დედამიწის კლიმატი სწრაფად იცვლება და ეს ყოველდღიურად უფრო ცხადი ხდება. კლიმატის ცვლილებასთან ერთად სამეცნიერო წრეებში აქტიურად მიმდინარეობს საუბრები ნახშირბადის დაჭერასა და მის შენახვაზე, თუმცა აქამდე ყველა მსგავსი მცდელობა უშედეგოდ დასრულდა. ჩვენ ჯერ კიდევ არ ვიცით და არ გვაქვს სათანადო ტექნოლოგიები, რათა ატმოსფეროში გამოთავისფულებული ნახშირბადის შეგროვება შევძლოთ.
მსგავსი მცდელობა უდიდეს ნავთობმაგნატებსაც ჰქონდათ. Shell-ის ქარხარანა, რომელსაც Quest ჰქვია, სპეციალურად ქვიშიდან ნავთობის ამოღებისას სასათბურე აირების დაჭერასა და შენახვაზე იყო ორიენტირებული, თუმცა აღმოჩნდა, რომ ნახშირბადის შეკავებისა და შენახვის პროცესი სწორად არ მიმდინარეობდა. Quest-ის მიერ ბუნებაში გამოყოფილი ნახშირბადის რაოდენობა მათ მიერ შეგროვებულზე გაცილებით მეტი აღმოჩნდა.
სიმართლე რომ ვთქვათ, ნახშირბადის მოპოვება და შეგროვება, რათა ის უკონტროლოდ არ გაიბნეს ატმოსფეროში, საკმაოდ ძნელია.
სწორედ ამ პრობლემის გადაჭრაზე მუშაობენ MIT-ის მეცნიერებიც. მათ ჩვენთვის ახალი შემოთავაზება აქვთ. მასაჩუსეტსის ტექნოლოგიურმა ინსტიტუტმა ახალი სტატია გამოსცა, სადაც აღწერილია თუ როგორ უნდა შევძლოთ ამ პროცესის მართვა ეფექტურად.
MIT-იმ, იმის შესახებ, თუ როგორ უნდა შევინარჩუნოთ დედამიწაზე სტაბილური ტემპერატურა, ახალი იდეები გაგვანდო.
"თუ ჩვენ გვსურს, რომ ტემპერატურის 1.5-დან 2 გრადუსამდე ზრდა არ მოხდეს, 2050 წლისთვის სრულად ნახშირბად ნეიტრალურები უნდა ვიყოთ, შემდეგ კი ნასირბადის ატმოსფეროდან გამოდევნაც კი უნდა შევძლოთ და სასათბურე აირების გავრცელების დონე უნდა დავწიოთ" — ვკითხულობთ გეოლოგ Matěj Peč-ისა და MIT-ის დედამიწის დეპარტამენტის ასისტენტის, Victor P. Starr-ის განცხადებაში.
Peč-მა შეიმუშავა სამოქმედო გეგმა, რომელიც Advanced Carbon Mineralization Initiative-ის ფარგლებში წარსდგება მეცნიერთა წინაშე. მატეი პეკს სურს, რომ გეოლოგები, ქიმიკოსები და ბიოლოგები ერთად შეიკრან და შეიმუშაონ მეთოდი, რომლის მეშვეობითაც მიწაში მყოფ ნახშირბადს ქვად გადააქცევენ, რაც თავისმხრივ საშუალებას მოგვცემს, გამოვიყენოთ ის მაშინ, როცა დაგვჭირდება და ამას ნებისმიერი სახის გეოლოგიური პირობების შემთხვევაში შევძლებთ.
მატეი პეკის თქმით, მას სურს, რომ ამ მეთოდოლოგიის გამოსაცდელად კონკრეტული ადგილების შერჩევა მალევე დაიწყოს.
"ეს არის ის, რასაც გეოლოგია გვთავაზობს. ჩვენ უნდა ვიპოვოთ ისეთი ადგილები, სადაც ნახშირბადის შენახვას უსაფრთხოდ და სამუდამოდ შევძლებთ" — ამბობს მატეი პეკი
