მეცნიერთა თქმით, ადამიანებს შესწევთ ძალა გახდნენ პლანეტაშორისი ცივილიზაცია, თუმცა ამას მხოლოდ მომდევნო 200 წლის განმავლობაში შეძლებენ.
კორნელის უნივერსიტეტში მოღვაწე 8 მეცნიერისაგან შემდგამარმა ჯგუფმა ჟურნალ Arxiv-ში ახალი კვლევა გამოაქვეყნა, რომლის მიხედვითაც ადამიანთა მოდგმა კარდაშევის სკალით 1 ტიპის ცივილიზაციის განვითარების დონეს 2371 წელს მიაღწევს.
კარდაშევის სკალა 1964 წელს შეიქმნა. მისი არსი შემდეგში მდგომარეობს — ადამიანთა ცივილიზაციის დონე, უხეშად რომ ვთქვათ, მათ მიერ ენერგიის მიღების ხერხების მრავალფეროვნებასა და რაოდენობაზეა დამოკიდებული.
პირველი ტიპის ცივილიზაციამ უნდა შეძლოს საკუთარი პლანეტის ენერგო-რესურსებისა და პოტენციალის ბოლომდე ათვისება.
ჩვენ სრულად უნდა ვაკონტროლებდეთ მზისგან პლანეტაზე დაცემულ ენერგიას, საკუთარი პლანეტის კლიმატს, მთლიანად უნდა ავითვისოთ ალტერნატიული ენერგიის ყველა წყარო (ქარი, მიმოქცევა, წყალი, თერმული, ბირთვული ა.შ.). ამ დონემდე მისაღწევად, ჩვენი ენერგოწარმოება ასი ათასჯერ ან მეტჯერ უნდა გავზარდოთ.
მეორე დონის ცივილიზაცია სრულიად ახალ საფეხურზე უნდა ავიდეს. ამ დონის პროგრესის მქონე საზოგადოებამ სრულად უნდა შეძლოს თავისი მზის კონტროლი. აქ საუბარია არა მათკენ გამოსხივებული მზის შუქის ელ. ენერგიად გარდაქმნაზე, არამედ მათი პლანეტარული სისტემის ცენტრალური ვარსკვლავის სრულ მართვაზე და მისი პოტენციალის მაქსიმალურ გამოყენებაზე.
რაც შეეხება მესამე ტიპის ცივილიზაციებს — მათ უნდა შეეძლოთ არამხოლოდ თავიანთი პლანეტისა და მზის კონტროლი, არამედ, მთლიანი გალაქტიკისგან გამოყოფილი ენერგიის გადამუშავებაც. მესამე ტიპის ცივილიზაცია განვითარების ისეთ დონეს მიაღწევს, რომ მათზე ადამიანის დაძახება, სავარაუდოდ, ძნელი იქნება. ეს იქნება ნახევრად ბიოლოგიური და ნახევრად მექანიკური არსება, რომელსაც შესაძლოა აღამტებული არსებაც ვუწოდოთ.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ