პროგრამირების საფუძვლებში გარკვევა აუცილებელია, მომავალში კომპიუტერთან მუშაობას და თანამედროვე პროფესიების ათვისებას თუ აპირებთ, სწორედ ამიტომ, პროგრამირების შესწავლა და დახვეწა ნებისმიერი ბავშვისთვის შესანიშნავი უნარია. თუმცა, იმდენი განსხვავებული პროგრამირების ენა არსებობს, რთულია გადაწყვიტო რომელი იქნება საუკეთესო თქვენი შვილისთვის
ბლოგში შემოგთავაზებთ პროგრამირების ხუთი საუკეთესო ენის მიმოხილვას ბავშვებისთვის, რომლებიც დაინტერესებულნი არიან კოდირების სწავლით.
1. Python
Python არის პროგრამირების ენა, რომელიც იკითხება როგორც ჩვეულებრივი სიტყვა. კოდში იშვიათად გიწევთ კომენტარების დამატება, რადგან Python-ის კოდი, რომელიც საკმარისად კარგად არის დაწერილი, ისე იკითხება, თითქოს კომენტარები უკვე ჩასმულია კოდში. თუ თქვენი შვილები ან სტუდენტები აპირებენ ისწავლონ კოდირება, მაშინ სასურველია მათ იცოდნენ, როგორ იფიქრონ პროგრამისტივით. Python-ით, სტუდენტებს ძალიან ცოტა დაბრკოლება შეხვდებათ პროგრამირების სწავლასთან დაკავშირებით. მათ შეეძლებათ ისწავლონ პროგრამირების სქემის აგება საკუთარ გონებაში და შემდეგ ამ იდეების გადატანა ინსტრუქციებში, რომელთა ინტერპრეტაციაც ტექნოლოგიებს შეუძლია. Python ასევე აქვს "დამუხტული ბატარეების" ფილოსოფია, რომელიც გულისხმობს საქმის იმ უზარმაზარ მოცულობას, რაც შეიძლება გაკეთდეს Python-ის ძირითადი ბიბლიოთეკების უბრალოდ გამოკვლევით და გამოყენებით. ბევრი ძირითადი ფუნქციონალი, რომელიც პროგრამისტებს სჭირდებათ, უკვე ჩაშენებულია პროგრამირების ენაში, რაც მას შესანიშნავ ენად აქცევს ახალგაზრდებისთვის.
2. Ruby
Ruby-ს აქვს ყველაზე წაკითხვადი სინტაქსი დამწყები პროგრამისტებისთვის. იმის ნაცვლად, რომ მენტორმა ბევრი დრო დახარჯოს კოდის ახსნაზე, რომელსაც სტუდენტები აკრეფენ მოწყობილობებში, მათი უმეტესობა მოსწავლეებისთვის ადვილად გასაგები იქნება. ეს მართლაც მნიშვნელოვანი ფაქტორია ბავშვებისთვის, რომლებიც ჯერ კიდევ სწავლობენ პროგრამირების ცნებებს. დღის ბოლოს, ბავშვებმა უნდა ისწავლონ ცნებები, რათა დაწერონ კარგი სკრიპტები. Ruby არის ძალიან ძლიერი ენა და ის თავდაპირველად გამოიყენებოდა Twitter-ის შესაქმნელად, ასე რომ თქვენ შეგიძლიათ აჩვენოთ სტუდენტებს, რომ ეს აპლიკაცია არის ინსტრუმენტი, რომელიც გამოიყენება პოპულარულ პლატფორმებზე.
3. Java
Java-ს შესწავლა, ცოტა უფრო რთულია, ვიდრე Ruby-ს ან Python-ს, მაგრამ Java-ს არჩევა, როგორც შესასწავლად პირველი პროგრამირების ენა, სტუდენტებს გაუადვილებს ნებისმიერი შემდგომი ენის შესწავლას. ბევრ ახალგაზრდას უკვე უფიქრია საკუთარი აპლიკაციების ან ვებსაიტების შექმნაზე, მაგრამ უბრალოდ არ იცის საიდან დაიწყოს. Java უკვე ორი ათეული წელია არსებობს და ხელმისაწვდომია უამრავი ონლაინ რესურსი, ინსტრუმენტების ნაკრები და გაკვეთილები, რომელთა დახმარებითაც Java-ს გამოყენებით პრაქტიკულად ყველაფრის შექმნა შეიძლება ნულიდან. საჭიროა რამდენიმე თავდაპირველი დაბრკოლების გადალახვა, როგორიცაა JDK-ის დაყენება და სინტაქსების პრინციპების გაგება, მაგრამ პროგრამირების ენის ობიექტზე ორიენტირება სტუდენტების პროგრესს ამარტივებს. Java ჰგავს C-ს და C++-ს, თუმცა ის გთავაზობთ უფრო მეტ ფუნქციონირებას, რითაც სტუდენტებს საშუალებას აძლევს შექმნან უფრო ძლიერი პროგრამები.
არ დაკარგოთ დრო! ჩვენი სასწავლო პროგრამა დაგეხმარებათ გახდეთ პროფესიონალი დიდი და მნიშვნელოვანი პროექტებით!
→ დარეგისტრირდი ახლავე!
4. C++
კომპიუტერული მეცნიერების ბევრ ექსპერტს და დეველოპერს განსხვავებული მოსაზრება აქვს იმაზე, უნდა დაიწყოს თუ არა სტუდენტმა კოდირების სწავლა C++-ით. ეს პროგრამირების ენა ცოტათი წააგავს მათემატიკას და შესაძლოა მოსწავლეებს გადააფიქრებინოს კოდირების შესწავლის იდეა. თუმცა მას შემდეგ რაც პროგრამირების ძირითად საფუძვლებს გაეცნობიან, C++-ს შეუძლია მრავალი კარი გააღოს პროგრამირების სამყაროში. ბევრმა წარმატებულმა პროგრამისტმა კოდირების სწავლა სწორედ C-ით ან C++-ით დაიწყო.
5. Scratch
თუ თქვენი შვილი და მისი მეგობრები, დაინტერესებულნი არიან ანიმაციების, ინტერაქტიული ისტორიების, ხელოვნებისა თუ მუსიკის შექმნით, მაშინ Scratch არის კოდირების ენა, რომლის სწავლაც შესაძლებელია ონლაინ უფასოდ. მიუხედავად იმისა, რომ ეს ენა საკმაოდ მარტივია ბავშვებისთვის, მას გააჩნია საკმარისი ფუნქციონალი და ვარიანტები, რომლებსაც გამოცდილი პროგრამისტებიც კი იყენებენ.
Scratch-ს ასევე ყავს ძალიან ინტერაქტიული ონლაინ საზოგადოება, სადაც ადამიანები ერთმანეთს უზიარებენ თავიანთ ნამუშევრებს და თამაშებს, რამაც შეიძლება კიდევ უფრო ჩართოს ამ პროცესში თქვენი ახალგაზრდები.
მოდით შევაჯამოთ
პროგრამირება დღესდღეობით, განურჩევლად ასაკისა, ძალიან სასარგებლო უნარია. ის დაგაფიქრებთ, როგორ მიმდინარეობს პროცესები და როგორ გადალახოთ დაბრკოლებები, რა უნდა ასწავლოთ თქვენს შვილს იმაზე კარგი, ვიდრე მომავლის პროფესიები და უნარები?!
აუცილებელია იცოდეთ, რომ თითოეულ ენას თან სდევს, როგორც დადებითი მხარეები, ასევე მათთან დაკავშირებული სირთულეები. მნიშვნელოვანია, რომ თქვენმა შვილებმა ისწავლონ პროგრამირების მიღმა არსებული ცნებები, როგორიცაა კოდის წერის ლოგიკა, კონსტრუქციების გამოყენება და პროფესიული ხრიკები.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
