დრონები თვეში 40,000 ხეს დარგავენ. 2028 წლისთვის, მათ 1 მილიარდზე მეტი ხე ექნებათ დარგული
23.06.2020
გადარჩენისთვის, ძალიან მოკლე დროში, პლანეტაზე ხე-ტყის მასიურად ნერგვის დაწყება და ამაზონის სრულიად აღდგენა გვჭირდება,. Flash Forest– ის დრონებს შეუძლიათ ხის დარგვა ბევრად უფრო სწრაფად, ვიდრე ადამიანების დიდ ჯგუფებს
პროცესები დაიძრა ტორონტოს ჩრდილოეთით მდებარე მიწის ნაკვეთზე, რომელიც მანამდე ხანძრის შედეგად დაიწვა, რამოდენიმე დღეა დრონები მინდვრების თავზე დაფრინავენ და თესლს მიწაში ყრიან, რგავენ ადგილობრივ ფიჭვსა და ნაძვის ხეებს, რათა დაეხმარონ ფრინველების საცხოვრებელი გარემოს აღდგენას.
Flash Forest კანადური სტარტაპია
კომპანია გეგმავს ახალი ტექნოლოგიების გამოყენებას 1 თვეში 40,000 ხის დასარგავად. მალე ეს პროექტი სხვა რეგიონებშიც გავრცელდება და მილიონობით ხეს დარგავს, მიზანი - 2028 წლისთვის 1 მილიარდი ხის დარგვაა
კომპანია, ისევე როგორც სხვა უამრავი სტარტაპი, რომლებიც ასევე იყენებენ დრონებს ხეების დასარგავად, თვლის, რომ ტექნოლოგიას შეუძლია დაეხმაროს მსოფლიოს - მიაღწიოს ამბიციურ მიზნებს ტყეების აღდგენის სახით, ბიომრავალფეროვნების დაკარგვის დაძლევის და კლიმატის ცვლილების წინააღმდეგ ბრძოლაში. კლიმატის ცვლილების მთავრობათაშორისი ჯგუფის განცხადებით, საჭიროა 1 მილიარდ ჰექტარზე ხეების დარგვა - ეს არის დაახლოებით მთელი შეერთებული შტატების ზომის ტყე, რათა გლობალური დათბობა 1.5 გრადუსამდე შემცირდეს.
მნიშვნელოვანია, არსებული ტყეების დაცვაც ახალი ხეების დარგვისას
”მრავალი მცდელობაა პლანეტაზე ტყის მასივების აღსადგენად, მაგრამ უმეტესობა მარცხს განიცდის და სუფთა ზარალი ყოველწლიურად 7 მილიარდი ხეს შეადგენს.”- ამბობს Flash Forest-ის თანადამფუძნებელი და სტრატეგიის მთავარი ოფიცერი Angelique Ahlstrom
დრონები არ აზიანებენ ბუნებას, არ ახდენენ ტყის განადგურებას, რაც, ალბათ, კიდევ უფრო მნიშვნელოვან საკითხს წარმოადგენს, ვიდრე ხეების დარგვა, ძველ ხეებს შეუძლიათ გაცილებით მეტი ნახშირბადის შენახვა. თუმცა, უკვე დაკარგული ტყეების აღდგენის მიზნით, დრონებს შეუძლიათ ადამიანებზე რომლებიც ნიჩბებით რგავენ ხეებს ორჯერ სწრაფად და სამჯერ იაფად იმუშაონ
ამჟამად Flash Forest-ის ტექნიკას შეუძლია დარგოს 10,000-დან 20,000 თესლი დღეში; ტექნიკის განვითარების შედეგად, ორ პილოტს დღეში შეეძლება 100,000-ზე მეტი ხე დარგოს
როცა კომპანია იწყებს მუშაობას გარკვეულ მხარეში, ჯერ შემსწავლელ დრონს აგზავნის ტერიტორიის დასათვალიერებლად, პროგრამის გამოყენებით იკვლევს სად არის საუკეთესო ადგილი ხეების დასარგავად, ნიადაგის და არსებული მცენარეების საფუძველზე. შემდეგ, დრონების გუნდი იწყებს თესლის ზუსტ ადგილებზე ჩამოყრას, რომელიც შეფუთულია მესაკუთრის მიერ შექმნილ ნარევში. აღნიშნული კომპანიის განცხადებით, ისინი ხელს უწყობენ თესლების აღმოცენებას რამდენიმე კვირის განმავლობაში მანამ, ვიდრე ამას სხვაგვარად გააკეთებდნენ. თესლი ასევე შექმნილია ისე, რომ შეინარჩუნოს ტენიანობა, ამიტომ ნერგები შეიძლება მრავალთვიანი გვალვის შემდეგაც გადარჩეს. ზოგიერთ რაიონში, მაგალითად მთიან რელიეფზე ან მანგროს ტყეებში, დრონები იყენებენ პნევმატურ ცეცხლსასროლ მოწყობილობას, რომელიც ნიადაგში ღრმად ისვრის თესლს. ”ეს საშუალებას მოგცემთ დარგოთ ხეები რთულ, მიუღწევად ტერიტორიებზე.” - ამბობს Angelique Ahlstrom-ი.
გამწვანების შემდეგ, კომპანია უბრუნდება ნერგების პროგრესის დადგენას
”პროექტიდან გამომდინარე, ჩვენ დავბრუნდებით რომ მოვრწყათ თუ იქნება გვალვა, ასევე, დავბრუნდებით ორი თვის შემდეგ, ერთი ან ორი წლის შემდეგ, აუცილებლად სამი-ხუთი წლის შემდეგ” ამბობენ კომპანიაში
აუცილებელია დავრწმუნდეთ, რომ ხეები სინამდვილეში იმდენ ნახშირბადს გამოყოფენ, რაც წინასწარ დაგეგმილია, კომპანია ირჩევს ადგილობრივ სახეობებს და მის თესლს გვალვისგან დასაცავად იყენებს, ჩვეულებრივ შემთხვევებში ეს პროცესი არ მოითხოვს ადამიანების შრომას ნერგების შესანარჩუნებლად; ამის ნაცვლად, სტრატეგიის მიხედვით მიზანშეწონილია დიდი რაოდენობით ხეების დარგვა და ბუნებრივად გადარჩენის მეთოდი.
”ჩვენ მეტად პრიორიტეტულად ვაქცევთ ბიომრავალფეროვნებას, ამიტომ ვცდილობთ მცენარეების ისეთი სახეობების დარგვას, რომლებიც ადგილობრივი მიწისთვის არის გათვლილი, მონოკულტურებისგან განსხვავებით... ვმუშაობთ ადგილობრივ სათესლე ბანკებთან და ასევე ვითვალისწინებთ იმას, რომ კლიმატის ცვლილებასთან დაკავშირებული ცვლილებები ტემპერატურის მომატებას იწვევს, იმის გათვალისწინებით, თუ როგორი იქნება კლიმატი ხუთიდან რვა წელიწადში, როდესაც ეს ხეები უფრო დაძველდება და უფრო მომწიფებულ ეტაპზე გადავა და რა გავლენას მოახდენს ეს მათზე” - ამბობს Angelique Ahlstrom
კომპანიის ამოქმედების შემდეგ, 2019 წლის ბოლოს, მცირე გუნდს ჰქონდა სამუშაო პროტოტიპი წლის შუა პერიოდამდე. მათ გაუშვეს საპილოტე ტესტირება, რასაც მოჰყვა უფრო დიდი ტესტები, Ahlstrom-ი ამბობს, რომ მათ უნახავთ გადარჩენის მაღალი მაჩვენებლები კონტროლირებად კვლევებში და იმედოვნებენ, რომ რეაგირებას მოახდენენ რეალურ სამყაროში.
ტორონტოსა და ბრიტანეთის კოლუმბიის მახლობლად მიმდინარე დარგვის შემდეგ, კომპანია დაიწყებს აღდგენის პროექტს ჰავაიში, მოგვიანებით მიმდინარე წელს, სადაც დაგეგმილია 300000 ხის დარგვა. ის ასევე გეგმავს ხის დარგვის პილოტირებას ავსტრალიაში, კოლუმბიასა და მალაიზიაში. შემდეგ კი მოდის ამაზონი !
ტრილიონამდე ხის სწრაფად დარგვა, ეს არის მიზანი, რომლის თანახმადაც ზოგიერთმა მკვლევარმა დაიანგარიშა, რომ მათ 200 გიგატონაზე მეტი ნახშირბადის შენახვა შეუძლიათ, ხეები უნდა გაიზარდონ 10-20 წლის განმავლობაში, სანამ ისინი ეფექტურად შეინახავენ ნახშირბადს, ამიტომ შუა საუკუნის პერიოდში კლიმატის ცვლილების მოსაგვარებლად, საჭიროა ხეები რაც შეიძლება სწრაფად გაიზარდოს
”ვფიქრობ, რომ დრონები და ტექნოლოგიები აუცილებელია იმ ტიპის მიზნების მისაღწევად, რასაც ჩვენ ვისახავთ, როცა დრონების პოტენციალს ვუყურებთ, ჩვენ 1 დრონით 1 საათში უფრო მეტ ხეს ვთესავთ, ვიდრე ადამიანების 20 კაციანი ჯგუფი მთელი დღის მანძილზე” - ამბობს Angelique Ahlstrom
IT Academy STEP – მსოფლიო ბრენდი 82 ფილიალით!
გახდი კვალიფიციური სპეციალისტი და საკუთარი საქმის პროფესიონალი, შემოგვიერთდით სტეპერების დიდ ოჯახში
თბილისი,
საბურთალო, ალ.ყაზბეგის 34/34ბ
