ბავშვობის პერიოდში ხშირად გვქონია მომენტი, როდესაც მშობლები გვეკითხებოდნენ : ,,ვინ გინდა რომ გამოხვიდე?’’
ზოგიერთ ჩვენგანს ამ კითხვაზე პასუხის სხვადასხვა ვერსია ჰქონდა - ექიმი, იურისტი, მეცნიერი, მსახიობი, მოდელი ან ,,მილიარდერიც’’ კი. ხოლო ზოგიერთმა თავიდანვე ზუსტად იცოდა რა პროფესიას უნდა დაუფლებოდა და დაეუფლა კიდეც.
ჩვენ მოგიყვებით საინტერესო ამბავს დღეს უკვე ყველასთვის კარგად ცნობილ ბიზნესმენსა და ინვესტორზე, რომელმაც 13 წლის ასაკში ზუსტად იცოდა რა საქმე აინტერესებდა.
ამბავს მულტინაციონალური კომპიუტერული ტექნოლოგიების კორპორაცია ,,Microsoft’’-ის თანადამფუძნებლის, ბილ გეიტსის შესახებ მოგითხრობთ, რომელიც ,,Forbes’’-ის 2021 წლის მსოფლიოს მილიარდერთა სიაში მე-4-ე ადგილს იკავებს.
ბილ გეითსი 1955 წელს აშშ-ს ქალაქ სიეტლში დაიბადა. მამა ცნობილი იურისტი იყო, ხოლო დედა ბანკში, მაღალ თანამდებობაზე მუშაობდა. ბილი პრესტიჟულ კერძო სკოლაში სწავლობდა, სადაც 13 წლისამ პირველად დაწერა კომპიუტერული პროგრამა. ეს იყო მარტივი კომპიუტერული თამაში. სკოლაში გაიცნო მისი მომავალი ბიზნესპარტნიორი, პოლ ალენი. მასთან და კიდევ ორ მოსწავლესთან ერთად სკოლაში პროგრამირების კლუბი ჩამოაყალიბა. 15 წლის ბილ გეითსმა უკვე პროგრამირების რამდენიმე ენა იცოდა.
15 წლის ბილ გეიტსი და 17 წლის პოლ ალენი ლეიკსაიდის სკოლაში. 1970 წელი
სკოლის პერიოდში, კომპიუტერული მეცნიერებებით გატაცებული ბილ გეიტსი მუდმივად ცდილობდა დრო სწორად გადაენაწილებინა, რადგან სწავლასთან ერთად დამატებით კომპიუტერული საქმიანობით დაკავებულიყო. თავისუფალ დროს, ბილი ყურადღებას ან კომპიუტერს უთმობდა, ან პოკერს თამაშობდა.
ბილ გეიტსი დღესაც ხშირად თამაშობს პოკერს
მომავალი მილიარდერის ინტერესი კომპიუტერული მეცნიერებების მიმართ სულ უფრო ძლიერდებოდა, რაც მთელმა სკოლამ კარგად იცოდა. სწორედ ამიტომ, სკოლის ადმინისტრაციამ ბილ გეიტსს პროგრამის შექმნა დაავალა, რომელიც მოსწავლეების გაკვეთილებზე გადანაწილების სისტემას შეიმუშავებდა.
ბილი საქმეს სიხარულით შეუდგა. უფრო მეტიც, მან პროგრამის კოდი სპეციალურად შეცვალა, რათა საკლასო ოთახში, ყველა გაკვეთილზე ბევრ ჭკვიან გოგონასთან ერთად მოხვედრილიყო.
ბილ გეიტსი სკოლის პერიოდში
1972 წელს, 17 წლის გეითსმა, პოლ ალენთან ერთად კომპანია Traf-O-Data დაარსა, რომელიც ინტელის პროცესორებში ინფორმაციის მოძრაობას აღრიცხავდა. მომდევნო წელს, ბილმა სკოლა წარჩინებით დაასრულა და ეროვნული ღირსების სტიპენდია მიიღო. SAT-ის ტესტში მაქსიმალური, 1600 ქულიდან 1590 ქულა აიღო და ჰარვარდის უნივერსიტეტში ჩაირიცხა.
ბილი და პაული კომპანია ,,Traf-O-Data’’-ს დაარსების დასაწყის პერიოდში
კომპანიის საიდენტიფიკაციო ბარათი, 1970-იანი წლები
1973 წელს ბილ გეიტსი ჰარვარდის უნივერსიტეტის სტუდენტი გახდა, თუმცა სხვა წარმატებული ადამიანების მსგავსად სწავლა მეორე კურსზე მიატოვა. ბილს არ აქვს უმაღლესი განათლების დამადასტურებელი დიპლომი.
სწავლის მიტოვების შემდეგ, 1975 წელს, ბილ გეიტსმა და პოლ ალენმა კომპანია Microsoft-ი დააფუძნეს. თავდაპირველად კომპანიის სახელწოდება ,,Micro-soft’’ იყო, ხოლო შემდგომ სიტყვა გაერთიანდა.
კომპანიაზე მუშაობის საწყის ეტაპზე ბილი ნიუ მექსიკოში დააპატიმრეს. ის მანქანას მართვის მოწმობის გარეშე მართავდა და საგზაო ნიშნებს არ ემორჩილებოდა.
როდესაც კომპანია ,,Microsoft’’-ი ბაზარზე დამკვიდრდა და მის შესახებ უამრავი იმ დროს წამყვანი კომპანია ალაპარაკდა, ბილ გეიტმა გადაწყვიტა საკუთარი თანამშრომლების მანქანების ნომრები დაემახსოვრებინა, რათა ყოველდღე, მათი სამსახურში მოსვლის დრო ეკონტროლებინა. თუმცა ახალგაზრდა ბიზნესმენმა ეს ჩვევა მალევე დაივიწყდა, რადგან ,,Microsoft’’-ი საგრძნობლად ფართო მასშტაბის კომპანიად ჩამოყალიბდა, თანამშრომლების და მათი მანქანების რიცხვმაც შესაბამისად იმატა J.
გეიტსის სიმდიდრე, “მაიკროსოფტის“ წარმატების პარალელურად იზრდებოდა. 1993 წელს, უკვე თვეში მილიონზე მეტი Windows-ი იყიდებოდა.
უნივერსიტეტში გეიტსმა პროფესორებს განუცხადა, რომ მილიონერი მანამდე გახდებოდა, სანამ 30 წელი შეუსრულდებოდა. ბიზნესმენმა ეს დანაპირები ერთი წლის დაგვიანებით შეასრულა.
1994 წლის 1 იანვარს ბილ გეიტსმა მელინა ფრენჩიზე იქორწინა. სპეციალურად ამ მოვლენის აღსანიშნავად ბიზნესმენმა ჰავაის კუნძულები დაიქირავა.
ბილ და მელინდა გეიტსებმა 27 წლიანი თანაცხოვრების შემდეგ განქორწინება გადაწყვიტეს.
ბილმა Cascade Investment-ის $1.8 მილიარდის ეკვივალენტის ფასიანი ქაღალდები მელინდას გადასცა. რის შედეგადაც მელინდა მსოფლიოს მილიარდერთა სიას შეუერთდა.
დღეს ბილ გეიტსი მსოფლიოს უმდიდრესი ადამიანია. მისი ქონება ყოველწლიურად იზრდება. ბიზნესმენი აქტიურად არის ჩართული მსოფლიოში მიმდინარე პანდემიასთან ბრძოლაში.
თავისი საქველმოქმედო ფონდის გზით, ბილ გეიტსმა ვაქცინების ზოგიერთი მწარმოებლის დასახმარებლად და დიაგნოსტიკისა და მკურნალობის პოტენციური მეთოდების მხარდასაჭერად 1,75 მილიარდი დოლარი გამოყო.
შემოგვიერთდი სტეპში და დაეუფლე ახალ პროფესას ჩვენთან .
ისწავლე გრაფიკა და დიზაინი - დარეგისტრირდი დღესვე.
