კოდირების საბაზისო დონეზე შესწავლა დღეს ისეთი ხელმისაწვდომია, როგორც არასდროს, სწავლა შეგიძლიათ როგორც ონლაინ, ასევე ოფლაინ ნებისმიერი მოწყობილობის გამოყენებით, როგორიცაა კომპიუტერი, სმარტფონი, ტაბლეტი. ადრე არსებული მეთოდებისგან განსხვავებით, დაინტერესებულ ადამიანებს შეუძლიათ ბევრი რამ ისწავლონ თამაშებში და პატარა თავსათეხებში ინტერაქციით, ინსტრუქტორის გარეშე, რაც გამორიცხავს ზედმეტ ხარჯებს და ახდენს სწავლის პროცესის დემოკრატიზაციას. და ბოლოს, უფრო სახალისო და ადვილი რომ იყოს სწავლის პროცესი, ონლაინ კოდირების თამაშების დიდი ნაწილი ხელმისაწვდომია მასებისთვის. ქვემოთ განვიხილავთ რამდენიმე კარგ თამაშს
1. CodinGame ერთ-ერთი ყველაზე განვითარებული პლატფორმაა, რომელიც ამოცანების და თამაშების ფართო არჩევანს და ასევე 25-ზე მეტ პროგრამირების ენას მოიცავს, მათ შორის - Java, JavaScript, PHP, Python, Ruby, C#, C++, C. , Perl, Scala და სხვები, რომლების საშუალებას მოგცემთ დაწეროთ საკუთარი პროექტი. პლატფორმა 1,5 მილიონ წევრზე მეტს ითვლის რომელთათვისაც გარდა ინდივიდუალური დავალებებისა, რეგულარულად ტარდება გლობალური კონკურსები. პლატფორმა იმდენად პოპულარულია, რომ, ბევრ ამერიკულ და საერთაშორისო კომპანიის ყურადღებას იქცევს ხარჯების დაზოგვის თვალსაზრისით. მოთამაშეებს, რომლებსაც აქვთ უმაღლესი ქულები, დიდი შანსი აქვთ, მიიღონ სამუშაოები ისეთ კომპანიებში, როგორიცაა EA თამაშები, Adobe, Nintendo, Bank of America, Warner. Bros.
2. CodeWars კიდევ ერთი დიდი პლატფორმაა, რომელიც 20 ენაზე მათ შორის - C, C++, C#, Java, JavaScript, PHP, Python, Ruby, Rust, SQL და ა.შ. ხოლო ბეტა ტესტირებაში კიდევ ათეულ ენაზე გვთავაზობს ცდებს. მისი სამიზნე ჯგუფი კოდირების მოყვარული ახალგაზრდები და ზრდასრულებია, თუმცა ასევე იწვევენ IT კომპანიებს ან მასწავლებლებს. CodeWars მეტწილად გამოცდილი მომხმარებლებისთვის არის განკუთვნილი. იმისთვის, რომ რეგისტრაცია შეძლოთ პლატფორმაზე, კოდირების ძირითადი ტესტი უნდა გაიაროთ.
3. CodeMonkey სხვადასხვა ასაკისა და გამოცდილების მქონე ბავშვებისთვის და სტუდენტებისთვის არის განკუთვნილი, ძალიან სახალისო და მარტივია, გამომდინარე აქედან, ის საუკეთესოა ზრდასრული მომხმარებლებისთვის რომლებიც ახლა იწყებენ კოდინგის შესწავლას. გამოიყენება პროგრამირების ენები როგორიცაა - CoffeeScript და Python. გარდა ალგორითმული და გამოთვლითი აზროვნებისა, CodeMonkey ავითარებს კრეატიულობას, ასევე პრობლემების გადაჭრისა და გუნდური მუშაობის უნარებს, რის გამოც ის აღიარებულია ტრენერების მიერაც. მასში გაწევრიანებული 8,5 მილიონი მომხმარებელი და 75,000 მასწავლებელი.
4. CodeCombat - ეს არის პლატფორმა, რომელიც ძირითადად მასწავლებლებზეა ორიენტირებული, რომლებსაც კოდირების გამოცდილების განსხვავებული დონეები აქვთ, თუმცა ამ პლატფორმით სარგებლობა ასევე ყველა დაინტერესებულ პირს შეუძლია . აქ არჩევანის გაკეთება JavaScript-სა და Python-ს შორის მოგიწევთ, რათა რეალურ დროში გადაჭრათ გამოწვევები სათანადო პროგრესის ტემპით. წევრების რაოდენობა დაახლოებით 12 მილიონს მოსწავლეს ითვლის და 82 ათას მასწავლებელს.
ეს პროფესია ერთ-ერთი ყველაზე მოთხოვნადი და მაღალანაზღაურებადია! შეისწავლე პროგრამირება 0-დან და დაეუფლე უახლეს პროფესიებს საერთაშორისო აკადემიაში
5. CheckiO. განკუთვნილია როგორც დამწყებთათვის, ასევე გამოცდილი კოდერებისთვის და მუშაობს მხოლოდ Python-თან ან JavaScript-თან. ის ასევე პრეზენტირებს, როგორც მნიშვნელოვანი რესურსი, საიდანაც მასწავლებლებს შეუძლიათ აიღონ მასალა უფრო ინტერაქტიური კურსების შესაქმნელად. თამაში ნათლად გადმოგვცემს რომ პროგრამირება მსოფლიოს წამყვან და ყველაზე მოთხოვნად პროფესიად იქცა, დაწყებული ურთულესი პროგრამირების ენებიდან, ყველაზე user-friendly Python-მდე. თუ შენც გინდა ყველაზე საინტერესო სფეროს შესწავლა შემოგვიერთდით სტეპერებს Python-ის დისტანციურ კლასებზე
6. Robocode -ეს არის კოდირების თამაში დამწყებთათვის, რომელშიც მოთამაშეებმა უნდა დაწერონ კოდი, რომელიც განსაზღვრავს მათი რობოტი-ტანკის ქცევას, რომელიც შემდეგ რეალურ დროში იბრძვის სხვა მომხმარებლების მიერ შექმნილ ტანკებთან. კოდირება ხდება Java-ში ან NET-ში.
7. Cyber-dojo საშუალებას აძლევს პროგრამისტებს დარეგისტრირდნენ როგორც ინდივიდუალურად ასევე ჯგუფურად და მონაწილეობა მიიღონ კოდირების თამაშებში არჩეულ ენაზე: Bash, C, C#, C++, CoffeeScript, Clojure, Elixir, Fortran, Java, JavaScript, PHP, Perl, Python, R, Ruby , Swift, Visual Basic და ა.შ
8. Swift Playgrounds - უფასო iPad აპლიკაციაა, რომელიც App Store-დან შეგიძლიათ ჩამოტვირთოთ, განკუთვნილია Swift ენის სწავლებისთვის. ის Apple-ის სხვადასხვა პროდუქტებისთვის აპლიკაციების დასაწერად გამოიყენება. კოდირება ისწავლება გასართობი გზებით, დიდი გრაფიკით და არ არის საჭირო წინასწარი გამოცდილების ქონა. Apple-ის პროდუქტების პოპულარობა, განსაკუთრებით შეერთებულ შტატებში, ხაზს უსვამს თამაშის აქტუალობას ადგილობრივი მოყვარული კოდერებისთვის – ერთ მშვენიერ დღეს თქვენ უბრალოდ შეძლებთ მის მონეტიზაციას საკუთარი აპლიკაციის შექმნით.
9. Ruby Warrior – სრულიად უფასო თამაშია, რომელიც კოდირებას Ruby -ს ენის გამოყენებით ასწავლის და მოიცავს ხელოვნური ინტელექტის ალგორითმებს. რეგისტრაციისას შეგიძლიათ სირთულის დონე აირჩიოთ (დამწყები ან შუალედური) და დაეხმაროთ რაინდს, გადალახოს დაბრკოლებები ან დაამარცხოს მტრები გამარჯვების გზაზე.
10. Screeps აგებულია როგორც MMO რეალურ დროში მომუშავე სტრატეგიული თამაში, სადაც მოთამაშეები წერენ AI კოდს, რომელიც არეგულირებს მათი დანაყოფების ქცევას JavaScript-ის გამოყენებით. ეს დანაყოფები აქტიურობენ 24/7 და ეჯიბრებიან სხვა მოთამაშეების კუთვნილ დანაყოფებს - ისინი ავითარებენ კოლონიას, ხელობას, ვაჭრობას, იცავენ მტრებისგან, იპყრობენ ახალ ტერიტორიებს. საბოლოო ჯამში, მოთამაშეებს შეუძლიათ მთელი იმპერიების მფლობელები გახდნენ.
11. CSS Diner. CSS შესასწავლად მხოლოდ 32 გაკვეთილი დაგჭირდებათ. ყოველი მომდევნო უფრო რთულია, ვიდრე წინა და ეფუძნება იმას, რაც ისწავლეთ წინა გაკვეთილზე.
12. Elevator Saga. მიუხედავად იმისა, რომ გრაფიკულ ნაწილში არც ისეთი რთულია, როგორც სხვა ონლაინ თამაშების კოდირება, ის მიმზიდველ დავალებებს გთავაზობთ JavaScript-ში – თქვენი ამოცანაა ლიფტით ადამიანების ტრანსპორტირება წინასწარ განსაზღვრული ფუნქციების გამოყენებით და გარკვეული შეზღუდვების დაცვით: გადაყვანილი ადამიანების რაოდენობა, დრო, გადაადგილების რაოდენობა და ა.შ. ბოლო ეტაპები კი უფრო და უფრო რთულდება..
13. Human Resource Machine. პროგრამირების შესასწავლი სხვა თამაშებისგან განსხვავებით, ეს თამაში მთლიანად აგებულია ვიზუალური პროგრამირების ირგვლივ, ეს ნიშნავს იმას, რომ მოქმედებების თანმიმდევრობა შეგიძლიათ მიუთითოთ მხოლოდ გრაფიკული ელემენტების მანიპულირებით, ტექსტური კოდირების გარეშე. მიუხედავად ამისა, ეს შეიძლება საინტერესო იყოს უფროსებისთვისაც კი, განსაკუთრებით პროგრამირების ლოგიკის გასაგებად.
14. TIS-100 – ამ თამაშის ინტერფეისმა და კომპლექსურობამ შესაძლოა შეაშინოს ბევრი მომხმარებელი, მაგრამ არა ისინი, ვისაც უყვარს ასემბლერი ენები - დაბალი დონის პროგრამირების ენები, რომლებიც პირდაპირ ამყარებენ კომუნიკაციას კომპიუტერის აპარატურასთან. მიზანია დაზიანებული კოდის გადაწერით მისი გამოსწორებაა.
15. Coderbyte ის მოიცავს 300-ზე მეტ ამოცანას და საშუალებას გაძლევთ აირჩიოთ 10 სხვადასხვა სკრიპტირების ენიდან. გარდა ოფიციალური გადაწყვეტილებებისა, შეგიძლიათ გადახედოთ მილიონზე მეტი მომხმარებლის პასუხებს. მნიშვნელოვანია აღინიშნოს, რომ ამ პლატფორმაზე წარმოდგენილია ინტერვიუს კითხვები ისეთი ორგანიზაციებისგან როგორიცაა - Google, Microsoft და Facebook.
დასკვნის სახით უნდა აღინიშნოს, რომ კოდირების თამაშების დიდი მრავალფეროვნება არსებობს, ისინი შეიძლება სხვადასხვა ინტერესებსა და მიზნებს მოერგოს. მიუხედავად მათი გასართობი ხასიათისა, ეს თამაშები შეიძლება იყოს საშუალება კოდირების უნარების შესაძენად. გარდა ამისა, გეძლევათ შანსი გაეცნოთ დეველოპერების უზარმაზარ საზოგადოებას და იპოვოთ რეალური სამუშაო ადგილი. გინდა ყველაზე საინტერესო სფეროს შესწავლა? შემოგვიერთდით Python-ის დისტანციურ კლასებზე, ადგილები შეზღუდულია
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლა უკვე 100+ ფილიალით!
+995 577 538 549 ქ.თელავი, ნადიკვრის#23
+995 (32) 215-55-51 ქ.თბილისი, ყაზბეგის34/34ბ
გამოიწერეთ ჩვენი გვერდი სოციალურ ქსელებში
