დავიწყოთ შესავლით და ვეცადოთ ეს დღე ინფორმაციულად ძალიან დატვირთული გამოვიდეს, ზუსტად ისე როგორც ჩემი დღეა, სამსახურისკენ მიმავალ გზაზე, ყურსასმენებში ათასგვარ პოდკასტს რომ ვუსმენ და ვცდილობ გავერკვიო სხვადასხვა სფეროში, რომელიც ჩემთვის საინტერესოა
რა არის ქოფირაითინგი?
ქოფირაითინგი პროფესიული საქმიანობაა, რომლის საკვანძო მიმართულებასაც სარეკლამო და საპრეზენტაციო ტექსტების წერა წარმოადგენს, ქოფირაითერი – ეს ის ადამიანია, რომელიც წერს გაყიდვების სარეკლამო ტექსტებს და ადამიანს კონკრეტული მოქმედებების განხორციელების მოტივაციას უღვივებს. არსებობს გაყიდვების ტექსტების ჟანრთა დიდძალი რაოდენობა.
რაში გამოიყენება ქოფირაითინგი?!
- სარეკლამო სტატიების დასაწერად;
- საიტების ტექსტების დასაწერად;
- პროდუქტების კატალოგების შესავსებად;
- კონტექსტური რეკლამისთვის;
- განცხადებების დასაწერად;
- ბანერებისა და სარეკლამო ბუკლეტებისთვის;
- სარეკლამო რგოლების სცენარების დასაწერად [სკრიპტი];
- დასაგზავნი ტექსტების [მეილები] დასაწერად;
- გამყიდველი სკრიპტების დასაწერად.
ასევე, მნიშვნელოვანია, გამოვყოთ გასაყიდი პროდუქციისთვის დაწერილი ტექსტების ორი ძირითადი თავისებურება, რომელზეც ნამდვილად ღირს ყურადღების გამახვილება 2023 წლისთვის.
კონვერსია - ეს არის კარგი სარეკლამო ტექსტის ყველაზე მნიშვნელოვანი უნარი – რომელიც უზრუნველყოფს მკითხველის პოტენციურ ლოიალურ კლიენტად გადაქცევას, ანუ ახდენს კონვერსას
მუდმივობა - შეგიძლიათ საიტზე აწარმოოთ ბლოგი, გააკეთოთ ბანერი, სარეკლამო ბუკლეტი, სტატია ან გაყიდვებისთვის "მესიჯ ბოქსი"… თქვენ მიერ დაწერილი ტექსტი იმუშავებს 24 საათი დღე-ღამეში, შეუსვენებლივ. ის არ მოგთხოვთ საკვებს, არც ხელფასს.გამყიდველი ტექსტის ძალა მის მუდმივობასა და ადამიანური ფაქტორის არ არსებობაშია.
მე მჯერა, როდესაც სხვას ასწავლი გაცილებით უკეთ სწალობ და ითავისებ ამ ცოდნას, სწორედ ამიტომ გაგიზიარებთ ქოფირაითინგის წარმოშობის ისტორიას?
ქოფირაითინგი წარმოიშვა ამერიკაში, მეოცე საუკუნის დასაწყისში, როდესაც ჯერ კიდევ არ იყო არც ტელევიზორები, არც კომპიუტერები და არც ინტერნეტი. კომპანიები გაყიდვებს ქაღალდის კატალოგების მეშვეობით ახორციელებდნენ - კატალოგი მომხმარებელთან ფოსტით მიდიოდა სახლში… ის დაათვალიერებდა, აირჩევდა პროდუქტს, ამოჭრიდა კუპონს, ფულთან ერთად დებდა საფოსტო კონვერტში და თავის შენაძენს 2-3 კვირა ელოდებოდა.
განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით, მოერგე ბაზრის თანამედროვემოთხოვნებსდა გახდი წარმატებული!
დღეს ჩვენ 2 დღეც კი არ გვსურს მოცდა. მაშინ კი სხვა შესაძლებლობები არ არსებობდა – მხოლოდ კატალოგები და გაყიდვების მხოლოდ ასეთი საშუალება.
პირველი ქოფირაითერები რთულ მდგომარეობაში იყვნენ ვიდრე მე და ჩემი კოლეგები დღეს… მათ დაიწყეს ადამიანების ქცევითი მოდელის შესწავლა – გაყიდვების ფსიქოლოგია. ისინი აანალიზებდნენ, სინჯავდნენ, წერდნენ, ტესტავდნენ ახალ მოდელებს, სიტყვებს, ფრაზებს და საბოლოო ჯამში, შეადგინეს "გამყიდველი" ტექსტის სტრუქტურა. მათ გამოავლინეს გაყიდვების ტექნიკები და ტრიგერები, რომლებიც მაგნიტივით იზიდავს მიზნობრივი აუდიტორიის ყურადღებას და უზრუნველყოფს მაქსიმალურ კონვერსიას.
ეფექტური "გამყიდველის" ტექსტის მოდელი AIDA გამოავლინეს ამერიკელებმა, როდესაც კატალოგებისა და ბუკლეტების მეშვეობით ჰყიდდნენ პროდუქტებს, ეწოდება AIDA – ყურადღება, ინტერესი, სურვილი, მოქმედება.
- ყურადღება [Attention]-გამყიდველმა ტექსტმა, პირველ რიგში, უნდა მიიზიდოს ადამიანის ყურადღება. ეს მიიღწევა ძლიერი სათაურებისა და ფოტოების დახმარებით… და რაც მთავარია, საბოლოო შედეგისა და ემოციის დანახებით.
- ინტერესი [Interest]-როდესაც ადამიანის ყურადღება მონადირებულია, მას სურს გაიგოს, თუ რა იქნება შემდეგ, რის შესახებ მოუყვებიან, რა სარგებელს მოუტანს მას ეს პროდუქტი თუ მომსახურება. მოცემულ ეტაპზე საჭიროა კლიენტის იმ დონეზე დაინტერესება, რომ წაიკითხოს მთელი ტექსტი. ინტერესი ჩნდება სარგებლის და უპირატესობის დაწვრილებითი აღწერის დახმარებით, რომელიც ადამიანს რეკლამირებული პროდუქტის შეძენის შემდეგ ექნება. საჭიროა უამბოთ, როგორ გამოიყურება პროდუქტი, რა შესანიშნავ თვისებებს ფლობს იგი, რატომ იქნება ეს პროდუქტი ადამიანისთვის სასარგებლო, მისცეთ ინფორმაცია გამოხმაურებებზე, გარანტიაზე, მიტანის სერვისზე.
- სურვილი [Desire]-სურვილი AIDA მოდელის მიხედვით, ჩნდება მომატებული ინტერესიდან. მნიშვნელოვანია აღინიშნოს, რომ მკითხველის ფიქრები იმის შესახებ, რომ მას თქვენ მიერ შეთავაზებული პროდუქტი სჭირდება – ჯერ კიდევ არაა სურვილი. ის კვლავაც ინტერესის დონეზეა. სურვილი ჩნდება მას შემდეგ, როდესაც ჩნდება ყიდვის მოტივაცია. სურვილის აღძვრის უამრავი მეთოდი არსებობს. ერთ-ერთი უძლიერესი არის ჩარჩოებში მოქცევა, შეზღუდვის შექმნა
- მოქმედება [Action]-არსებობს ბევრი კარგი ტექსტი – საინტერესო, სახალისო, სამოტივაციო და ა.შ. მაგრამ მათში ხშირად არ არის მთავარი – მოწოდება მოქმედებისკენ… არ არის ზუსტი მითითება, თუ რა უნდა გააკეთოს ადამიანმა ტექსტის წაკითხვის შემდეგ. როდესაც ჩვენ ადამიანს არ ვეუბნებით, თუ რა უნდა გააკეთოს ტექსტის წაკითხვის შემდეგ, ჩვენი ტექსტის ეფექტურობა მკვეთრად ეცემა. გამყიდველი ტექსტის დაწერისას მოქმედებისკენ მოწოდების გარეშე, ჩვენ სტატისტიკის თანახმად, სარეკლამო ბიუჯეტის 50-80%-ს ვატანთ ქარს.
ეს მოქმედებები შეიძლება იყოს კომპანიაში დარეკვა, დარეგისტრირება, შეკვეთის გაფორმება, სხვა საიტზე გადასვლა, კომენტარის დატოვება, გაზიარება, დაგზავნის გამოწერა და ა.შ.
ეს კეთდება ბრძანებითი ტონალობის ფრაზით: „მოიწერე“, „დააკლიკე“, „დარეკე“, „გაიგე“, „ამოჭერი“, „დაწერე“.
პ.ს.ადამიანი ინფორმაციის 80%-ს ადამიანი თვალებით აღიქვამს, შესაბამისად, სარეკლამო განცხადებების უმრავლესობა – ვიზუალურია. ამასთან, ქოფირაითინგის შესაძლებლობები იმდენად უსაზღვროა, რომ ვინც ღრმად არ იცნობს ამ სფეროს, უბრალოდ, ვერ ხვდება და სათანადოდ ვერ აფასებს მის ძალას. სიტყვის ძალა ძალიან დიდია, აქედან გამომდინარე, ძალიან მნიშვნელოვანია, სწორად "ავლესოთ" ჩვენი ტექსტური და ვიზუალური ხმალი.
დაეუფლე აქტუალურ პროფესიებს - შემოგვიერთდითსტეპერებისდიდოჯახში!
IT Academy StepლიდერიITსფეროში,ახლაუკვე100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ