მოახლოვდა Apple-ის ოქტომბრის ღონისძიება, რომელზეც წარადგენენ ახალ MacBook Pro-ს და გაცილებით მძლავრ Mac Mini-ს, ახალი M1X ჩიპით, ეს ცალსახად Apple-ის ყველაზე ძლიერი ჩიპი იქნება.
როგორ დაიწყო ჩიპების წარმოება?
Apple-ისთვის საკუთარი ჩიპების წარმოების დაწყება უდიდესი წარმატება იყო, განვითარება და პროცესორების გაუმჯობესება გრძელდება, მაშინ, როდესაც კონკურენტები სულ უფრო სუსტდებიან, ეფლის პროდუქცია წლიდან წლამდე იხვეწება და გაყიდვების ასტრონომიულ ციფრს აღწევს.
კომპანიამ ჩიპების დაგეგმარება დაახლოებით ათი წლის წინ დაიწყო, როდესაც მათ iPhone-ში A4 ჩიპი განათავსეს, ხოლო გასულ წელს iPhone 12-ში A14 განთავსდა. კომპანიამ პირველი ოფიციალური ჩიპის მაგალითზე გადაწყვიტა უფრო მძლავრი და ენერგოეფექტური ჩიპის შექმნა, რომელიც მოერგება უფრო დიდ მოწყობილობებსაც, როგორიცაა მათი ტაბლეტები, ლეპტოპები და კომპიუტერებიც კი, M1 ჩიპის წარმოებით, ისედაც მძლავრი მოწყობილობები, კიდევ უფრო მაღალ საფეხურზე აიყვანეს.
შემდეგი ნაბიჯი: M1X
სპეციფიკაციები
M1-ის გამოშვება მხოლოდ პირველი ნაბიჯი იყო მათ გრძელვადიან გეგმაში, ახლა დგება ძალიან დიდი ნაბიჯის დრო, რომელიც გულისხმობს არსებული ჩიპის გაუმჯობესებას, რათა უფრო ახალი და მძლავრი ვერსიები შეიქმნას მოწყობილობების მომავალ თაობებში განსათავსებლად - აქ შემოდის თამაშში M1X.
ამჟამინდელ M1-ს აქვს სულ 8 პროცესორის ბირთვი, მათგან 4 მაღალი შესრულებისაა, განკუთვნილი უფრო მძიმე ამოცანებისთვის, ხოლო დანარჩენი ოთხი ენერგოეფექტური ბირთვია. ახალი M1X-ს კი ექნება 10 ბირთვი, ამჯერად 8 მათგანი მაღალი შესრულების ბირთვი იქნება, ენერგოეფექტურობაზე კი მხოლოდ 2 ბირთვი იზრუნებს.
მთლიანი ბირთვების რაოდენობის ზრდა და უფრო მაღალი შესრულების მქონე ბირთვებზე გადასვლა მოსალოდნელი იყო. M1 პირველი წარმოების ჩიპია, იაფი და ნაკლებად მძლავრი მოწყობილობებისთვის. ის შეიქმნა ენერგიის ეფექტურობის გათვალისწინებით, ხოლო M1X დამზადებულია სიმძლავრის გასაორმაგებლად MacBook Pro-სთვის, Mac Mini-სთვის და ალბათ ახალი iMac-ისთვისაც კი.
M1-ს ასევე გააჩნია 7 ან 8 გრაფიკული პროცესორული ბირთვი, ხოლო M1X-ს ექნება 16 ან 32 გრაფიკული პროცესორული ბირთვი. ჩვენ ჯერ კიდევ არ ვართ დარწმუნებული, რამდენად მწყობრად იფუნქციონირებს იგი, მაგრამ შესაძლოა Apple-მა გამოუშვას ორი ვარიანტი, ერთი იაფი მოწყობილობებისთვის 16 ბირთვით და მეორე 32 ბირთვით მათი უფრო ძვირი მოწყობილობებისთვის, როგორიცაა MacBook Pro 16 დიუმიანი.
განთავისუფლდი ბანალური საგანმანათლებლო სისტემისგან, დაიწყე ბრენდ დიზაინის შესწავლა სრულიად ახალი მეთოდებით და გახდი წარმატებული სტეპერი!
პრეზენტაციამდე გახმაურებული კულვარული ამბები
ვებგვერდი ‘CPU monkey’-დან სავარაუდო გაჟონილი მონაცემების თანახმად, ახალ M1X-ს აქვს ცალბირთვიანი და მრავალბირთვიანი სტანდარტები, რომლებიც მსგავსია Intel-ის i7–11700K ჩიპისა, რაც გრანდიოზული ნახტომი იქნება წინ. მათი ვარაუდით, ახალი ჩიპი გამოვა 12 პროცესორის ბირთვით, 10-ის ნაცვლად, როგორც ამას ჭორები იუწყებოდნენ.
‘CPU monkey’-ს თანახმად, 16 გრაფიკულ პროცესორიან ბირთვს ჰქონდა სტანდარტის ქულა 5.2 TFLOPS როდესაც გამოიყენებოდა FP32 გამოთვლებში, რაც ნიშნავს რომ ის იქნება უფრო სწრაფი ვიდრე Nvidia GTX 1060 ti, მაგრამ შედარებით ნელი ვიდრე Nvidia 1070. ვებ-გვერდი ასევე ირწმუნება, რომ გრაფიკულ-პროცესორიანი ბირთვები იქნება ორჯერ უფრო ძლიერი ვიდრე ამჟამინდელი M1, რაც წარმოუდგენლად შთამბეჭდავი სიახლეები გველის წინ, თუ ეს სიმართლეა.
Dave2D-მა ასევე შეაფასა, რომ 32 გრაფიკულ პროცესორიანი ბირთვის ვარიანტი ისეთივე ძლიერი იქნება, როგორც Nvidia 3070, რაც საოცარია, რადგან M1X არის სისტემა ჩიპზე (SOC) და არა სრული ზომის ინტეგრირებული გრაფიკული ბარათი, როგორიცაა Nvidia 3070.
დასკვნები და პირადი მოსაზრებები
რასაკვირველია, ჯერჯერობით არაფერია დაზუსტებული და ყველაფერი ალბათ ცოტა სხვაგვარად იქნება, როდესაც გამოვა საბოლოო პროდუქტი და ჩვენ დავინახავთ, როგორ წარადგენს რეალურად Apple ამას, მაგრამ ჩვენ არ ვცდილობთ მივიღოთ ზუსტი რიცხვი, არამედ გვსურს შევიქმნათ მარტივი წარმოდგენა იმის შესახებ, თუ რამდენად მძლავრი იქნება Apple-ის ყველაზე მნიშვნელოვანი, ახალი ჩიპი და თუ ეს რიცხვები ასახავს რეალურ მაჩვენებელს, მაშინ ეს იქნება ოქროს წონის მიღწევა, რომელიც გააბედნიერებს ერთგულ მომხმარებელს.
Apple-ის A-chip სერია iPhone-ებისთვის ჩვეულებრივ იღებს ყოველწლიურად 20%-იან გაუმჯობესებას, მაგრამ ამ ეტაპზე, ჩვენ არ ვიცით რას შეიძლება ველოდოთ M- სერიისგან და მისი ყოველწლიური განახლებებისგან.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
