დღესდღეობით დასაქმების სფერო იმდენად სწაფად ცვლდია, რომ დისტანციური მუშაობა გახდა უმნიშვნელოვანესი მოვლენა, რომელიც ცვლის სიტუაცია შრომის ბაზარზე. ტექნოლოგიების განვითარების და კავშირის გავრცელებასთან ერთად, დისტანციური მუშაობის სარგებელი სულ უფრო ცხადი ხდება.
ტრადიციულ ოფისებში ბევრი წლის მუშაობის შემდეგ, როდესაც პანდემიამ ყველა სახლში "გამოკეტა" და თანამშრომლები დისტანციურად მუშაობაზე გადავიდნენ, გაიაზრეს, რომ გახდნენ უფრო პროდუქტიულები და ნაკლებად გულმავიწყნი.
გთავაზობთ ჩვენი აზრით დისტანციურად მუშაობის მთავარ უპირატესობებს, თავისებურებებს და განვითარების პერსპექტივებს საქართველოში
1. გაუმჯობესებული ბალანსი სამსახურსა და პირად ცხოვრებას შორის
დისტანციური მუშაობა გაძლევთ თავისუფლებას ჰარმონიულად შეათავსოთ სამუშაო და პირადი ცხოვრება. იმის გამო რომ გზაში არ კარგავთ დროს, ადამიანებს მეტი დრო აქვთ პირადი საქმეებისთვის, ოჯახისთვის და საკუთარი თავის მოვლისთვის. ეს მოქნილობა ხელს უწყობს უფრო ჯანმრთელ და ბედნიერ სამუშაო ძალას, ზრდის პროდუქტიულობას, ამცირებს სტრესის დონეს და აუმჯობესებს საერთო კეთილდღეობას.
2. გაზრდილი პროდუქტიულობა
გავრცელებული მცდარი წარმოდგენების მიუხედავად, როგორც პრაქტიკამ აჩვენა, დისტანციური მუშაობა ზრდის პროდუქტიულობას. დასაქმებულებს შეუძლიათ ფოკუსირება მოახდინონ თავიანთ ამოცანებზე, იყვნენ მეტად კონცენტრირებული ყურადღების გაფანტვისა და შეფერხებების გარეშე, რაც ასე ხშირია საოფისე გარემოში. უფრო მეტიც, უნარი იმუშაო ყველაზე პროდუქტიული საათების განმავლობაში, მორგებული ინდივიდუალურ პრეფერენციებზე , განსაზღვრავს ეფექტურობას და პროდუქტიულობას.
სტენფორდის უნივერსიტეტის მიერ ჩატარებულმა კვლევამ აჩვენა, რომ დისტანციურად მომუშავე თანამშრომლების პროდუქტიულობა 13%-ით გაიზარდა ოფისში მყოფ კოლეგებთან შედარებით.
3. ფართო საკადრო რეზერვი
დისტანციური მუშაობა სცილდება გეოგრაფიულ საზღვრებს, რაც უცხო ქვეყნების დამქირავებელს საშუალებას აძლევს ისარგებლოს გლობალური საკადრო რეზერვით, გამარტივდა ტალანტების მოძიება და მათი დასაქმება, ეს წარმოუდგენლად დიდი შესაძლებლობაა განვითარებად ქვეყნებში მცხოვრები ადამიანებისთვის, მაგალითად საქართველოში, უამრავი ნიჭიერი და წარმატებული კადრი გვყავს სხვადასხვა ციფრულ პროფესიებში, ასევე პროგრამირების მხრივ დიდ წარმატებას აღწევენ, სწორედ მათთვის დისტანციურად მუშაობა ყველაზე ხელსაყრელია. ორგანიზაციებს შეუძლიათ დაიქირაონ მაღალი კლასის პროფესიონალები და არ შეზღუდონ ისინი ადგილმდებარეობით. ეს ხელს უწყობს მრავალფეროვნებას და ახალი უნარებისა და პერსპექტივების უფრო ფართო სპექტრის მიღებას. რაც თავის მხრივ აჩენს ახალ შესაძლებლობებს ინოვაციისთვის და შემოქმედებისთვის და რთული კონკურენციის პირობებში ეხმარება ბიზნესს განვითარებაში.
ისწავლე პროგრამირება 0-დან და დაეუფლე მსოფლიოში ყველაზე მაღალანაზღაურებად პროფესიებს საერთაშორისო აკადემიაში
LinkedIn-ის მიერ ჩატარებული კვლევის თანახმად, სამუშაოს მაძიებელთა 82% მიიჩნევს, რომ დისტანციური მუშაობა გადამწყვეტი ფაქტორია სამუშაოს ძიებისას.
4. ხარჯების ეკონომია
როგორც თანამშრომლებისთვის, ასევე დამსაქმებლებისთვის, დისტანციური მუშაობა ხარჯების ეკონომიის საშუალებას იძლევა. იმის გამო, რომ ყოველდღიური მგზავრობის საჭიროება არ არის, ცალკეული პირებს შეუძლიათ შეამცირონ ტრანსპორტის, პარკინგის და სამუშაო ჩაცმულობის ხარჯები.
Global Workplace Analytics-ის თანახმად, დამსაქმებლებს შეუძლიათ დაზოგონ 11,000-მდე დოლარი ყოველწლიურად იმ თანამშრომლებზე, რომლებიც ნახევარ დროს დისტანციურად მუშაობენ.
ასევე ბიზნეს სექტორსაც შეუძლია ისარგებლოს შემცირებული ხარჯებით, როგორიცაა საოფისე ფართის ქირა, კომუნალური მომსახურება და ტექნიკური მომსახურება. შესაძლებელია ამ ხარჯების ხელახალი ინვესტიცია ბიზნესში, თანამშრომლების განვითარებაში ან სამუშაო პირობების გაუმჯობესებაში.
5. გარემოზე ზემოქმედება
Global Workplace Analytics-ის იმავე კვლევის თანახმად, ის თანამშრომლები, რომლებსაც თავიანთი ფუნქციებიდან გამომდინარე დისტანციურ სამუშაოსთან თავსებადი საქმე აქვთ და დროის ნახევარს დისტანციურად იმუშავებდნენ, ეს ხელს შეუწყობს სათბურის აირების 54 მილიონი ტონა გამონაბოლქვის შემცირებას წელიწადში .
დისტანციური მუშაობის დროს მგზავრობის და მოგზაურობის მინიმუმამდე დაყვანით მნიშვნელოვნად მცირდება ნახშირბადის ემისია. დისტანციური სამუშაოების უზრუნველყოფით, კომპანიებს შეუძლიათ წვლილი შეიტანონ მდგრადობის განვითარებაში და კლიმატის ცვლილებასთან ბრძოლაში. გარემოზე დადებითი ზემოქმედება ცდება ცალკეული ორგანიზაციის საზღვრებს და ქმნის კოლექტიურ მოძრაობას უფრო მწვანე მომავლისკენ.
6. თანამშრომლების შენარჩუნების და ჩართულობის მაჩვენებლის ზრდა
დისტანციურმა მუშაობამ დაამტკიცა, რომ მძლავრი ინსტრუმენტია თანამშრომლების შესანარჩუნებლად. შესაძლებლობა შესთავაზო თანამშრომლებს მოქნილობა და დამოუკიდებლობა აჩვენებს კომპანიის თანამშრომლებისადმი ნდობას, ზრდის სამუშაო კმაყოფილებას და ლოიალობას.
Buffer-ის მიერ ჩატარებულ კვლევაში, გამოკითხულთა 99%-მა თქვა, რომ სურდათ დისტანციურად მუშაობა თავიანთი კარიერის დარჩენილი პერიოდის განმავლობაში პანდემიის დასრულების შემდეგაც კი.
დისტანციურად მომუშავე თანამშრომლებს აქვთ ჩართულობის უფრო მაღალი დონე, რადგან აქვთ მეტი კონტროლი სამუშაო გარემოზე და შეუძლიათ მისი ადაპტირება თავიანთი მოთხოვნების შესაბამისად. ამ ყველაფრით კი ვიღებთ უფრო ერთგულ და მოტივირებულ თანამშრომლებს.
7. ბიზნესის უწყვეტობა და მარცხისთვის მზადყოფნა
ჩვენ ეს უკვე გავიარეთ. დისტანციური მუშაობა უზრუნველყოფს ბიზნესის მდგრადობას და გარანტირებული სამუშაოს უწყვეტობას გაუთვალისწინებელ სიტუაციებში, როგორიც არის ბუნებრივი კატასტროფები, პანდემიები ან სხვა საგანგებო სიტუაციები.
დისტანციური ინფრასტრუქტურის არსებობით, კომპანიებს შეუძლიათ სწრაფად ადაპტირდნენ, გააგრძელონ მუშაობა შეფერხების გარეშე და მინიმუმამდე დაიყვანონ პოტენციური დანაკარგები.
და ბოლოს
დისტანციური მუშაობა აღარ არის მხოლოდ მოდური ტენდენცია, ის ქართველი ახალგაზრდებისთვის, და არა მარტო მათთვის, ახალ შესაძლებლობად იქცა, უამრავი ნიჭიერი ადამიანი დასაქმდა და გაეხნათ საზღვრები ევროპულ თუ ამერიკულ კომპანიებთან, ის ასევე იქცა გარდამტეხ მოვლენად სამუშაო ბაზარზე. დისტანციური მუშაობის უპირატესობები უდავოა, დაწყებული პროდუქტიულობით, გაუმჯობესებული ბალანსით სამუშაოსა და პირად ცხოვრებას შორის, დამთავრებული ხარჯების დაზოგვით და გარემოზე დადებითი ზემოქმედებით. ამ მოქნილი სამუშაო მოდელის საშუალებით, დასაქმებულებს და ორგანიზაციებს შესაძლებლობების ფართო სპექტრი ეხსნებათ, რაც უფრო ეფექტური, მდგრადი და სრულყოფილი სამუშაო გარემოს საფუძველია.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლა უკვე 100+ ფილიალით!
+995 577 538 549 ქ.თელავი, ნადიკვრის#23
+995 (32) 215-55-51 ქ.თბილისი, ყაზბეგის34/34ბ
გამოიწერეთ ჩვენი გვერდი სოციალურ ქსელებში