იმისათვის, რომ მეცნიერებს ყველაზე მცირე მფრინავი მიკროჩიპი შეექმნათ, მათ ბუნებას მიმართეს. Northwestern University-ის ინჟინრებმა შექმნეს მფრინავი მიკროჩიპი, რომელიც ქვიშის მარცვლის ზომისაა და მას გადასაადგილებლად ძრავიც არ სჭირდება. მას ჰაერის მცირე ნაკადიც ჰყოფნის რათა მოძრაობა შეძლოს. მცირე წონა და "მიკროსკოპული" ზომა უზრუნველყოფს მის სტაბილურობასა. სწორედ იმიტომ, რომ მისი მასა ძალიან მცირეა, ის დაბალ სიჩქარეს ინარჩუნებს, რაც სტაბილური და ხანგრძლივი ფრენის გარანტია. ობიექტის ასეთი მცირე ზომა მას იდეალურ მოწყობილობათ აქცევს, ჰაერის დაბინძურებისა და აირწვეთოვანი დაავადებების აღმოსაჩენად.
"ჩვენი მიზანი იყო დაგვემატებინა ფრთები უმცირესი ზომის ელექტრონულ მოწყობილობაზე, რომელიც შეძლებდა გარემოდან გარკვეული ინფორმაციის მოპოვებას თუნდაც ჰაერისა და წყლის ხარისხთან დაკავშირებით ან დააკვირდებოდა აერწვეთოვან დაავადებებს და მაგ დინამიკას" — განაცხადა Northwestern-ის უნივერსიტეტის მკლევარმა და მოწყობილობის შემუშავების პროცესის ხელმძღვანელმა, John A. Rogers-მა
თავდაპირველი კვლევა და მფრინავი მიკროჩიპის შექმნის პროცესი National Science Foundation-ის გრანტის დახმარებით განხორციელდა. უკეთ რომ გავიგოთ, "რობოტი" საჭირო საზომი სენსორებით, მეხსიერებითა და ანტენით აღიჭურვა, რომლის მეშვეობითაც ის უსადენოდ გადასცემს შეგროვებულ ინფორმაციას სმარტფონს ან კომპიუტერს. ჰაერის მონიტორინგისთვის ინჟინრები ახალ მოდელზეც მუშაობენ, რომელსაც მჟავიანობისა და ტუტიანობის (pH) საზომი სენსორიც ექნება. ამ განახლების შემდეგ მფრინავი მიკროჩიპი წყლის ხარისხის გაზომვასაც შეძლებს. მკლევრებს სურთ, რომ მიკროჩიპის საბოლოო ვერსია ბიოდეგრადირებადი მასალით შეიქმნას, რათა ბუნებაში მოხვედრის შემდეგ, მიწისქვეშა წყლებით ის დროთა განმავლობაში თავისით განადგურდეს და გარემოს ზიანი არ მიაყენოს.
