მოგესალმებით უკან მომავალში! მარტი მაკფლაი ოჯახის გადასარჩენად დროში მოგზაურობს და 1985 წლიდან 2015 წელში ამოყოფს თავს, ახალი სამყარო კი სრულიად შეცვლილია: მფრინავი მანქანები, ფეხსაცმელი, რომელიც თავისით იკვრება, საჭმლის ჰიდრატორი, ბიომეტრიული იდენტიფიკაცია - ეს იმ ტექნოლოგიების მცირე ჩამონათვალია, რომლებიც მარტისა და შეშლილ მეცნიერ ემეტ ბრაუნს დედამიწაზე 2015 წელს ხვდებათ.
რეჟისორ რობერტ ზემეკისის კინოტრილოგიის მეორე ნაწილი ეკრანებზე 1989 წლის ნოემბერში გამოვიდა. ფილმმა 58-ე ოსკარზე 4 ნომინაციის მიღება და 1 ნომინაციაში გამარჯვება მოახერხა. ნაწინასწარმეტყველები ტექნოლოგიების უდიდესი ნაწილი 2021 წლის განუყრელი ნაწილია, ზოგი კი ძალიან ახლოს არის შექმნასთან.
და მაინც, რისი გამოცნობა შეძლო ფილმმა?
1. უპილოტო საფრენი აპარატები - პერსონალური დრონები:
პერსონალური დრონები მაკფლაისა და ბრაუნის მომავლის სამყაროს განუყრელი ნაწილია. „Hovercams”, როგორც მას ფილმში უწოდებენ, მართლაც რომ ყველაფერში გამოიყენება - ძაღლის გასეირნებიდან დაწყებული, ტელევიზიებისთვის ფოტოების გადაღებით დამთავრებული.
ამ პატარა საფრენ აპარატებს ჩვენს სამყაროშიც ყველგან შევხვდებით. თავდაპირველი სამხედრო დანიშნულების გარდა, ახლა ისინი ყოველდღიურ ცხოვრებაშიც გამოიყენება. დრონებით შესაძლებელია დიდი სიმაღლიდან ვიდეოების გადაღება, ნივთების გადატანა, რუკების შედგენა, თვალთვალი და რაც არ უნდა გასაკვირი იყოს - მოდის ჩვენებების მოწყობაც.
2. ბიომეტრიული იდენტიფიკაცია:
ფილმში ბიომეტრიული იდენიფიკაცია - იდენტობის დადგენის მთავარი საშუალებაა, განსაკუთრებით კი თითის ანაბეჭდები - რომლებიც 2015 წლის სამყაროში ყველგან გამოიყენება. ამ მხრივ ყველაზე მნიშვნელოვან სცენად კი მარტის შეყვარებულის (და მომავალი ცოლის) ჯენიფერის სცენა ითვლება, როდესაც პოლიცია მისი სახლის კარის გასაღებად ცერა თითის ანაბეჭდს იყენებს.
დღევანდელ რეალობაში, თითის ანაბეჭდის საიდენთიფიკაციოდ გამოყენება ჩვეულებრივი მოვლენაა და გამოყენება როგორც, ტელეფონების გასახსნელად, ასევე საბანკო ინფორმაციის მოსაპოვებლად ან თუნდაც, კარების გასაღებად.
3. ჰოვერბორდები
ჰოვერბორდი - პერსონალური სატრანსპორტო მოწყობილობა, მართლაც რომ „უკან მომავალში“ 2-ის გამოსვლის შემდეგ გახდა პოპულარული.
სკეიტბორდის მსგავსი, მფრინავი მოწყობილობის საშუალებით მარტი გაქცევას მოახერხებს და იდეალური სატრანსპორტო საშუალება აღმოჩნდება. მიუხედავად იმისა, რომ ჩვენს ჰოვერბორდებს ჯერ ფრენითი ფუნქცია არ გააჩნია, შეგვიძლია ვივარაუდოთ, რომ მალე საჰაერო ჰოვერბორდები რეალობად იქცევა. კომპანია “Hendo-მ“ უკვე შექმნა მფრინავი ჰოვერბორდების პროტოტიპი, რომლის გამოცდაშიც პროფესიონალი სკეიტბორდისტი - ტონი ჰოუკი ეხმარებათ.
4. ჭკვიანი სათვალეები
მარტისა და ჯენიფერის შვილი ოჯახურ სადილზე ჭკვიან სათვალეებს იყენებს. ვირტუალურ რეალობაში მოხვედრილს - ტელევიზორის ყურება, ტელეფონზე ლაპარაკი და ჭამა ერთდროულად შეუძლია.
ნაცნობია, არა? ტექნოლოგიები ისე შემოიჭრნენ ჩვენს ცხოვრებაში, რომ ოჯახური სადილის დროსაც კი მათ ვიყენებთ. ჭკვიანი სათვალეები კი უფრო და უფრო იხვეწება. კომპანია Google-მა ასეთი სათვალეები (Google Glass) ჯერ კიდევ 2013 წელს გამოუშვა. ახალ ტექნოლოგიას ისეთივე ფუნქციები გააჩნდა, როგორც სმარტფონს და ხელების გამოყენების გარეშე, ხმოვანი ბრძანებებით შეუძლია ფუნქციონირება. მოუხედავად იმისა, რომ კომპანიამ სათვალეების გაყიდვა მალევე შეწყვიტა, თავდაპირველი პროტოტიპების შეძენა დღემდეა შესაძლებელი.
გუგლის სათვალეების 1 წუთიანი ვიდეო
5. ვიდეო ზარები
ვიდეო ტელეფონები გერმანიაში 1936 წელს უკვე არსებობდა, მაგრამ მსოფლიოში პოპულარულობა გვიან მოიპოვა. დღევანდელი რეალობა კი მათ გარეშე წარმოუდგენელია.
ასეთივე იყო მარტისა და პროფესორი ბრაუნის 2015 წელი. ვიდეო ზარები კომუნიკაციის მთავარი საშუალებაა და მეტიც, გამოსახულების ჩვენების გარდა - დარეკვისას, ეკრანზე ჩნდება ისეთი პერსონალური ინფორმაცია, როგორებიცაა: სახელი, დაბადების თარიღი, მისამართი, ოჯახის წევრები, საყვარელი სასმელი და საჭმელი, ჰობი, სპორტი და პოლიტიკური შეხედულებები.
რობერტ ზემეკესის ეს ფილმი - ერთი მთლიანი ტექნოლოგიური წინასწარმეტყველებაა.
ფილმი სრულად ნახეთ ლინკზე
#სტეპისკინოკლუბი #Step Movie Club
დაეუფლე მომავლის პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
