2024 წლის 2 თებერვალი ისტორიული დღეა!!! Apple-მა პირველი ვირტუალური რეალობის ჰედსეტ Vision Pro-ს გაყიდვები დაიწყო!
„Apple Vision Pro" ნამდვილად რევოლუციური პროდუქტია, მისი წინასწარ შეკვეთა ოფიციალური შესაძლებელია 19 იანვრიდან, ფასი კი $3 499-ია.
"ეს ყველა დროის მოწინავე სამომხმარებლო ელექტრონული მოწყობილობაა. ის გააქრობს კომპიუტერებს და საერთოდ დაგვავიწყებს ტელევიზორებს, მისი რევოლუციური ინტერფეისი ახლებურად განსაზღვრავს ჩვენს ქმედებებს“, - განაცხადა კომპანიის აღმასრულებელმა დირექტორმა, ტიმ კუკმა
Apple-მა პოტენციური მომხმარებლებისთვის ინსტრუქციების გაგზავნა აშშ-ში ჯერ კიდევ შობის დღეებში დაიწყო, თუ როგორ მოემზადონ Vision Pro-ს შესყიდვამდე:
- პირველ რიგში, დაგჭირდებათ iPhone ან iPad Face ID-ით. მათი დახმარებით მოგიწევთ თავის სკანირება, რათა კომპანიამ შეძლოს სამაგრის სწორი ზომის შერჩევა.
- მეორე, განაახლეთ თქვენი Apple Store-ის აპლიკაცია უახლოეს ვერსიაზე. დაემატა Vision Pro-სთვის სახის სკანირების მხარდაჭერა.
- მხედველობის კორექციის საჭიროების მქონე მომხმარებელს მოეთხოვება ოფთალმოლოგის მოქმედი რეცეპტის ატვირთვა შეკვეთის გაფორმების შემდეგ.
ახალი ვირტუალური სათვალე ოპერირებს vision OS სისტემაზე, იყენებს Apple-ის სილიკონის ორ ჩიპს (M2 Ultra და R1) და შესაძლებელია გამოყენებულ იქნას უწყვეტად ორ საათზე მეტი პერიოდის განმავლობაში მასთან დაკავშირებული ბატარეის პაკეტით ან იმდენ ხანს რამდენიც გსურთ, თუ ის ჩართულია დენის წყაროში. სათვალე იყენებს „ბუნებრივი კონტროლის“ ფუნქციას ხელისა და თვალის მოძრაობის საშუალებით, ასევე ხმოვანი ბრძანებებით.
Apple-ს ოფიციალურად არასოდეს დაუდასტურებია, რომ მუშაობდა აღნიშნულ მოწყობილობაზე, მაგრამ წლების განმავლობაში გავრცელდა მრავალი სპეკულაცია იმის შესახებ, თუ რა ფუნქციები შეიძლება ქონოდა მას. ახლა უკვე დადასტურებული ფაქტები და ინფორმაცია გვაქვს Vision Pro-ს შესახებ, ესაა შერეული რეალობის მოწყობილობა, რომელიც გვაძლევს როგორც ვირტუალური, ისე აუგმენტური რეალობის გამოცდილებას. მოწყობილობის შესახებ გავრცელებული ინფორმაციის თანახმად, მომხმარებლებს შეუძლიათ გადაერთონ AR-სა (augmented reality) და VR-ს (virtual reality) შორის crown-style ციფრული ციფერბლატის გამოყენებით იმის მიხედვით თუ რას ხედავს მომხმარებელი. სათვალე ფრონტალურ მხარეს აჩვენებს თვალებს, რათა სხვებმა იცოდნენ, რომ მოწყობილობა ჩართულია და მომხმარებელი მისი საშუალებით ხედავს გარემოს.
Apple და მისი Vision Pro პლატფორმა უერთდება Pixar-ის მისწრაფებას 3D კონტენტის სტანდარტიზაციაზე.
Apple, Adobe, Pixar, Nvidia და Autodesk თანამშრომლობენ, რათა ხელი შეუწყონ ღია სტანდარტების შემუშავებას თავსებადი 3D ხელსაწყოებისა და მონაცემებისთვის. გამოქვეყნებულ პრესრელიზში, კომპანიებმა განაცხადეს ალიანსის შექმნის შესახებ OpenUSD-ისთვის, რომელიც განაპირობებს Pixar-ის უნივერსალური სცენის აღწერილობის (Universal Scene Description) ტექნოლოგიის „სტანდარტიზაციას, განვითარებას, ევოლუციას და ზრდას“.
Pixar აღწერს USD-ს, როგორც „პირველ ღია პროგრამულ უზრუნველყოფას, რომელსაც შეუძლია რადიკალურად და მასშტაბურად შეცვალოს 3D სცენები“ სხვადასხვა აქტივების, წყაროების და ანიმაციების გაერთიანებისას. ანიმაციური კომპანია მას უწოდებს "ფუნდამენტურ მოთხოვნას" ადამიანებისთვის, რომლებიც ქმნიან მეტავერსის კონტენტს.
OpenUSD უზრუნველყოფს სხვადასხვა აპლიკაციების, რომლებიც გამოიყენება 3D კონტენტის შესაქმნელად - როგორიცაა Maya, Houdini, Autodesk 3ds Max და Adobe Substance 3D Designer - მხარდაჭერის, ორმხრივი აქტივებისა და სამუშაო ნაკადების ურთიერთმონაცვლეობას. როგორც Nvidia-ს აღწერის მიხედვით, „OpenUSD მხარს უჭერს ვირტუალური სამყაროების მშენებლობის მოთხოვნებს – როგორებიცაა გეომეტრია, კამერები, განათებები და სხვადასხვა მასალები, ის ასევე მოიცავს ფუნქციებს, რომლებიც აუცილებელია დიდ და რთულ მონაცემთა ერთობლიობის სკალირებისთვის და შესაძლებლობები საოცრად გაფართოებულია, რაც საშუალებას აძლევს ტექნოლოგიას ადაპტირდეს სამუშაო პროცესებთან ვიზუალური ეფექტების მიღმა.
USD არის "არსებითი ტექნოლოგია ინოვაციური visionOS პლატფორმისთვის"
ზემოარნიშნული განცხადება კეთდება რამდენიმე თვით ადრე, ვიდრე Apple-ი გამოუშვებს Vision Pro შერეული რეალობის ვირტუალურ სათვალეს და მოიცავს Apple-ს, როგორც ახალი ორგანიზაციის დამფუძნებელ წევრს. მაიკ როკველი, Apple-ის ვიცე-პრეზიდენტი, პროდუქტების ჯგუფის ხედვის პრესრელიზში ამბობს, რომ "OpenUSD დაეხმარება დააჩქაროს AR გამოცდილების შემდეგი თაობა, მისი შექმნიდან კონტენტის მიწოდებამდე და შექმნას სივრცითი გამოთვლითი აპლიკაციების მუდმივად გაფართოებადი სპექტრი."
„Apple-მა აქტიური წვლილი შეიტანა openUSD-ს განვითარებაში და ეს არის მნიშვნელოვანი ტექნოლოგია ინოვაციური visionOS პლატფორმისთვის, ისევე როგორც ახალი Reality Composer Pro-ს განვითარების ხელსაწყო“, - ამბობს მაიკ როკველი.
OpenUSD - „ხშირად დასმულ შეკითხვებში“ აღნიშნულია, რომ ინდუსტრიისთვის 3D კონტენტის შექმნისთვის საჭირო მრავალი აპლიკაცია, როგორებიცაა: მოდელირება, შუქ-ჩრდილები, ანიმაცია და განათება, ხშირად მორგებულია მხოლოდ კონკრეტულ აპლიკაციებზე და მათი წაკითხვა ან რედაქტირება შეუძლებელია სხვა პროგრამული უზრუნველყოფის გამოყენებით. ამ პრობლემის გადასაჭრელად, ალიანსი მიზნად ისახავს უზრუნველყოს საერთო ენა 3D მონაცემების განსაზღვრის, შეფუთვის, აწყობისა და რედაქტირებისთვის.
პროექტი განთავსდება Linux-ის ერთობლივი განვითარების ფონდში, რათა უზრუნველყოს OpenUSD სპეციფიკაციების „ღია და ეფექტური განვითარება“ და ხელი შეუწყოს პროექტის აღიარებას სტანდარტიზაციის საერთაშორისო ორგანიზაციის მიერ.
საერთაშორისო ექსპერტების გამოცდილებითა და შემუშავებული CompTIA A + პროგრამით, დაგეხმარებით შეისწავლოთ კომპიუტერული მოწყობილობების აპარატურული და პროგრამული უზრუნველყოფა და თანხვედრაში მოხვიდეთ დამსაქმებლების მოთხოვნილებებთან, დაიწყეთ სწავლა კვალიფიციურ სპეციალისტებთან, საერთაშორისო აკადემიაში!
IKEA რომელიც იყენებს 3D რენდერირებას თავისი კატალოგისთვის ავეჯის დიზაინების შესაქმნელად, ალიანსის ჩამოყალიბებაზე გაკეთებულ განცხადებაში აღნიშნა, რომ „ჩვენ ვეძებდით არადაპატენტებულ სტანდარტულ ფორმატს 3D კონტენტის შესაქმნელად და შესანახად, რათა დავაკავშიროთ ჩვენი ღირებულების ჯაჭვი კიდევ უფრო მჭიდროდ და ავეჯის წარმოება შევძლოთ უფრო დაბალ ფასად“, - ამბობს მარტინ ენთედი, IKEA-ს ინოვაციების მენეჯერი. "AOUSD არის დიდი ნაბიჯი ამ მიმართულებით".
Apple-მა დეველოპერის სესიაზე სიღრმისეულად და ნათლად დაგვანახა, თუ როგორ აკონტროლებენ მომხმარებლები (საბოლოო პროდუქტს) მის ახალ Vision Pro მოწყობილობას, მათ შორის ვირტუალურ კლავიატურას, რომლის აკრეფასაც შეძლებთ ჰაერში. ამის ნახვა შესაძლებელი გახდა "დიზაინი სივრცითი შეყვანისთვის" სესიის წყალობით, რომელშიც Apple-ის დიზაინის გუნდის ორი წევრი დეველოპერებს უზიარებს ახალი პლატფორმისთვის აპლიკაციების დიზაინის საუკეთესო პრაქტიკას.
როგორც ჩანს, Apple-ს სურს, რომ მომხმარებლები დაუკავშირდნენ ვირტუალურ სათვალეს, უბრალოდ მომხმარებლის ინტერფეისის ელემენტებზე (UI elements) შეხედვის და ხელის მარტივი მოძრაობების დახმარებით. მაგრამ დეველოპერის სესიაზე, Apple-ის დიზაინერი ისრაელ პასტრანა ვისენტე აღიარებს, რომ „ზოგიერთი დავალების შესრულება უმჯობესია მოწყობილობასთან უშუალო ურთიერთქმედებით“, რაც შეიძლება მოიცავდეს ინტერფეისის ელემენტებთან შეხებას (ფუნქცია, რომელსაც Apple მოიხსენიებს, როგორც „პირდაპირ შეხებას“). ასევე მოწყობილობას აქვს ფიზიკური კლავიატურის, ტრეკპადების ან თამაშის კონტროლერების გამოყენების მხარდაჭერა.
"ზოგიერთი დავალების შესრულება უმჯობესია მოწყობილობასთან პირდაპირი ინტერაქციის მეთოდი"
მოდით ვისაუბროთ Vision Pro-ის ვირტუალურ კლავიატურაზე. Apple-ის დიზაინერი ევგენი კრივორუჩკო განმარტავს, რომ კლავიატურის გამოყენებისას მნიშვნელოვანია სხვადასხვა ვიზუალურ და აუდიო ფუნქციებზე უკუკავშირის შეთავაზება, რათა ანაზღაურდეს „დაკარგული ტაქტილური ინფორმაცია“, რომელიც ჩართულია წამკითხავ პერიფერიული მოწყობილობის შეხებასთან. „სანამ თითები კლავიატურაზე სამუშაოდ გვაქვს მომზადებული, ღილაკები აჩვენებენ თავისუფალი ლივლივის მდგომარეობას და ხდება უფრო კაშკაშა ღილაკის ზედაპირთან მიახლოებისას, ეს მიახლოების ნიშანია და ეხმარება თითის მიზნამდე მიყვანას. კონტაქტის მომენტში ღილაკთან ინტერაქცია არის სწრაფი და თან ახლავს შესაბამისი სივრცითი ხმოვანი ეფექტი“.
მეტამ ცოტა ხნის წინ შეიმუშავა მსგავსი ექსპერიმენტული ფუნქცია, რომელსაც ასევე უწოდებენ პირდაპირ შეხებას, რაც Quest VR მომხმარებლებს საშუალებას აძლევს შეეხონ მენიუს ღილაკებს ან ვირტუალურ კლავიატურებს, მაგრამ UploadVR აღნიშნავს, რომ მისი სიღრმის სენსორების წყალობით, Apple-ის Vision Pro-ს მოწყობილობა, მეტასთან შედარებით სავარაუდოდ უფრო ზუსტი იქნება, ყოველ შემთხვევაში, სანამ მიმდინარე წლის ბოლოს სიღრმის სენსორებით აღჭურვილი Quest 3 არ ჩაეშვება წარმოებაში.
ამასთანავე Apple-ის დეველოპერის სესიაზე აღინიშნა რომ მოწყობილობას აქვს ინფორმაციის ხმოვანი შეყვანის მხარდაჭერა, როდესაც ხდება თვალის ფოკუსირება მიკროფონის ხატულაზე ეს საძიებო ველში ააქტიურებს "Speak to Search" ფუნქციას. ეს ფუნქცია აუდიო მონაცემებს მიიღებს Vision Pro-ში ჩაშენებული ექვსი მიკროფონიდან.
პირდაპირი შეხება ასევე შეიძლება გამოყენებულ იქნას სისტემის სხვა ელემენტებთან ინტერაქციისთვის. არსებობს დაჭერისა და სქროლვის ფუნქცია, ისევე როგორც ამას ვაკეთებთ სენსორულ ეკრანთან მუშაობისას, ხოლო Apple-ის ერთ-ერთი დემო ჩვენება გვანახებს, თუ როგორ აკეთებს კალამი ჰაერში მოძრაობებს, რათა დაწეროს სიტყვა და დახატოს გულის ფორმა მარქაფში. მიუხედავად იმისა, რომ პირველადი ურთიერთქმედება ხდება მომხმარებლის ხელით, კრივორუჩკო განმარტავს, თუ როგორ იყენებს თვალის მიდევნებას ჟესტებით ინტერაქციის გასაძლიერებლად ”ხატვისას თქვენ აკონტროლებთ ფუნჯის კურსორს თქვენი ხელით, მაუსის მაჩვენებლის მსგავსად, მაგრამ თუ ტილოს სხვა მხარეს გაიხედავთ და შეეხებით, კურსორი გადახტება იქ სადაც თქვენ გსურთ. ეს ქმნის სიზუსტის განცდას და ხელს უწყობს დიდი ტილოს სწრაფად დაფარვას“, - ამბობს დიზაინერი.
თვეების მოლოდინის შემდეგ, Apple-ის Vision Pro საბოლოოდ საზოგადოებისთვის 2 თებერვალს იქნება ხელმისაწვდომი, ჩვენ ჯერ კიდევ გვაქვს უამრავი კითხვა იმის შესახებ, თუ როგორ იმუშავებს Apple-ის ახალი ძვირადღირებული Vision Pro ვირტუალური სათვალე პრაქტიკაში, ეს ნამდვილი კატალიზატორია, რომელიც გამოიწვევს ახალ ტექნიკურ გარღვევებს AR სათვალეების სფეროში.
IT სფერო გაინტერესებთ? STEP გაძლევთ შესაძლებლობას შეცვალოთ საკუთარი ცხოვრება, თანამედროვე, მოთხოვნადი, მაღალანაზღაურებადი და საინტერესო IT პროფესიების ათვისებით:
- გახდი python პროგრამისტი, ისწავლე პრაქტიკოსებისგან
- გახდი მოთხოვნადი UX/UI დიზაინი პროფესიონალების ხელმძღვანელობით
- გახდი ქსელის ტექნოლოგიების სპეციალისტი - ისწავლეთ პრაქტიკით
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლაუკვე 100+ფილიალით!
+995 577 538 549 ქ.თელავი,ნადიკვრის#23
+995 (32) 215-55-51 ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
