Starlink მსოფლიოში მოწინავე სატელიტური ფართოზოლოვანი ინტერნეტ სისტემაა, რომელიც უზრუნველყოფს მაღალსიჩქარიან, დაბალი დაყოვნების მქონე ფართოზოლოვან ინტერნეტს მთელს მსოფლიოში, მათ შორის იმ ადგილებში, სადაც ინტერნეტ კავშირი დაბალი საიმედოობის, უხარისხო ან სრულიად მიუწვდომელია - ახლა ის უკვე საქართველოშიც ხელმისაწვდომია!
კომპანიის გადაწყვეტილებით, თბილისის ტექნოლოგიური პარკი პირველი ორგანიზაციაა საქართველოში, სადაც Starlink-ის სატელიტური თეფში და როუტერი განთავსდა, ასე გამოიყურება დაკავშირებისა და კალიბრაციის პირველი წამი
12 საათის შემდეგ მიღებული ციფრი ნამდვილად შოკის მომღვრელია
Starlink-ის საქართველოს ბაზარზე შემოსვლას წინ უძღოდა ეკონომიკისა და მდგრადი განვითარების სამინისტროს ხელმძღვანელობის აქტიური კომუნიკაცია კომპანია SpaceX-სთან, რომელსაც Starlink-ის პროექტი ეკუთვნის. აღნიშნული შეხვედრების შედეგად, საქართველო განხილულ იქნა რეგიონში ერთ-ერთ პირველ საპილოტე ქვეყნად, სადაც SpaceX-ი მოსახლეობას თანამგზავრულ ინტერნეტს მიაწვდიდა. აღსანიშნავია, რომ SpaceX-მა საქართველოს ტექნოპარკები პარტნიორების პროგრამაში ჩასვა, რაც უზრუნველყოფს ტესტირების პროცესში მონაწილეობის მიღებას. საქართველოს ყველა ტექნოლოგიური პარკი უახლოეს მომავალში სტარლინკის ინტერნეტით სრულად ისარგებლებს.
ქვეყნის მასშტაბით სწრაფი ინტერნეტის ამოქმედება ხელს შეუწყობს საჯარო სერვისების გაუმჯობესებას, განათლების დონის ამაღლებას, ინტერნეტის მიწოდებას იმ სკოლებში, სადაც დღეს არ არის, უსაფრთხოების დონის გაზრდას და ახალი შესაძლებლობების გაჩენას, მათ შორის იმისთვის, რომ შეიქმნას საინფორმაციო ტექნოლოგიების კუთხით ახალი პროდუქტები. ამასთან, თანამგზავრული ინტერნეტი ხელს შეუწყობს ციფრული ბიზნესის განვითარებასა და საერთაშორისო IT კომპანიებისთვის მიმზიდველი გარემოს შექმნას.
ილონ მასკის დაარსებული კომპანიის, SpaceX-ის პროექტი Starlink-ი გლობალური თანამგზავრული სისტემაა, რომლის მიზანიც მაღალი სიჩქარის ინტერნეტის მიწოდებაა ნებისმიერ ადგილში, მათ შორის მიუწვდომელ და მაღალმთიან დასახლებებში.
აღსანიშნავია, რომ SpaceX-ის მიერ საქართველოში Starlink-ის პროექტით შემოსვლას და საქმიანობის დაწყებას წინ უძღოდა აშშ-ში, ლოს-ანჯელესში, SpaceX-ის საწარმოში საქართველოს ეკონომიკისა და მდგრადი განვითარების სამინისტროს ხელმძღვანელ პირთა შეხვედრა ამერიკული კომპანიის წარმომადგენლებთან, რომლის დროსაც პირველად გამოითქვა ინტერესი საქართველოსა და SpaceX-ის თანამშრომლობის შესახებ. აღნიშნულს მოჰყვა SpaceX-ის დელეგაციის საპასუხო ვიზიტი საქართველოში. სწორედ აღნიშნული ვიზიტისას გამართული შეხვედრებისას SpaceX-ის საქართველოს ბაზარზე შემოსვლა გადაწყდა.
თუ არ გაკმაყოფილებს მიმდინარე კარიერა და ანაზღაურება, პროგრამირება უნდა სცადო - დაიწყე შესწავლა სრულიად ახალი მეთოდებით, მოერგე ბაზრის თანამედროვე მოთხოვნებს და გახდი წარმატებული!
ნამდვილად სასიხარულო ფაქტია, საქართველოსთვის განსაზღვრული Starlink-ის ინტერნეტის ღირებულება, რომელიც იმაზე დაბალია, ვიდრე ველოდით! უკანასკნელ წლებში, საქართველო ტექნოლოგიურად სრულად დაიფარა პრემიალური, კარგი ხარისხის, მარტივად გამოყენებადი სერვისებით, რასაც ახლა რეაქტიულად სწრაფი სტარლინკის ინტერნეტიც შეემატა, მის აწყობას სულ 2 წუთი სჭირდება, მიმღები რამდენიმე წამში ავტომატურად უსწორდება თანამგზავრს და იწყება ულიმიტო მიწოდება
Starlink-ის ყოველთვიური გადასახადი ინდივიდუალური მომხმარებლებისთვის 160 ლარს შეადგენს, ხოლო სერვისის აპარატურის მისაღებად გადასახდელი თანხა 1780 ლარია, მაგრამ ეს თანხა ერთჯერადია. ამასთან, 235 ლარი არის გადასახდელი აპარატურის თბილისში მისაღებად, კორპორაციული მომხმარებლების შემთხვევაში კი ფასები იზრდება და მხოლოდ ინფრასტრუქტურა 8320 ლარზე მეტი ჯდება.
რაც შეეხება მის გამოყენებას, მომხმარებლები ამ ინტერნეტს სახლში დამონტაჟებული პატარა თანამგზავრული მიმღებით დაუკავშირდებიან. თავის მხრივ, თანამგზავრული ტერმინალების დამონტაჟება შესაძლებელია ყველგან — უბრალოდ, უკეთესი სერვისისთვის უმჯობესია ანტენაზე ან სახურავზე დაყენება.
ეს ნამდვილად რევოლუციური ტექნოლოგიაა, რომლის მიღებასაც მომხმარებელი შეძენიდან 2 კვირაში შეძლებს. მართალია, ინტერნეტის სიჩქარე ცვალებადია და დამოკიდებულია, როგორც ამინდზე, ასევე ხელოვნური თანამგზავრების ადგილმდებარეობაზე, თუმცა ეს ფაქტორები ძალიან მინიმალურ შეფერხებებს იწვევს. გადმოწერის შემთხვევაში, Starlink-ის ინტერნეტი 220+ მეგაბიტი/წმ-ზე მეტია, ატვირთვის შემთხვევაში კი, შუალედი 8-25+ მეგაბიტი/წმ-ია. დაყოვნება კი, 20-იდან 60 მილიწამამდე მერყეობს.
აქ მონიშნულია ის ადგილები სადაც საუკეთესო ხარისხში იქნება ხელმისაწვდომი ინტერნეტი საქართველოში
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში,ახლაუკვე100+ფილიალით!
+995 577 538 549 ქ.თელავი,ნადიკვრის#23
+995 (32) 215-55-51 ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
