აერონავტიკისა და კოსმოსური ადმინისტრაციის ‘ნასას’ ცნობილი ლოგო, ლურჯ, წითელ და თეთრ ფერებში, უკვე 65 წელია წარმოადგენს NASA-ს ვიზუალურ იდენტობას.
ლოგო 1959 წელს ჯეიმს მოდარელიმ შექმნა.
მაგრამ, სანამ NASA-ს ლოგოს მთელი მსოფლიო გაიცნობდა, აერონავტიკის და კოსმოსური სივრცის კვლევის ეროვნულ სამმართველოში თანამშრომლებს შორის ლოგოს დიზაინში კონკურსი ჩატარდა.
1958 წელს ჩატარებული კონკურსის ფარგლებში NASA-ს თანამშრომლებს, რომლებიც დიზაინის კუთხით მუშაობდნენ უნდა შეექმნათ ლოგო, რომელიც სამმართველოს იდეას, მისიას და მიზანს ყველა კარგად გამოხატავდა, ამავე დროს დასამახსოვრებელი და შთამაგონებელი იქნებოდა.
კონკურსში ჯეიმს მოდარელიმ გაიმარჯვა, რომელიც გლენის კვლევით ცენტრში დიზაინერად მუშაობდა.
ჯეიმსმა ნასაში კარიერა 1949 წელს, კლივლენდის სამხატვრო აკადემიის დასრულების შემდეგ დაიწყო. ვიდრე დიზაინერის პოზიციას დაიკავებდა, ნასაში სერვისების განყოფილების უფროსად მუშაობდა, გამარჯვების შემდეგ კი დიზაინერის პოზიცია დაიკავა და ‘ნასას’ არა ერთი სიმბოლო შექმნა.
NASA-ს ლოგოს, სახელწოდებით Meatball სიმბოლური დატვირთვა აქვს. ბურთის მრგვალი ფორმა - პლანეტას წარმოადგენს, ვარსკვლავები კოსმოსის სიმბოლოა, V-ს ფორმის ვექტორი აერონავტიკას გამოხატავს, თეთრი რკალით გამოხატული ორბიტა კი ხომალდების კოსმოსურ მოგზაურობაზე მიგვანიშნებს.
მიუხედავად იმისა, რომ წლების მანძილზე ნასას ლოგოებმაც განიცადა ცვლილება, ჯეიმსის ლოგო დარჩა ნასას მთავარ ვიზუალურ იდენტობად დასაწყისიდან დღემდე.
ჯეიმს მოდარელი 2002 წელს 87 წლის ასაკში გარდაიცვალა.
