ტექნოლოგიებზე, რომლებსაც დღეს, თითოეული ჩვენგანი აქტიურად მოვიხმართ ოდესღაც ძალიან ბევრს ფიქრობდნენ და ალბათ, ამდენი რომ არ ეფიქრათ, მოწყობილობებს ვერც გამოიგონებდნენ.
საბედნიეროდ, ტექნოლოგიურ მეცნიერების ისტორიას მრავლად ახსოვს ისეთი ადამიანები, რომლებმაც ფაქტებზე წინ გაიხედეს და მომავლის საჭიროებები დაინახეს. დიდ მეცნიერებს თითქოს დრო თავად კარნახობდა რა უნდა გამოეგონებინათ, რა უნდა შეექმნათ ან რომელი ქარხანა გაეხსნათ.
წარსულში ხომ არ არსებობდა თანამედროვე კომპიუტერული სისტემები, კალკულატორები, ციფრული მექანიზმები, თუმცა მეცნიერები ხომ ზუსტად ამიტომ იყვნენ ,,დიდნი’’, რომ ჯერ კიდევ ნაკლებად განვითარებულ ეპოქაში ფასდაუდებელი ტექნოლოგიური მოწყობილობები შექმნეს.
ერთ-ერთი მათგანი თითქმის საუკუნის წინ, ქალაქ ჯეფერსონში, ამერიკის შეერთებულ შტატებში დაიბადა. ელექტრიკოსი მშობლების ოჯახში დაბადებულ ბიჭს ჯეკ კილბი დაარქვეს.
არ გაგიკვირდებათ თუ გეტყვით, რომ ჯეკს ელექტრონიკისადმი ინტერესი ბავშვობიდან გაუჩნდა. მამამისი საკუთარ ელექტრონიკის კომპანიას მართავდა და პარალელურად რადიო ოპერატორად მუშაობდა. უფროს კილბის მცირეწლოვანი ვაჟი სამსახურში ხშირად დაჰყავდა, შესაბამისად, ჯეკის ინტერესი ელექტრონიკისადმი სულ უფრო ღრმავდებოდა.
ჯეკ კილბი საშუალო სკოლა ,,Great Bend’’-ში წარჩინებით სწავლობდა. სკოლის დასრულების შემდეგ, ახალგაზრდა ინჟინერმა სწავლის გაგრძელება ილინოისის უნივერსიტეტში ელექტრო ინჟინერიის ფაკულტეტზე გადაწყვიტა. ტრიუმფმა არც აქ დააყოვნა და 1947 წელს კილბიმ უნივერსიტეტი წარჩინებით დაასრულა.
1958-1983 წლებში დიდმა მეცნიერმა და ფიზიკოსმა მუშაობა ტეხასის შტატის ქალაქ დალასში მდებარე კომპანია ,,Texas Instrument’’-ში განაგრძო. სწორედ ამ პერიოდს ემთხვევა მისი პირველი უდიდესი გამოგონება ,,ინტეგრალური სქემის’’ იგივე ,,მიკროჩიპის’’ შექმნა.
პირველი მოკროჩოპი
ჯეკ კილბიმ ამერიკელ ფიზიკოსთან რობერტ ნოისთან ერთად სილიკონზე დაფუძნებული მიკროჩიპი შექმნა. საბოლოოდ, ამ ორი ადამიანის ერთობლივმა ძალისხმევამ შეცვალა კომპიუტერული ტექნოლოგიების განვითარების ეტაპი.
ჯეკ კილბი იყო პირველი ადამიანი, ვინც სილიკონის ერთ კრისტალზე ელექტრონული მიკროსქემის ყველა საჭირო კომპონენტი ჩართო.
2000 წელს პირველი მიკროჩიპის გამოგონებისთვის ჯეკ კილბის მიენიჭა ნობელის პრემია ფიზიკის დარგში.
მიკროჩიპი დიდი მეცნიერისთვის მხოლოდ დასაწყისი აღმოჩნდა. მიკროჩიპის გამოგონებიდან ზუსტად ორი წლის შემდეგ, ფიზიკოსმა შეიმუშავა ხელის კალკულატორი, ხოლო 1967 წელს ჯეკ კილბიმ გამოიგონა პრინტერი. ამ უკანასკნელ გამოგონებასთან ერთად დიდი მეცნიერი პარალელურად ამერიკის ეროვნული საინჟინრო აკადემიის სრულფასოვანი წევრი გახდა.
1969 წელს კილბი დაჯილდოვდა მეცნიერების ეროვნული მედლით, 1989 წელს ჩარლზ სტარკ დრაიპერის მედლით და 1993 წელს კი მიენიჭა მედალი ,,პიონერი კომპიუტერული მეცნიერებების დარგში’’.
1997 წელს TI– მ (Texas Instruments) დააარსა ტექნოლოგიური კვლევითი ცენტრის შენობა დალასში, სახელწოდებით კილბის ცენტრი.
ჯეკ სენტ კილბი 2005 წლის 20 ივნისს, ტეხასის ქალაქ დალასში გარდაიცვალა. მისმა გამოგონებებმა უდიდესი როლი ითამაშა კომპიუტერული ტექნიკის განვითარება-დახვეწაში, რამაც კილბი ერთ-ერთ საუკეთესო ამერიკელ გამომგონებლად აქცია.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
