Python არის ერთ-ერთი იმ პროგრამირების ენებიდან, რომლებიც ბოლო 4-5 წლის განმავლობაში ძალიან მოთხოვნადი და პოპულარული გახდა. ვსაუბრობთ PYPL ინდექსზე, Stack Overflow-ზე თუ სხვა პლატფორმაზე – ენა იკავებს მოწინავე პოზიციებს პროგრამირების ენებს შორის. თუმცა, ბევრ ადამიანს მიაჩნია, რომ ეს რეიტინგი ხშირად იცვლება და უნდა არსებობდეს შესაბამისი და მართებული მიზეზები, რომ ვისწავლოთ Python!
კონკრეტული პროგრამირების ენის მხოლოდ პოპულარობასა და მოთხოვნადობაზე აქცენტის გაკეთების ნაცვლად, უნდა გაითვალისწინოთ სხვა ასპექტებიც, როგორიცაა მისი მახასიათებლები, სწავლების მრუდე, სხვა ტექნოლოგიებთან შესაბამისობა, საზოგადოების მხარდაჭერა და ა.შ. ასევე, უნდა შეაფასოთ, შეესაბამება თუ არა ენა თქვენს კარიერულ პერსპექტივებს.
და როდესაც კონკრეტულად Python-ზე ვსაუბრობთ, ეს ენა გთავაზობთ სხვადასხვა ღირებულ მიზეზს 2021 წელს მის შესასწავლად, იქნება ეს მისი შესაბამისობა მომავლის ტექნოლოგიებთან, თუ ფართო ბიბლიოთეკის მხარდაჭერა, მისი მარტივად შესწავლის შესაძლებლობა თუ სხვა რაიმე მიზეზი. ამ სტატიაში ჩვენ გაცნობებთ 7 ასეთ მნიშვნელოვან მიზეზს, რომლებიც ნათელ წარმოდგენას შეგიქმნიან იმის შესახებ, თუ რატომ უნდა ისწავლოთ Python 2021 წელს.
1. გამოსავალი სიმარტივეშია
როდესაც ადამიანი, განსაკუთრებით სტუდენტი, გადაწყვეტს ახალი პროგრამირების ენის შესწავლას, პირველი, რაც მას თავში მოუვა არის ის, რომ ენა უნდა იყოს ადვილად შესასწავლი, ძალიან რთული სინტაქსისა და უჩვეულო წესებისგან თავისუფალი.
და უდავოა, რომ Python ამ პარამეტრში 100-დან 100 ქულას იღებს!
Python-ს აქვს ძალიან მარტივი სინტაქსი, რომელიც თითქმის მსგავსია ინგლისური ენისა, რაც მას დამწყებთათვის მეგობრულ ენად აქცევს. მარტივი სინტაქსისა და უკეთესი წაკითხვადობის ასპექტის გამო, ენის სწავლა შედარებით ადვილია. მაგალითად, თუ გსურთ დაწეროთ "Hello World" Python-ში, კოდი იქნება print("Hello World") – დიახ, ეს ასეთი მარტივია! და ალბათ ეს არის მიზეზი, რატომაც ირჩევს ამ ენას სხვადასხვა სკოლა და კოლეჯი პირველად სასწავლ პროგრამირების ენად სტუდენტებისთვის. ასევე, უნდა იცოდეთ, რომ Python არის უფასო, ღია წყაროს, მაღალი დონის პროგრამირების ენა.
2. აქვს მაქსიმალური მოქნილობა და განვრცობადობა
Python უზრუნველყოფს თქვენთვის საჭირო მოქნილობას, მასშტაბურობას და განვრცობადობას. როგორც პლათფორმათაშორისი ენა, ის ეფექტურად მუშაობს ყველა პლატფორმაზე, იქნება ეს Windows, Linux თუ macOS. ასევე, უნდა იცოდეთ, რომ თუ გსურთ შეასრულოთ Python კოდი, რომელიც შეიქმნა Windows-ზე, Mac-ზე ან Linux-ზე, მაშინ იგივე შეგიძლიათ გააკეთოთ სამივე პლათფორმაზე ყოველგვარი პრობლემების გარეშე. Python საშუალებას აძლევს დეველოპერებს შეასრულონ ენათაშორისი ოპერაციები მოხერხებულად და მარტივად შეძლონ ინტეგრირება Java-სთან, .NET კომპონენტებთან ან C/C++ ბიბლიოთეკებთან. მისი ძალზე განვრცობადი ბუნება საშუალებას იძლევა ეფექტურად გავრცელდეს სხვა პროგრამირების ენებზე. გარდა ამისა, რადგან Python არის ინტერპრეტირებული ენა, თქვენ არ გჭირდებათ თქვენი პროგრამის კომპილირება მის შესრულებამდე, როგორც ამას Java ან C++ საჭიროებენ. გარდა ამისა, ეს არის დინამიურად ტიპირებული ენა, სადაც დეკლარაციისას არ მოგიწევთ მონაცემების ტიპის მითითება. სხვა პროგრამირების ენებთან შედარებით, Python მართლაც უფრო მოქნილი, პორტატული და განვრცობადი ენაა.
3. გამოიყენება თითქმის ყველა ტენდენციურ ტექნიკურ დომენთან
- გსურთ, გაეცნოთ ხელოვნური ინტელექტისა და მანქანური სწავლების დომენებს?
- გსურთ, გახდეთ მონაცემთა მეცნიერი ან მონაცემთა ინჟინერი?
- გსურთ, აიწყოთ კარიერა ვებ-განვითარებაში ან თამაშის განვითარებაში?
არ აქვს მნიშვნელობა რომელ ტრენდულ დომენში გინდათ შეიძინოთ გამოცდილება ან აიწყოთ კარიერა – იმის შანსი, რომ Python დაგჭირდებათ მთელი ამ მოგზაურობის განმავლობაში, დიდია. დიდი მონაცემები, ღრუბელში მუშაობა, ხელოვნური ინტელექტი და მანქანური სწავლება, მონაცემთა მეცნიერენა და ა.შ. იმ ტექნოლოგიებიდან რამდენიმეა, რომლებიც მნიშვნელოვნად არის დამოკიდებული Python-ზე. ანგარიშების თანახმად, ტექნიკური პროფესიონალების უმრავლესობა მიიჩნევს, რომ Python არის ყველაზე შესაფერისი ენა ხელოვნური ინტელექტის, მანქანური სწავლებისა და მონაცემთა მეცნიერებისათვის დღევანდელ გარემოში. უფრო მეტიც, შეგიძლიათ მოახდინოთ ვებ განვითარება, ვებ-სკრაპინგი, ჩაშენებული სისტემების განვითარება და ა.შ. ასევე Python-ის დახმარებით. ეს ტექნოლოგიები იყენებენ Python-ს, როგორც ინსტრუმენტს, რამდენიმე მნიშვნელოვანი მიზეზის გამო, როგორიცაა რობასტულობა, მდიდარი ბიბლიოთეკა, უკეთესი მასშტაბურობა, საზოგადოების დიდი მხარდაჭერა და სხვა მრავალი.
ეძებ მარტივად შესასწავლ და ამავდროულად ყველაზე მოთხოვნად ენას?!
უდავოა, რომ Python ამ პარამეტრში 100-დან 100 ქულას იღებს!
4. გთავაზობთ ბიბლიოთეკებისა და ჩარჩოების უზარმაზარ კოლექციას
ეს არის Python-ის ერთ-ერთი უმთავრესი უპირატესობა – ბიბლიოთეკებისა და ჩარჩოების უზარმაზარი კოლექცია. ამ ენის გამოყენებისას შეგიძლიათ ისარგებლოთ ასობით ბიბლიოთეკითა და ჩარჩოებით მანქანური სწავლების, მონაცემთა მეცნიერების, ღრუბელში მუშაობის, ვებ-განვითარებისა და სხვისთვის. ეს ნამდვილად ეხმარება განვითარების პროცესის ბევრად გამარტივებას და ეფექტურობას, კოდის რამდენიმე ხაზით საჭირო ამოცანის შესრულებისთვის. დეველოპერების თვალსაზრისით, უზარმაზარი სტანდარტული ბიბლიოთეკა მათ საშუალებას აძლევს უფრო მეტი ყურადღება გაამახვილონ მთავარ ამოცანებზე, რომლებიც უნდა შესრულდეს დაბალი მნიშვნელობის პრობლემებთან ბრძოლის ნაცვლად. გარდა ამისა, ეს ხელს უწყობს განვითარებასთან დაკავშირებული ხარჯების შემცირებასაც.
Python-ის ზოგიერთი პოპულარული ბიბლიოთეკა და ჩარჩო მოცემულია ქვემოთ:
- მონაცემთა მეცნიერებისთვის: NumPy, SciPy, Pandas, PyTorch, სხვ.
- მანქანური სწავლებისთვის: Scikit-Learn, PyBrain, PyML, Tensorflow, სხვ.
- ხელოვნური ინტელექტისთვის: NLTK, Keras, OpenCV, სხვ.
- ვებ-განვითარებისთვის: Django, Pyramid, Flask, სხვ.
- ქსელური პროგრამირებისთვის: Asyncio, Pulsar, Pyzmq, სხვ.
5. სასურველია სკრიპტინგისა და ავტომატიზაციისთვის
ყველამ იცის, რომ ავტომატიზაცია დღეს დიდ საჭიროებას წარმოადგენს და მოდით გეტყვით, რომ Python მართლაც შესანიშნავი არჩევანია სკრიპტინგისა და ავტომატიზაციისთვის. ენა შეიძლება გამოყენებულ იქნას სხვადასხვა ყოველდღიური თუ განმეორებადი ამოცანების ავტომატიზირებისთვის, უკეთესი პროდუქტიულობისა და ეფექტურობის მისაღწევად. რადგან Python არის ინტერპრეტირებული ენა, თქვენ მხოლოდ გჭირდებათ, დაწეროთ კოდი სკრიპტის ფორმატში და შეგიძლიათ მისი პირდაპირ შესრულება. შეცდომას მანქანა შეამოწმებს მუშაობის დროს, როდესაც მანქანა წაიკითხავს თქვენს კოდს და მოახდენს მის ინტერპრეტირებას. მას შემდეგ, რაც კოდი შემოწმდება შეცდომებზე, ის შემდეგ შეიძლება გამოყენებულ იქნას მრავალჯერ. იმისათვის, რომ საქმე გაცილებით გამარტივდეს, არსებობს უამრავი ინსტრუმენტი და მოდული, რომლებიც Python-ს მოყვება სხვადასხვა მნიშვნელოვანი ავტომატიზაციის დავალებებისთვის, როგორიცაა ვებ-სკრაპინგი, ტესტირება და ა.შ. Python-ის რამდენიმე პოპულარული ბიბლიოთეკა და ავტომატიზაციის ინსტრუმენტია: Selenium Python, Robot frame, PyTest, Beautiful Soup, Automagica და მრავალი სხვა.
6. აქვს უზარმაზარი საზოგადოების მხარდაჭერა
პროგრამირების ენის ზრდა და განვითარება მნიშვნელოვნად არის დამოკიდებული მისი საზოგადოების მხარდაჭერაზე, დოკუმენტაციასა და სხვა შესაბამის პარამეტრებზე. ამასთან, დამწყები ხართ თუ გამოცდილი, ეს ღია წყაროს ენა გაძლევთ უზარმაზარი და საიმედო საზოგადოების მხარდაჭერას, რაც გულისხმობს თქვენს დახმარებას Python-თან დაკავშირებული პრობლემების და საკითხების გადაწყვეტაში. ანგარიშებიდან ვგებულობთ, რომ მთელ მსოფლიოში აქტიურად არის წარმოდგენილი 8 მილიონზე მეტი Python დეველოპერი. თქვენ შეგიძლიათ შეუერთდეთ სხვადასხვა ცნობილ საზოგადოებას, როგორიცაა Stack Overflow, GitHub და ა.შ. სადაც ნახავთ უამრავ Python პროგრამისტს, რომლებიც ყოველთვის მზად არიან დამწყებთა დასახმარებლად.
გარდა ამისა, ინტერნეტში ხელმისაწვდომია სხვადასხვა დოკუმენტები, სახელმძღვანელოები, სასწავლო რესურსები და ა.შ., რომლებიც დაგეხმარებათ Python-თან მუშაობის დაწყებაში და მის მარტივად ასათვისებლად. თუ დამწყები ხართ ან ჯერ არ შეგიბიჯებიათ პროგრამირების სამყაროში, შესაძლოა ეს საზოგადოების მხარდაჭერა უდიდეს უპირატესობად არ ჩათვალოთ, თუმცა დარწმუნებული იყავით, რომ ამ უპირატესობით ყველაზე მეტად ისარგებლებთ მას შემდეგ რაც Python-ში უფრო მეტად გაიღრმავებთ ცოდნას.
7. და დიახ, Python დეველოპერების ანაზღაურება საკმაოდ მაღალია!
Python ერთ-ერთი ყველაზე სწრაფად მზარდი ტექნოლოგიაა მთელ მსოფლიოში. როგორც ზემოთ აღვნიშნეთ, ის დაკავშირებულია უამრავ მომავლის ტექნოლოგიასთან, როგორიცაა ნივთების ინტერნეტი (IoT), ხელოვნური ინტელექტი, ავტომატიზაცია, ღრუბელში მუშაობა, დიდი მონაცემები და მრავალი სხვა; და ამიტომ Python-ის დეველოპერებზე მოთხოვნა ტექნიკურ სამყაროში დიდია, შესაბამისად, მათი ანაზღაურება ასევე შედარებით მაღალია, ვიდრე სხვა დეველოპერების. საშუალო დონის Python დეველოპერის საშუალო ხელფასი ინდოეთში დაახლოებით 10-16 LPA-ს შეადგენს. ასევე, თუ Python-ის პარალელურად შეიძენთ სხვა შესაბამის უნარ-ჩვევებს, როგორიცაა მონაცემთა მეცნიერება, მანქანური სწავლება და ა.შ., მაშინ ეს რიცხვი შესაძლოა გაიზარდოს კიდეც. თითქმის ყველა IT გიგანტი, იქნება ეს Google, Facebook, Amazon, Uber თუ სხვა ნებისმიერი, იყენებს Python-ს მისი შესაბამისი პლატფორმის ან პროდუქტისთვის. ეს ასევე ნიშნავს, რომ Python-ის მომავალი ნათელია და Python-ის პროფესიონალების კარიერული შესაძლებლობები მნიშვნელოვნად გაიზრდება უახლოეს პერიოდში.
ასე რომ, ეს არის რამდენიმე ძირითადი უპირატესობა, რომელთა გათვალისწინებაც შეგიძლიათ Python-ს შესწავლა 2021 წელს. ვებ-დეველოპერებისთვის, მონაცემთა მეცნიერებისთვის, მანქანური სწავლების პროფესიონალებისთვის და ა.შ., ეს ენა უზრუნველყოფს კარიერული მრავალი ვარიანტის გამოჩენას მისი სათანადოდ დაუფლების შემდეგ.
ამრიგად, ამიერიდან შეწყვიტეთ Python-ის შესწავლისთვის მიზეზების ძებნა, ნაცვლად ამისა, დაიწყეთ სწავლა ახლა და მიიღეთ მაქსიმალური ამ პროცესისგან..!!
შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
