2011 წლის დამანგრეველი ცუნამის შემდეგ იაპონიაში ფუკუშიმას ატომური ელექტრო სადგური დაზიანდა და ამან იაპონიას ბევრი თავსატეხი გაუჩინა. პირველ რიგში, საჭირო გახდა ენერგიის გამომუშავების ახალი გზების ძიება.
მძიმე ტექნიკის მზარმოებელმა იაპონურმა კომპანია, IHI Corp-მა წარმატებულად დატესტა მასიური, თვითმფრინავის ზომის ტურბინები, რომლებიც ენერგიას ოკეანის სიღრმეში არსებული დინებების დახმარებით გამოიმუშავებს. ეს ტექნოლოგია საკმაოდ დამაიმედებლად გამოიყურება, რადგან მსგავსი ტურბინები შესაძლოა ვაქციოთ განახლებად ინერგიის მიღების ისეთ წყაროდ, რომელიც არ საჭიროებს არც მზიან ან ქარიან დღეებს, როგორც ეს მზის პანელებისა და ქარის გენერატორების შემთხვევაშია საჭირო.
IHI Corp-ის მიერ შექმნილ უკანასკნელ ქმნილებას Kairyu ეწოდება და 330 ტონას წიონის. მის შემადგენლობაში შედის ორი ერთმანეთის საპირსპირო მიმართულებით მოძრავი ტურბინა. მთლიანი კონსტრუქცია წყალში, დაახლოებით 50 მეტრის სიღრმეზე იტივტივებს.
ენერგიის გამომუშავება დედამიწის მასშტაბით მთელ ოკეანეებს შორის ერთ-ერთი ყველაზე ძლიერი ნაკადების დახმარებით მოხდება.
წლის დასაწყისში IHI Corp-მა ახალი ტურბინების პირველი ტესტები გამარტა და სტაბილურად 100 კილოვატი ენერგიის მიღება შეძლო. IHI Corp იმედოვნებს, რომ 2030 წლის ბოლოსთვის ისინი მსგავსი ტექნიკით ორი მეგავატი ენერგიის გამომუშავებას შეძლებენ.
იაპონია ენერგიის გამომუშავების სხვა ხერხებზეც მუშაობს, მათ შორის მიქცევა-მოქცევისა და ოკეანის თბური ენერგიის გარდაქმნაზეც. ეს უკანასკნელი ენერგიას ცივ და თბილ დინებებს შორის ტემპერატურული სხვაობით გამოიმუშავებს.
ინჟინრები ყველა მეთოდზე დაუღალავად მუშაობენ, თუმცა გასათვალისწინებელია კომერციული მხარეც, პროექტი პირველ რიგში მომგებიანი უნდა იყოს.
