ხელოვნურ ინტელექტზე დაახლოებით 30 წელი ვიმუშავეთ და 2022 წლამდე არ დაწერილა AI სისტემა, რომელსაც შეეძლებოდა ახსნა და განმარტება რა არის სასაცილო მოცემულ ხუმრობაში, არ მაქვს საუბარი წინასწარ დაპროგრამებულ პასუხებზე, როგორსაც Siri-ში იპოვი: თუ იკითხავ „რა არის ცხოვრების აზრი“, პასუხად მიიღებ რაიმე მსგავსს: „კარგი ცხოვრებაა სუფთა და მშრალი ტანსაცმლის ჩაცმა“, რომელიც რეალურად პროგრამისტმა დაწერა; სისტემას წარმოდგენა არ აქვს, რა არის ამ პასუხში სასაცილო. ამ სტატიაში სამ კითხვას დავსვამთ:
- შეუძლიათ რობოტებს ხუმრობების მოფიქრება?
- შეუძლიათ რობოტებს ხუმრობების გაგება?
- შეიძლება თუ არა რობოტების ხუმრობებით გართობა?
კითხვები დალაგებულია სირთულის ზრდადობის მიხედვით. რაც ბევრი ჩვენგანისთვის შესაძლოა საპირისპირო იყოს, რადგან რაღაცის შექმნა, წესითა და რიგით, უფრო რთულია, ვიდრე რაღაცის გაგება. მაგრამ ამ შემთხვევაში სიმართლე საპირისპიროა, რასაც ქვემოთ ავხსნით.
პირველი დონე: ხუმრობის მოფიქრება
გახსოვთ მილოშ ფორმანის ფილმი „ამადეუსი“? სალიერი მიხვდა, რომ მოცარტი მასზე გაცილებით მაღალ დონეზე იდგა, ამიტომ მან ღმერთი შეიძულა, რადგან შემოქმედმა სალიერს არ მისცა საოცარი მუსიკის შექმნის უნარი, მაგრამ მისცა უნარი გაეაზრებინა მოცარტის მუსიკის დიდებულება. ხუმრობების შექმნის შემთხვევაში, არსებული ხუმრობების დიდი ბაზა გვაძლევს საშუალებას შექმნათ სხვადასხვა ვარიაციები, რომლებიც ნამდვილი „შემოქმედება“ არ აის. ვარიანტების გენერაცია არის ის, რითიც გავრცელებული „დიფ-ფეიკები“ იქმნება.
გენერაციული სისტემები GPT-3, არის შესაფერისი ტექსტების, გამოსახულებების ან ვიდეოების კონსტრუირებისთვის, რომლებიც ჩვენთვის, ადამიანებისთვის, შეიძლება იყოს დამაჯერებელი და იდუმალიც კი. მაგრამ, მერწმუნეთ, მანქანას წარმოდგენაც არ აქვს რატომ შეიძლება იყოს ეს გენერირებული წარმონაქმნი სასაცილო. ამიტომ გადავიდეთ შემდეგ დონეზე...
ახალგაზრდები დაინტერესებული არიან ტექნოლოგიებით, მაგრამ არ იციან როგორ ან სად დაიწყონ სწავლა, ჩვენსკვალიფიციურ სპეციალისტებთან, საერთაშორისო აკადემიაში, მოზარდებს შეუძლიათ პროგრამირების შესწავლა!
მეორე დონე: ხუმრობების გაგება
„იუმორის გრძნობა“ არ არის იდუმალი ნაპერწკალი ჩვენს გონებაში; იგი შეიცავს საერთო ცოდნას, რომელიც ხუმრობაშია ნაგულისხმევი. მაგალითად, განვიხილოთ ხუმრობა: „რა სხვაობაა მტვერსასრუტსა და მოტოციკლზე მჯდომ იურისტს შორის? მტვერსასრუტს ნაგვის საცავი მის შიგნით აქვს“. ყველამ ვიცით, რომ იურისტები გარკვეულწილად ამორალურები არიან, ხშირად სასამართლოს მოსაგებად საკუთარ დედასაც უღალატებენ (რა თქმა უნდა, ყველა არა). გარდა ამისა, ყველამ ვიცით, რომ მოტოციკლს გარედან ვატარებთ და არა შიგნიდან, როგორც ავტომობილს. და ა.შ. ამიტომ დასკვნა, რომ იურისტი არის მოტოციკლზე მიმაგრებული ნაგვის ტომარა, საჭიროებს უამრავ ცოდნასა და მსჯელობას, რომლებსაც ადამიანები იმ მომენტში ვაანალიზებთ. ადამიანებისთვის ეს პროცესი ძალისხმევას არ საჭიროებს, რადგან იგი „საღ აზრს“ წარმოადგენს, თუმცა იგი იმდენად მიუწვდომელია ხელოვნური ინტელექტისთვის, რომ მას მთელი კონფერენციები და ჟურნალის ნომრები ეძღვნება.
ჰექტორ ლევესკი თავის წიგნში „Common Sense, the Turning Test, and the Quest for Real AI” განიხილავს, თუ როგორ გახდა სტანდარტული ტურინგის ტესტირება არაადეკვატური მანქანებში ინტელიგენციის დასადგენად. ტურინგის ტესტში არის დამალული მოთამაშე (ადამიანი ან მანქანა), რომელიც მონაწილეობას იღებს ტექსტურ მიმოწერაში ადამიანთან, ჟიური კი დაკვირვების საფუძველზე აფასებს ამ საუბარს; როდესაც შემფასებლები იფიქრებენ, რომ მანქანა ადამიანი იყო, იგი ტურინგის ტესტს აბარებს.
ლევესკი ამბობდა, რომ ტურინგის ტესტი მანქანური ინტელიგენციის ცუდი შემფასებელია და მას ვეთანხმები. როგორც იცით, მანქანამ ტურინგის ტესტი 2014 წელს გაიარა. ამავე წელს, ფიქციურმა მონაწილემ, სახელად ევგენ გუსტმენმა, ჭკვიანი ხერხების გამოყენებით დააჯერა ჟიურის ყველა წევრი, რომ იგი ადამიანი იყო. მაგ., მანქანა იტყუებოდა, რომ იყო უკრაინელი ბიჭი, რაც მის ცუდ ინგლისურს ამართლებდა. თუმცა ეს ყველაფერი თავიდანვე კარგად დაგეგმილი და გააზრებული იყო ადამიანების მიერ, ამიტომ ამ მანქანას „ინტელიგენტს“ ვერ ვუწოდებდით.
მესამე დონე: ხუმრობებით გამხიარულება
კომპიუტერი თუ შეძლებს ხუმრობის ახსნას, ეს იქნება გამოთვლითი პროცესი, რომელიც არანაირ სიამოვნებას არ გულისხმობს (რობოტისთვის, რა თქმა უნდა).
შეუძლიათ საერთოდ რობოტებს სიამოვნების მიღება? აქ სახიფათო ტერიტორიაზე გადავდივართ. ზოგიერთმა ადამიანმა, რომლებიც უნდა იყვნენ გონიერი და განვითარებული, დაკარგეს საღად აზროვნების უნარი და დაიწყეს საუბარი ისეთ სისულელეებზე, როგორიცაა ცნობიერება და უფრო ეზოთერული საკითხები. არ მინდა მათსავით დავასრულო. ჩვენმა 30 წლიანმა გამოცდილებამ AI კვლევებში მცირედი წარმოდგენაც კი არ შეგვიქმნა, როგორ შეიძლება ჩამოუყალიბდეს მანქანას „გრძნობები“. მაგრამ ფაქტია, რომ ხელოვნური ინტელექტი ნვითარდება რეაქტიული სისწრაფით
2023 წლის განახლებებით ბევრი რამ დაჩქარდა, ChatGPT-4 უახლესი თაობის უზარმაზარი ენის მოდელია, რომელიც წინამორბედებზე მძლავრი და ეფექტიანი იქნება,მრავალმხრივი პასუხებით, უკეთესი მსჯელობით, უფრო კრეატიული და სტრატეგიული შესაძლებლობებით, მას თუ კითხავ „რა არის ცხოვრების აზრი“, პასუხად მიიღებ მილიონობით ვერსიას, სათითაოდ შეგეძლება დაშლა და სათითაოდ შეკვრა ვრცელ წერილად, დემოგრაფიული და ენობრივი ჩაშლებით, მას 2500-ზე მეტი სიტყვის ერთდროული დამუშავება და ფოტოებად ქცევაც კი შეეძლება, აღარაფერს ვამბობთ ადვოკატთა გამოცდის (Bar exam) ჩაბარების უნარზე, ასე რომ დიახ - რობოტებს შეუძლიათ ჰქონდეთ იუმორის გრძნობა!
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში, ახლა უკვე 100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
