ბოლოს რა დაგუგლეთ?
Google - როგორც ზმნა, ოქსფორდის ინგლისურენოვან ლექსიკონს 2006 წელს დაემატა, განმარტებით - „Google-ის საძიებო სისტემაში ინფორმაციის მოძება“. დღეს, წამიერად „დაგუგლული“ ინფორმაციის რაოდენობა 70 000-ს შეადგენს, მომხმარებელთა საერთო რაოდენობა კი 4 მილიარდს სცდება. მსოფლიოში ყველაზე პოპულარული საძიებო სისტემა 1998 წლის 4 სექტემბერს დაარსდა.
Google-ის დამაარსებლებმა - ლარი პეიჯმა და სერგეი ბრინმა ერთმანეთი სტენფორდის უნივერსიტეტში გაიცნეს. ახალი საძიებო სისტემის პირველი კოდებიც სტუდენტთა საერთო საცხოვრებელში დაიწერა.
თავდაპირველად, შეიქმნა ალგორითმი PageRank, რომელიც ვებ-საიტების მნიშვნელობას ადგენდა. ამ ალგორითმზე კი დაფუძნდა საძიებო სისტემა, რომელსაც თავიდან BackRub უწოდეს, მოგვიანებით კი Google-ად გადააკეთეს. თუმცა, ალბათ ცოტამ იცის, თუ როგორ მივედით სახელ Google - მდე.
ლარი პეიჯი და სერგეი ბრინი ავტოფარეხში, Google-ის პირველ ოფისში.
კომპანიის ოფიციალურად დაფუძნებისას, ლარი პეიჯსა და სერგეი ბრინს საძიებო სისტემისთვის „Googol-ის“ დარქმევა სურდათ. სიტყვა Googol გამოხატავს რიცხვს, რომელიც 1-ის შემდეგ 100 ნულისგან შედგება. დამფუძნებლებისთვის ახალი საძიებო სისტემა სწორედ ასეთი უნდა ყოფილიყო - მომხმარებლებისთვის რაც შეიძლება დიდი რაოდენობით უნდა მიეწოდებინა ინფორმაცია. მაგრამ, საბოლოო სახელი პატარა შეცდომის შედეგია. კომპანიის პირველმა დამფინანსებელმა - ენდი ბეხტოლშაიმს დაფინანსებისთვის გამოწერილ 100 000 დოლარიან ჩეკზე კომპანიის სახელის ასოების თანმიმდევრობა შეეშალა. ამიტომ, ჩეკის გასანაღდებლად, პეიჯსა და ბრინს მოუწიათ კომპანიის სახელის შეცვლა.
Google-ის თავდაპირველი მთავარი გვერდი
სწორედ ასე, 1998 წლის 4 სექტემბერს დაარსდა კომპანია, რომელსაც ოფიციალურად GOOGLE ეწოდა. კომპანიის სათავო ოფისი კი კალიფორნიაში, სიუზენ ვოჯისკის სახლის ავტოფარეხში მდებარეობდა. სწორედ ამ ავტოფარეხიდან იწყება Google-ს წარმატების ისტორია, როდესაც კომპანიამ 1 წელიწადში მილიონიანი ინვესტიციის მიღება შეძლო (ინვესტორებს შორის იყო კომპანია Amazon-ის დამფუძნებელი ჯეფ ბეზოსი), 1999 წლის 7 ივნისს კი ინვესტიციათა რაოდენობა 25 მილიონამდე გაიზარდა.
თუმცა, Google-ის წარმატება აქ არ სრულდება. 2003 წელს კომპანია ადგილმდებარეობას იცვლის და მაუნტინ-ვიუში (Mountain View) გადადის, მოგვიანებით მთლიან ტერიტორიას შეისყიდის 319 მილიონ დოლარად და Googleplex-ს, კომპანიის სათავო ოფისს დააარსებს.
გუგლის ოფისი (დუბლინი)
ამის შემდეგ Google-ი განაგრძობს სხვადასხვა კომპანიების შესყიდვას:-Keyhole, Inc.-ი 2004 წელს, რომელმაც Google Earth შექმნა; Youtube 2007 წელს და Motorola Mobility 2012 წელს რეკორდულ ფასად - 12.5 მილიარდ დოლარად. გარდა ამისა, კომპანიამ რამდენჯერმე ითანამშრომლა NASA-სთან. ერთად შექმნილი Google Sky და Google Moon - გალაქტიკისა და მთვარის ვირტუალურად დათვალიერების შესაძლებლობას იძლევა.
2015 წელს Google-ის რეორგანიზაცია მოხდა. დაარსდა ახალი კომპანია - Alphabet, რომელიც Google-ის და მის მიერ ნაყიდი სხვა კომპანიების მფლობელი გახდა. თავდაპირველად, მას სათავეში სერგეი ბრინი და ლარი პეიჯი ჩაუდგნენ, მოგვიანებით კი თანამდებობები დატოვეს და კომპანიის ახალ პროექტებზე განაგრძეს მუშაობა. უპილოტო მანქანები, ჭკვიანი სათვალეები, კოსმოსი, 3D კონფერენციები... ეს Google-ის სამომავლო გეგმების მცირე ჩამონათვალია.
კომპანიამ თავისი არსებობის მანძილზე შექმნა - მსოფლიოში ყველაზე პოპულარული საძიებო სისტემა (Google.com); ყველაზე პოპულარული ინტერნეტ ბრაუზერი (Google Chrome); Android-ის ოპერაციული სისტემა; Gmail, რომელსაც მსოფლიოში დაახლოებით 1.5 მილიარდი ადამიანი იყენებს და სხვა უამრავი პროდუქტი, რომელიც ჩვენი ცხოვრების განუყოფელი ნაწილია.
Google-ს დღეს არის ყველაზე გამოყენებადი საძიებო სისტემა, ერთ-ერთი უდიდესი და უმდიდრესი კომპანია, რომელიც ზრდას ისევ აგრძელებს.
ხოლო მათი დამაარსებლები 48 წლის თანატოლები ლარი პეიჯი და სერგეი ბრინი დღეს (1 სექტემბრის მონაცემი) გამოცემა Forbes-ის მსოფლიოს ყველაზე მდიდარ ადამინთა სიაში მე-8 და მე-9 ადგილს იკავებენ. შეგიძლიათ დაგუგლოთ J
დაეუფლე მომავლის პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
