1865 წელს, ყველასთვის კარგად ცნობილი და უმრავლესობისთვის ნოსტალგიური ბრენდის, ,,ნოკიას’’ ფინური ზღაპარი დაიწყო.
როგორც წესი, ბიზნესის წამოწყების საწყის ეტაპზე, არც ერთ ანტრეპრენერს არ აქვს გარანტია, რომ იდეა ბოლომდე გაამართლებს, თუმცა სადაც არ უნდა იმყოფებოდნენ, ავტომობილის ფარეხში თუ მიტოვებულ სარდაფში, ისინი დგამენ პირველ ნაბიჯს და იწყებენ.
ზღაპარიც ასე გაგრძელდა. 1865 წლის 12 მაისს, მაღაროს ფინელმა ინჟინერმა ფრედერიკ აიდესტამმა ფინეთის ქალაქ ტამპერეში ტუალეტის ქაღალდის მწარმოებელი ქარხანა ააშენა. ქარხანამ მუშაობა წარმატებით დაიწყო, სწორედ ამ პერიოდს ემთხვევა ფინეთში ოფისებიდან ქაღალდისა და მუყაოს ნაწარმზე მოთხოვნის ზრდა.
ქარხანა იმდენად წარმატებულად მუშაობდა, რომ ფრედერიკ აიდესტამმა მეორე ქარხანა, ფინეთის ქალაქ ნოკიაში, მდინარე ნოკიანვირტასთან ახლოს ააშენა. მის მიერ წარმოებული ქაღალდი მიეწოდებოდა რუსეთს, ინგლისსა და საფრანგეთს.
ნოკიას ტუალეტის ქაღალდი
მეორე ქარხანა ფრედერიკმა მისი მეგობრის, ლეო მიჩელინის დახმარებით სააქციო საზოგადოებად გადააქცია. ლეო მიჩელინმა ინდუსტრიული მეწარმეობისკენ სწრაფვის შედეგად საწარმოს წარმატება მალე მოუტანა და ის ხის მასალის უმხვილეს მიმწოდებელ პუნქტად აქცია. 1871 წელს, მეორე საწარმოს ადგილმდებარეობის გამო ,,ნოკია’’ უწოდეს - კომპანია, რომელიც ქაღალდს აწარმოებდა.
,,ნოკიას’’ არც ერთმა დამფუძნებელმა არ იცოდა, რომ კომპანია მობილური ტელეფონებისა და საკომუნიკაციო მოწყობილობების უმსხვილესი კორპორაცია გახდებოდა. ფრედერიკ აიდესტამი, ლეო მეჩელინი და ედვარდ პოლონი არ იყვნენ სატელეკომუნიკაციო სფეროს ექსპერტები. 1896 წლამდე კომპანიას აიდესტამი მართავდა. შემდეგ ის მეშელინმა ჩაანაცვლა, რომლის მიზანი ელექტროწარმოების დაწყება იყო.
და ასეც მოხდა. ლეო მეჩელინმა საკაბელო მოწყობილიობების წარმოება დაიწყო და კომპანიას აქციების გაზრდაშიც დაეხმარა. მოგვიანებით, 1898 წელს, ედუარდ პოლონმა დააარსა რეზინის ფეხსაცმლის მწარმოებელი კომპანია (Finnish Rubber Works), რომელიც ,,ნოკიას“ შეუერთდა და ამ დასახელების პროდუქციას უშვებდა.
,,ნოკიას’’ წარმოების რეზინის ფეხსაცმელები
1912 წელს შეიქმნა მომავალში ნოკიას ჯგუფის კიდევ ერთი მონაწილე, Finnish Cable Works, რომელიც სატელეფონო და სატელეგრაფო კაბელებს აწარმოებდა. მოგვიანებით, ორივე მიმართულება მთლიანად ,,ნოკიას’’ დაქვემდებარებაში გაერთიანდა.
,,ნოკიას’’ წარმოების რეზინის საბურავები ავტომობილებისთვის
კომპანიის წარმატებაში და გამდიდრებაში გარდამტეხი იყო 1981 წელი, როდესაც ,,ნოკიამ“ ფიჭურ კავშირზე მომუშავე პირველი ტელეფონი გამოუშვა. ტელეფონი ავტომობილებისთვის იყო განკუთვნილი. 1980-იანი წლების ბოლოს პირველი მობილური ტელეფონი გამოუშვა, რომლის ნახევარ კილომდე იწონიდა და 4000 დოლარზე მეტი ღირდა.
,,ნოკიას’’ პირველი მობილური ტელეფონი
,,ნოკიას“ დიდი წვლილი მიუძღვის GSM–ის (გლობალური სისტემა მობილური კომუნიკაციისათვის) შექმნაში. სწორედ GSM სისტემამ შეუწყო ხელი მობილური ტელეფონების შემდგომ წარმატებას, განსაკუთრებით როუმინგის და SMS-ის ფუნქციების განვითარებას.
1994 წელს, “ნოკიას“ ტელეფონით უკვე SMS-ის გაგზავნა იყო შესაძლებელი.
1991 წლის 1 ივლისი - ფინეთის პრემიერ მინისტრი ჰარი ჰოლკერი ახორციელებს პირველ ზარს ,,ნოკიას’’ ტელეფონით ჰელსინკიდან ტამპერეიმდე.
1998-2007 წლები ,,ნოკიასთვის“ ძალიან წარმატებული იყო. მობილურის მისი მოდელები ყველაზე კარგად იყიდებოდა. 2009 წელს, ,,ნოკია“ მსოფლიოს ყველაზე ძვირადღირებულ ბრენდებს შორის მე-5 ადგილზე იყო. თუმცა, 2007 წლიდან კომპანიის საბაზრო წილმა თანდათან კლება იწყო, რისი მიზეზიც კონკურენტების გაძლიერება და მათ სენსორულ სმარტფონებზე მოთხოვნის ზრდა გახდა.
ასეთი მწარმოებლები ძირითადად იყვნენ, Apple და კომპანია Google-ის ოპერაციულ სისტემა Android-ზე მომუშავე სხვა მოწყობილობები.
დღეს ნოკია კვლავ რჩება ერთ-ერთ უმსხვილეს მწარმოებლად, რომელმაც მობილური ტელეფონები ეპოქაში მნიშვნელოვანი კვალი დატოვა, თუმცა ციფრულმა ეპოქამ და სხვა გიგანტმა ბრენდებმა ,,ნოკიას’’ ასპარეზი ჩამოართვა.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
