ციფრული მიწები - ფანტასტიკიდან რეალობამდე

ეკონომიკა ინფლაციის გამო სრულიად ჩამოიშალა. დიდი ქალაქები ავტონომიურ ზონებად იქცნენ. მთავრობები აღარ არსებობენ, ყველაფერი პრივატიზებულია  - გადაადგილება შეუძლებელი, სამყარო კი უსაფრთხო აღარ არის. ამის გამო კი, ადამიანები მთელ დროს ვირტუალურ სამყაროში ატარებენ, სადაც მიწები და ადგილები აუქციონის საშუალებით იყიდება.

ეს ნილ სტივენსონის (Neal Stephenson) სამყაროა, რომელიც 1992 წელს გამოშვებულ სამეცნიერო ფანტასტიკა „Snow Crash-ში“ აღწერა. მისი დისტოპიური რეალობა მართლაც რომ შემაძრწუნებელია, მაგრამ, როგორც Sci-Fi ნაწარმოებების უმრავლესობამ, მანაც შეძლო და გამოიცნო თანამედროვე, მომავლის სამყაროს ახალი მახასიათებელი - ვირტუალურ სამყაროში ცხოვრება და მეტიც, ახალი ციფრული რეალობის შექმნა.

მას Metaverse-ს (მეტა-სამყარო) უწოდებენ - ფიზიკური რეალობის ონლაინ რეპლიკას.

და ახლა, ნაწარმოების მსგავსად, მეტა-სამყაროებში ახალი რეალობის აშენებაც არის შესაძლებელი. აშენება - პირდაპირი გაგებით, რადგან დღეს ჩვენ შეგვიძლია ციფრული მიწების ყიდვა, მათზე ციფრული შენობების აგება, ბიზნესის წამოწყება ან ვირტუალურ სახლად ქცევა.

 

Decentraland - არგენტინელი დეველოპერების მიერ შექმნილი 3D ვირტუალური რეალობაა. ეს არის ციფრული, 90 000 მიწის ნაკვეთისგან შემდგარი ქალაქი, რომლის თითოეული ბლოკი NFT-ია (non-fungible token), რაც ნიშნავს, რომ თითოეული მათგანის რეპლიკაცია შეუძლებელია და ერთადერთია, ისევე, როგორც რეალურ სამყაროში. ქალაქი სრულიად დეცენტრალიზებულია, არ ჰყავს მთავრობა, გააჩნია საკუთარი ვალუტა. აქ ნებისმიერ მსურველს შეუძლია მიწის შეძენა და ციფრულ რეალობაში ცხოვრება.

Decentraland-ში ყველა ტრანზაქცია ადგილობრივი კრიპტოვალუტით - MANA-თი ხდება. დღეს 1 MANA-ს ღირებულება 69 ცენტია, ქალაქის ნაწილების ფასი კი მის განვითარებაზეა დამოკიდებული. ერთი კვადრატი რეკორდულ ფასად - 180 000$-დაც კი არის გაყიდული.

ქალაქმა ყურადღება ჯერ კიდევ 2017 წელს მიიქცია, როდესაც მიწის პირველი ნაკვეთები 26 მილიონ დოლარად გაიყიდა. 2021 წლის ივნისში კი, ამერიკულმა ციფრული უძრავი ქონების კომპანია Republic Realm-მა 913,228 დოლარის ოდენობის ინვესტიცია განახორციელა და 259 მიწის ნაკვეთი შეიძინა. Republic Realm-ი Decentraland-ში იაპონური საშოპინგო რაიონის - Harajuku-ს (原宿) დიზაინის მიხედვით, ვირტუალური სავაჭრო ქუჩის - Metajuku-ს აშენებას გეგმავს.

კომპანია "Coca-cola-ს" შექმნილი ციფრული ქურთუკი

თუმცა, ამ ინვესტიციით არ დასრულებულა მეტა-სამყაროს პოპულარულობა. 2021 წლის 30 ივლისს, კომპანია “Coca-Cola” NFT-ის 4 დღიან აუცქიონში ჩაერთო, სადაც გატანილ ნივთებს არის შორის ფუტურისტული ბრენდირებული ქურთუკი. Coca-cola-ს გადაწყეტილებით, ამ ქურთუკის გამოყენება და ჩაცმა - სწორედაც რომ Decentraland-ის მოქალაქეებს შეეძლებათ.

და მაინც, რატომ გახდა ციფრული ქალაქი ასეთი პოპულარული?

გარდა იმისა, რომ Decentraland-ი 3D ტიპის თამაშია, ის ასევე კარგი ადგილია კომერციული საქმიანობისთვის. ქალაქში შესაძლებელია სარეკლამო ბილბორდებისა და რეალური სავაჭრო ობიექტების ციფრული ვერსიების დადგმა. და მეტიც, შესაძლებელია ამ ობიექტების რეალურად ამუშავება - თამაშში შოპინგი ან ციფრული რესტორნიდან რეალურ სამყაროში საჭმლის გამოძახება, ონლაინ კაზინოების შექმნა თუ გამოფენების ჩატარება. ვირტუალური ქალაქი ამარტივებს ყოველდღიურ ცხოვრებას, რადგანს სახლიდან გაუსვლელად, ერთ სივრცეში არის მისაწვდომი ყველაფერი. მიუხედავად იმისა, რომ Decentraland-ი ჯერ კიდევ განვითარების პროცესშია, ალბათ დიდი დრო არ დარჩა იმ მომენტამდე, როდესაც ციფრულ ქალაქში ცხოვრება უფრო კომფორტული იქნება ადამიანებისთვის, ვიდრე ფიზიკურში.

 

 

Decentraland-ი ციფრული ქალაქების ერთადერთი ამომავალი ვარსკვლავი არ არის. მრავალ კონკურენტს შორის, გამოარჩევენ Earth 2-ს, რომელიც მეტა-სამყაროს ნაცვლად, დედამიწის ციფრულ ვერსიას გვთავაზობს.

Earth 2 ციფრულ დედამიწას ფილებად ყოფს, თითოეული ფილის ფასი კი ადგილმდებარეობაზე არის დამოკიდებული. ყველაზე ძვირიანი ტერიტორია აშშ-ს ქალაქებია, ხოლო ციფრული თბილისის მიწის შეძენა E$ 1.5-დან (1.5$) არის შესაძლებელი. E$ Earth 2-ს ვალუტაა და ერთი E$ 1 ამერიკულ დოლარს უდრის.

Earth 2 ჯერ-ჯერობით ახალი პროექტია, თუმცა დეველოპერები უკვე ცდილობენ დედამიწის ზუსტ ციფრულ მოდელად ქცევას. სამომავლო გეგმა სწორედ ეს არის - ციფრულ დედამიწაზე შეძლო არა მარტო ტერიტორიების შესყიდვა, არამედ მათი ურბანიზაციაც. ძალიან მარტივად არის შესაძლებელი, რომ ფულის სანაცვლოდ ციფრული ეიფელის კოშკის ან ოქროს საბადოს მფლობელი გახდეთ. საკუთრებას კომერციულად როგორ გამოიყენებთ, თქვენზე იქნება დამოკიდებული.

Earth 2-ის შემქმნელები უკვე გეგმავენ ადგილობრივი ვალურის კრიპტო-ვალუტად ქცევას, რაც კიდევ უფრო გაზრდის პრექტის მიმართ ინტერესს.

ახლა კი, სანამ დისტოპიურ, Sci-Fi რეალობამდე მივალთ, Decentraland-ზე სხვადასხვა ღონისძიებაში შეგიძლიათ მონაწილეობის მიღება - შეგიძლიათ უყუროთ, თუ როგორ ეშვება აპოლო11 მთვარეზე და მთვარიდან მეტა-სამყაროში ან ეწვიოთ ემი უაინჰაუსის ციფრულ ფოტო-გამოფენას, სახელად “Back To Amy”.

 

 

დაეუფლე აქტუალურ პროფესიებს - მოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge