მობილური ტელეფონების ისტორია 1908 წლიდან იწყება, როდესაც კენტუკის შტატში, უკაბელო ტელეფონის ამერიკული პატენტი გამოვიდა.
მობილური ტელეფონები ჯერ კიდევ 1940-იან წლებში გამოიგონეს, როდესაც ამერიკულ სატელეკომუნიკაციო კომპანია AT&T-ში მომუშავე ინჟინრებმა მობილური ტელეფონის საბაზისო სადგურებისთვის სპეციალური უჯრედები შეიმუშავეს.
რეალურად, ამ პერიოდის ტელეფონებს მობილურ ტელეფონზე მეტად შეგვიძლია ორმხრივი რადიოები ვუწოდოთ, რადგან საწყის ეტაპზე, მოწყობილობა ძირითადად ტაქსის მძღოლებისა და სასწრაფო დახმარების სამსახურებში მომუშავე ადამიანების კომუნიკაციებს უზრუნველყოფდა.
1973 წელი, ლონდონი. გამოფენა ,,კომუნიკაციები დღეს, ხვალ და მომავალში’’
გამოფენის ხელმძღვანელი დამთვალიერებლებს წარუდგენს პორტატულ რადიო-ტელეფონს, რომლებიც მობილური ტელეფონის წინამორბედად ითვლება.
ყველაფერი 1973 წლის 3 აპრილს შეიცვალა, როდესაც ამერიკელმა ინჟინერმა და სატელეკომუნიკაციო კომპანია Motorola-ს აღმასრულებელმა დირექტორმა მარტინ კუპერმა პორტატული მობილური ტელეფონით პირველი ზარი განახორციელა. ადამიანი, რომელსაც მარტინმა დაურეკა Bell Lab-ის სატელეფონო სისტემებში მუშაობდა და მისი კონკურენტი იყო.
Motorolaს აღმასრულებელი დირექტორი მარტინ კუპერი DynaTAC-ით, 2007 წელი.
მარტინი იყო ადამიანი, რომელმაც პირველმა განაზორციელა ზარი პორტატული მობილური ტელეფონით.
მარტინ კუპერის ტელეფონი 2,5 ფუტს (1,1 კილოგრამს) იწონიდა. მისი კვების ელემენტი ნახევარი საათის მანძილზე ფუნქციონირებდა და შემდეგ ჯდებოდა.
ტელეფონის დატენვას კი 10 საათი სჭირდებოდა.
ჟან ბაუერი და Motorola-ს ინჟინერი ჯონ მიჩელი DynaTAC-ის ტიპის მობილური ტელეფონით მე-6 ავენიუზე. ნიუ-იორკი, 1973 წელი.
XX საუკუნის ტელეფონის მოდელები ხშირად მოიხსენიება როგორც 0G (Zero Generation) მობილური ტელეფონები ანუ ნულოვანი თაობის სატელეფონო მოწყობილობები. დაახლოებით ექვსი წლის შემდეგ, 1G (Firs Generation) პირველი თაობის უკაბელო ფიჭური ქსელი 1979 წელს, იაპონიაში ამოქმედდა. ეს იყო სატელეფონო სტანდარტები, რომლებიც დაინერგა 1980-იან წლებში და გაგრძელდა იქამდე, ვიდრე 2G (Second Generation) ციფრული კომუნიკაციები აღმოცენდებოდა.
ფაქტობრივად, განსხვავება 1G-სა და 2G-ის სატელეკომუნიკაციო მოწყობილობებს შორის იყო ის, რომ 2G ქსელის გადაცემა მთლიანად ციფრული გახდა და მან საბოლოოდ ჩაანაცვლა წინა თაობის მობილური ტელეფონები.
დროსთან ერთად, 2G ქსელის მოწყობილობები სრულად ამოქმედდა GSM (The Global System of Mobile Communications) -ის სტანდარტების შესაბამისად ფინეთში, 1991 წელს.
პორტატული მობილური ტელეფონების ევოლუცია წლების მიხედვით
1983 წელს ამერიკულმა სატელეკომუნიკაციო კომპანია ,,Motorola’’-მ გამოუშვა DynaTAC 800x, რომლის შექმნაც კომპანიას 100 მილიონი დოლარი დაუჯდა.
ეს იყო პირველი პორტატული მობილური ტელეფონი, რომლის ღირებულებაც 4000 დოლარს შეადგენდა და იმ დროს ყველაზე კომფორტულ პორტატულ მობილურ ტელეფონად ითვლებოდა.
ტელეფონის ვიზუალიდან გამომდინარე, საზოგადოება ,,Motorola’’-ს DynaTAC-ს აგურს ეძახდა. ის მართლაც ჰგავდა აგურს. პირველად ისტორიაში, ადამიანს შეეძლო დაერეკა ერთი წერტილიდან მეორეში, ყოველგვარი მავთულისა და კაბელის გარეშე.
,,Motorola’’-ს ინჟინერი ჯონ მიჩელი DynaTAC-ით. 1973 წელი.
მხოლოდ მოგვიანებით, 1990-იან წლებში, დეველოპერებმა დაიწყეს პირველ სმარტფონზე მუშაობა.
პირველი სმარტფონი 1992 წელს IBM -მმა გამოუშვა. ეს იყო 2G თაობის პორტატული მობილური ტელეფონი, მას Simon Personal Communicator (SPC) ეწოდებოდა და 1994 წლიდან უკვე გაყიდვაშიც ჩაეშვა.
IBM-ის Simon Personal Communicator-ი. პირველი სმარტფონი, 1994 წელი
წარმოგიდგენთ ყველაზე დიდი ზომის ტელეფონების კოლაჟს წარსულიდან:
ლონდონი, 1983 წელი. ბრიტანელი მსახიობი სიუზან დანიელი გაერთიანებული სამეფოს 2 პოლიციელთან ერთად.
მოდელი ფიჭური რადიო სისტემის მობილური ტელეფონით, 1985 წელი.
ახალგაზრდა ბიზნესმენი გიგანტური ძველი მობილურით. 1990 წელი
მობილური ტელეფონების ევოლუცია 1990-2000 წლებში.
#ნახე სტეპის ბლოგის გაგრძელება #მობილურებისევოლუცია (ნაწილი 2)
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
