ილონ მასკი მსოფლიოს პირველი პოტენციური ტრილიონერია!

საინვესტიციო კომპანია Morgan Stanley-ს ვარაუდით, ილონ მასკი მსოფლიოს პირველი პოტენციური ტრილიონერია.

როგორც The Guardian იუწყება, მიუხედავად იმისა, რომ კომპანია Tesla-ს აქტივები $850 მილიარდს შეადგენს, რაც SpaceX-ის ღირებულებაზე 30-ჯერ მეტია, მასკის რეკორდი განპირობებული იქნება სწორედ SpaceX-ის მიერ, რომელიც მსოფლიოს ყველა ინდუსტრიაში, ყველაზე მაღალი ღირებულების მქონე კომპანიად შეიძლება იქცეს. ეს კოსმოსური გიგანტი წარმოუდგენელი ინოვაციებით (მარსის რაკეტის მრავალჯერადი გამოყენების თბოდამცველი ფილების რეალიზებით) ადამიანს მთვარეზე აბრუნებს, რაც ინვესტორებისთვის უსაზღვროდ შთამაგონებელი ამბავია.

რაც შეეხება Tesla -ს, 2020 წელს, იქცა ყველაზე ძვირადღირებულ ამერიკულ ავტომწარმოებლად, უკან ჩამოიტოვა ისეთი ვეტერანი კომპანიები, როგორებიც არიან Ford და General Motors.

2021 წელს, Bloomberg-ის ცნობით, მასკის კაპიტალის სწრაფი ზრდა მანქანების გაქირავების გიგანტის - Hertz-ის მხრიდან ერთდროულად 100 000 ტესლას შეკვეთას უკავშირდება. Hertz მისი მანქანების სრულ ელექტრიფიკაციას ისახავს მიზნად - ეს ყველაზე დიდი, 4.2 მილიარდიანი, გარიგებაა ელექტრომანქანების ისტორიაში, ამ შეთანხმების შემდეგ Tesla-ს აქციები 6.7 პროცენტით გაიზარდა.

Bloomberg’s Billionaires Index-ის თანახმად, ბიზნეს-მაგნატის პირადი ქონება ბოლო დღეებში 222 მილიარდ დოლარამდე გაიზარდა, რისი წყალობითაც იგი მსოფლიოს ყველაზე მდიდარ ადამიანად იქცა.

განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით და გახდი წარმატებული სტეპერი!

→ დარეგისტრირდი ახლავე!

SpaceX 2002 წელს ამბიციური მიზნებით დაარსდა, რასაც ადამიანების მარსზე გაგზავნა და კოსმოსში მოგზაურობის ღირებულების ხელმისაწვდომობა წარმოადგენდა, თავისი კოსმოსური ამბიციების რეალიზაციისთვის, მასკი შეეცადა შეესყიდა განახლებული რუსული ბალისტიკური რაკეტები, რაც საკმაოდ ძვირი აღმოჩნდა.

SpaceX-ის ევოლუცია: როგორ მიიყვანა ილონ მასკმა SpaceX იდეიდან ისტორიის მწვერვალამდე?

„რუსეთში ჩემი მეორე ან მესამე ვიზიტის შემდეგ, ვიფიქრე, რომ იარსებებდა რაიმე უკეთესი გზა, რაც ამ რაკეტის პრობლემას გადაჭრიდა“ - თქვა მასკმა 2018 წელს South By Southwest კონფერენციაზე, ოსტინში, ტექსასი, - „ასე რომ, შევუდექით SpaceX-ის შექმნის თავგადასავალს“.

NASA-ს დირექტორის, ფილ მაკალისტერის თანახმად, სწორედ ამ დროს, NASA დამოკიდებული იყო რუსულ ხომალდ „Soyuz”-ზე, რომელსაც თითოეული ადგილისთვის დაახლოებით 80 მილიონ დოლარს უხდიდა - მას შემდეგ კი, რაც SpaceX-ის Falcon 1-მა სამი წარუმატებელი მცდელობის შემდეგ, მეოთხე ცდაზე შეძლო და მიაღწია ორბიტას SpaceX-მა და NASA-მ დაიწყეს თანამშრომლობა და რუსეთთან პარტნიორობაც დასრულდა.

გასაოცარია ის ფაქტი, რომ ეს ბოლო მცდელობა იყო კომპანიის გარდაუვალ გაკოტრებამდე.

2008 წელს, შობამდე 2 დღით ადრე, NASA-მ გამოაცხადა, რომ SpaceX-სთან გაფორმდა 1.6 მილიარდი დოლარის ღირებულების კონტრაქტი, რომელიც საერთაშორისო კოსმოსურ სადგურზე მარაგების გადატანას (გადაფრენას) გულისხმობდა. კონტრაქტი დღეს Commercial Resupply Services-ს სახელითაა ცნობილი.

მაკალისტერი ამბობს: „გასული ათი წლის განმავლობაში ჩვენ ვმუშაობდით SpaceX-სა და Boeing-თან ერთად მათ სისტემებზე, რათა გაგვეზიარებინა კოსმოსში მოგზაურობის ჩვენი 60-წლიანი ცოდნა და გამოცდილება, რათა დავხმარებოდით მათ როგორც ტექნიკურ, ისე ფინანსურ განვითარებაში“.

სულ ახლახან SpaceX-მა ორბიტაზე თავისი პირველი სრულიად სამოქალაქო ეკიპაჟი გაუშვა. სამი დღის განმავლობაში პარამედიკოსი, ინჟინერი, პროფესორი და მილიარდერი წრეს უვლიდნენ დედამიწას რაკეტით სახელად Inspiration4.

დაეუფლე აქტუალურ პროფესიებს - მოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge