როგორ შეიცვლება ჩვენი სამუშაო მომავალი თვეებისა და წლების განმავლობაში?
ეს კითხვა ბევრ ადამიანს უკარგავს მოსვენებას, რომლის წარმოშობაც გენერაციული ხელოვნური ინტელექტისა და სხვა ტექნოლოგიების განგრძობითმა განვითარებამ და ჰიბრიდულმა მუშაობამ გამოიწვია.
სატია ნადელამ, Microsoft Corp.-ის აღმასრულებელმა დირექტორმა, თავისი შეხედულებები Davos 2023-ზე მსოფლიო ეკონომიკის ფორუმის დამფუძნებელთან და აღმასრულებელ თავჯდომარესთან, კლაუს შვაბთან საუბრისას გაგვიზიარა. მსოფლიო ეკონომიკის ფორუმი უკვე დიდი ხანია ჩართულია მომავლის სამუშაოების დებატებში და ამასთან დაკავშირებით რეგულარულ რეპორტინგსაც აწარმოებს.
AI-ის განვითარებასა და ჩვენი ქცევების ცვლილებასთან ერთად სამუშაოების სამყარო მუდმივ ევოლუციურ მდგომარეობაში გადავა.
„რეალური სტრუქტურული ცვლილებიდან გამომდინარე, ჩვენ ისევ ვაგრძელებთ სწავლას“ , ამბობს ნადელა. „ჩნდება მუშაობის ახალი პატერნები“.
ახალგაზრდები დაინტერესებული არიან ტექნოლოგიებით, მაგრამ არ იციან როგორ ან სად დაიწყონ სწავლა, ჩვენსკვალიფიციურ სპეციალისტებთან, საერთაშორისო აკადემიაში, მოზარდებს შეუძლიათ პროგრამირების შესწავლა!
მომავალი სამუშაოს სამი ტენდენცია
ნადელასა და შვაბს შორის გამართული ფართომასშტაბიანი დისკუსიიდან შეგვიძლია 3 მნიშვნელოვანი საკითხი გამოვყოთ, რომელიც ტექნოლოგიებს, ხელოვნურ ინტელექტს, კიბერუსაფრთხოებას, მეტავერსსა და სხვა თემებს ეხებოდა.
1. პროდუქტიულობის პარანოია
ნადელამ განმარტა, თუ რას გულისხმობდა იგი პროდუქტიულობის პარანოიაში.
„ყველა ლიდერი ფიქრობს, რომ ისინი რაღაც საკითხში არ არიან პროდუქტიული. მაგრამ ყველა, ვინც ამ ორგანიზაციაში მუშაობს, თავს გადატვირთულად გრძნობს“.
პროდუქტიულობის მთავარ საზომს 1 სამუშაო საათის გამომუშავება წარმოადგენს. იგი პოლიტიკის გამტარებლებისთვის მაღალი პრიორიტეტის საგანია. მათ შორის დიდ ბრიტანეთშიც, სადაც პროდუქტიულობა უკვე რამდენიმე წელია კლებას განიცდის.
ნადელას თქმით, ამ საკითხის მოგვარება საჭიროებს მონაცემთა შესწავლასა და გაუმჯობესების გეგმის შედგენა.
„ორი აზრი არაა, რომ შედეგი მნიშვნელოვანია“, ამბობს ნადელა. „ჩვენ უნდა ვფოკუსირდეთ შედეგებზე და შემდეგ, სავარაუდოდ, აღმოვაჩენთ წარმატებული მუშაობის ახალ პატერნებს“.
2. ხელოვნური ინტელექტი კო-პილოტის როლში
დავოსის შეხვედრაზე მსოფლიო ეკონომიკური ფორუმის მნიშვნელოვანი საკითხი იყო მანქანური სწავლების განვითარება. კერძოდ, მანქანური სწავლების განვითარება ნიშნავს, რომ კომპლექსური კოგნიტური დავალებები და კრეატიულობა სულ უფრო და უფრო ავტომატიზაცირებული ხდება.
„ერთ-ერთი რამ, რაზეც ძალიან ბევრს ვფიქრობთ არის - როგორ გამოვიყენოთ ეს ტექნოლოგია ისე, რომ ადამიანებს უფრო მეტის გაკეთების შესაძლებლობა მივცეთ“, თქვა ნადელამ.
პროგრამული უზრუნველყოფის დეველოპერებს ახლა უკვე შეუძლიათ დასაწერი კოდების 80% ხელოვნური ინტელექტის საშუალებით დაწერონ, მაგრამ ეს არ ნიშნავს, რომ ადამიანი ან მისი კრეატიული აზროვნება საჭირო აღარ არის.
„ეს ნიშნავს, რომ ახლა მას აქვს თავის სამუშაოს 80%-ის მარტივად შესრულების საშუალება. მაგრამ ის ისევ პილოტია, რომელსაც „თანაპილოტიც“ ჰყავს“.
3. ადამიანები და მოქნილი უნარები ქმნიან წარმატებას
ნადელას თანახმად, ყველას მოუწევს ახალი მოქნილი უნარების შესწავლა და ადამიანებს შორის კავშირების გაძლიერება.
„იქამდე, სანამ ადამიანები არ იგრძნობენ კმაყოფილებას თავიანთი სამუშაოთი, ახალი უნარების შეძენის კუთხით, ისინი არ იქნებიან ორგანიზაციისადმი ლოიალური“, - თქვა ნადელამ. „ეს ნიშნავს რეალურ ინვესტიციას მათ პროგრესში“.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში, ახლა უკვე 100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
