფექტურად აღმოფხვრა.

ასე რომ, თქვენს ყველა კოდში ცვლილებების შეტანის ნაცვლად, პროგრამის შექმნისას შექმენით სათანადო ნაკადის დოკუმენტი, რათა ძალიან სწრაფად გამოიძიოთ თქვენი კოდი და შეძლოთ პრობლემური საკითხი რაც შეიძლება მალე იპოვოთ. სათანადო დოკუმენტის შედგენით, სწრაფად შეძლებთ თქვენი პროგრამის დებაგირებას დიდი დროის დაკარგვის გარეშე.

3. პრობლემის მოგვარების უნარ-ჩვევები

როდესაც საშუალო დონის პროგრამისტი იღებს პროექტს / მოდულს, ისინი უბრალოდ იწყებენ კოდირებას. მაგრამ წარმატებული პროგრამისტები ცდილობენ იპოვონ ის წერტილი, საიდანაც იქმნება პრობლემა, რასაც მათი კოდი მიმართავს და აცნობებენ თავიანთი გუნდის ლიდერს ან პროექტის ხელმძღვანელს. იმიტომ, რომ ზოგჯერ, პროექტის მოთხოვნების დოკუმენტირების და პროექტის დაწყების შემდეგ, ან მისი დასრულების შემდეგაც კი, პროექტში ვპოულობთ გარკვეულ პრობლემურ საკითხებს. ასე რომ, იპოვნეთ ეს საკითხი სანამ ისინი წამოიჭრება.

4. სამუშაოთი გატაცება

თქვენი სამუშაო დრო შეიძლება იყოს ცხრიდან ხუთ საათამდე, მაგრამ როდესაც გიყვარს სამუშაოს შესრულება, ნუ წახვალთ სამუშაო დღის დასრულების შემდეგ. იმუშავეთ სანამ თქვენს საქმეს არ დაასრულებთ. იმას არ ვგულისხმობ, რომ თუ ვერ ნახულობთ გამოსავალს, მთელი დღის განმავლობაში იმედგაცრუებული უნდა იჯდეთ, მაგრამ თუ ამ გადაწყვეტილებამდე ახლოს ხართ მისული, უბრალოდ დაასრულეთ იგი.

თქვენი მენეჯერი ან თქვენს მაღლა მდგომები დააფასებენ თქვენს მუშაობას, ხოლო როდესაც კარგ გარემოს იპოვნით, თქვენი გატაცებაც გაიზრდება.

გარდა ამისა, ნუ დაჯდებით უსაქმოდ, როდესაც სამუშაო არ არის. შეეცადეთ შექმნათ რამდენიმე ახალი პროგრამა, როგორიცაა თამაში, თავსატეხი, ჩეთის პროგრამა და ა.შ., რაც ხელს შეუწყობს თქვენს საქმიანობაში უფრო მეტი ინტერესის გაღვივებას.

5. მადლიერება სტრესის ქვეშ

პროგრამირება შეიძლება იყოს სტრესული პროფესია მჭიდრო ვადების გამო. შემდეგ კი დგება ისეთი დრო, როცა თითქოს ვხედავთ, რომ არაფერი არ მუშაობს. ცუდი პროგრამისტი უბრალოდ ჩერდება და წყვეტს მუშაობას. მაგრამ დიდი პროგრამისტი მშვიდად უმკლავდება სტრესულ სიტუაციას და ისევ აგრძელებს მუშაობას.

6. სიზარმაცე ... ვგულისხმობ ეფექტურობას!

როცა უამრავი ამოცანაა შესასრულებელი და თქვენი პროექტის დასრულებამდე დრო სწრაფად გარბის, მაშინ მხოლოდ ზარმაცი პროგრამისტი იპოვის უკეთეს და სწრაფ გამოსავალს პროექტის დასასრულებლად, რადგან მან ძალიან კარგად იცის როგორ უნდა იმუშაოს ნაკლები და როგორ გააკეთოს მეტი.

თუ გსურთ იპოვოთ საუკეთესო საშუალება რამის გასაკეთებლად, უბრალოდ ჰკითხეთ ზარმაც ადამიანს; უფრო მეტი შანსია იმის, რომ ზარმაცი ადამიანი იპოვნის ამის საუკეთესო, სწრაფ და ეფექტურ საშუალებას, რადგან ზარმაცი ადამიანი ყოველთვის ცდილობს უფრო ეფექტური საშუალება გამოძებნოს.

7. მარცხთან გამკლავების უნარი

როგორც პროგრამისტს, პირველივე ცდაზე იშვიათად გექნებათ წარმატება, ამიტომ მარცხი ამის თითქმის დადასტურებაა. მიიღეთ ეს როგორც გამოწვევა, ვიდრე დამარცხების ნიშანი. მოთმინება და დაჟინება ძალზე მნიშვნელოვანია პროგრამირებაში წარმატების მისაღწევად.

8. მზად ყოფნა კვლევისთვის

პროგრამირების ენა მხოლოდ სურათის ნაწილია. კარგი და წარმატებული პროგრამისტი ყოველთვის ცდილობს შექმნას კოდი, რომელიც მუშაობს მათი დამსაქმებლებისთვის და ხელს უწყობს ბიზნეს პრობლემების მოგვარებას. ზოგჯერ, ეს თქვენი მხრიდან მოითხოვს მცირე კვლევითი მუშაობის ჩატარებას.

9. გუნდური მუშაობის მენტალურობა

რადგან დეველოპერი ხართ, ყოველთვის მუშაობთ გუნდთან, რადგან გუნდის წევრების, როგორიცაა დიზაინერების, ბიზნეს პერსონალის, ანალიტიკოსების და გაყიდვების პერსონალის დახმარებით, შეძლებთ მიაღწიოთ სასურველ შედეგებს ძალიან ეფექტურად.

თქვენ ვერასდროს მიაღწევთ თქვენს მიზნებს, სანამ გუნდთან არ იმუშავებთ.

10. ბიზნესის პერსპექტივა

IT კომპანიაში პროგრამისტად მუშაობა მარტივია, მაგრამ იდეალური პროგრამისტი ყოველთვის ორიენტირებულია ბიზნეს მიზნებზე. ეს საშუალებას მოგცემთ იმუშაოთ არა მარტო პროგრამის იდეებზე, არამედ იფიქროთუფრო ფართოდ. მხოლოდ ბიზნესზე ორიენტირებულ პროგრამისტს შეუძლია შემოგვთავაზოს იდეები ახალი პროექტის შესახებ, რომელმაც შეიძლება გააუმჯობესოს ეფექტურობა და ოპერაციები.

IT Academy STEP – მსოფლიო ბრენდი 82 ფილიალით!
გახდი კვალიფიციური სპეციალისტი და საკუთარი საქმის პროფესიონალი, შემოგვიერთდით სტეპერების დიდ ოჯახში 

თბილისი,

საბურთალო, ალ.ყაზბეგის 34/34ბ