იცით, რომელი ტექნოლოგიაა გავრცელებული ყველა კონტინენტის ინდუსტრიაში, მიუხედავად განვითარების და ცხოვრების დონისა? შრეიხკოდი! რომ არა შტრიხკოდი სამყაროს ბევრი რამ არ ექნებოდა
შრეიხკოდი უნივერსალური სასაქონლო კოდია, რომელიც წარმოადგენს ციფრებისა და ხაზების საშუალებით ჩაწერილ ინფორმაციას და განკუთვნილია ინფორმაციის ავტომატიზებული იდენტიფიკაციისა და აღრიცხვისათვის.
1974 წლის 26 ივნისს, ოჰაიოს შტატში, სუპერმარკეტში Marsh, კომპიუტერი ლაზერის რიდერს დაუკავშირეს და სისტემამ ფასი დააფიქსირა. ვინმე კლაიდ დეისონმა, მსოფლიოში პირველად, შტრიხკოდი ( barcode) დასკანერებით შეიძინა ვრიგლის Juicy Fruit , 00.67 ცენტად.
ამ დღიდან დაიწყო მარკეტებში პროდუქციის გამრავალფეროვნება, ვაჭრობისა და რითეილის განვითარება, ლოჯისტიკის, გადაზიდვების, მგზავრობის და თითქმის ყველაფრის გამარტივება.
მალევე, თორმეტი ევროპული სახელმწიფოს ინიციატივით ჩამოყალიბებული სასაქონლო ნუმერაციის ევროპული ასოციაციის EAN (Europian Article Numbering Association) მიერ. ასოციაციაში არაევროპული სახელმწიფოების გაწევრიანების შემდეგ, სისტემამ საერთაშორისო სტატუსი მიიღო და მას შემდეგ მთელ მსოფლიოში ფართოდ გამოიყენება.
სასაქონლო ნუმერაციის გლობალური საერთაშორისო სისტემა EAN/UCC წარმოიქმნა ევროპული (Europian Article Numbering Association – EAN international) და ჩრდილოეთ ამერიკული (Uiform Code Council –UCC) სასაქონლო ნუმერაციული ასოციაციების გაერთიანების ხარჯზე.
მიუხედავად იმისა, რომ EAN/UCC სისტემა თავისი სტატუსით არასავალდებულო და ნებაყოფლობითია, საქონელზე შტრიხკოდის არარსებობა უარყოფითად მოქმედებს მის კონკურენტუნარიანობაზე. ეს გამოწვეულია იმით, რომ თანამედროვე სავაჭრო ფირმები საქონელმოძრაობის ავტომატიზებული ტექნოლოგიებს იყენებენ და შტრიხკოდის გარეშე საქონელს არ იღებენ.
ისწავლე IT მხარდაჭერა, ქსელები და კიბერუსაფრთხოება 0-დან და დაეუფლე მსოფლიოში ყველაზე მაღალანაზღაურებად პროფესიებს საერთაშორისო აკადემიაში
შტრიხკოდი ის უნიკალური ტექნოლოგია, რომელიც 50 წელია არ შეცვლილა, მან განავითარა ვაჭრობა, გაამარტივა ქვეყნებს შორის გადაზიდვები. როგორც რითეილის ექსპერტები ამბობენ, რომ რომ არა შტრიხკოდი ვოლმარტიდან ამაზონამდე კაპიტალიზმი ასე არ განვითარდებოდა და შოპინგიც ასე არ გვეყვარებოდა :) ეს არის ტექნოლოგია, რომელსაც აქვს Fascinating story და 10 წელზე მეტია QR კოდიც ვერ ვერ ანაცვლებს
საიდან დაიწყო ყველაფერი: ამერიკაში, მარკეტების განვითარებასთან ერთად, რთული გახდა სალაროსთან რიგების გამკლავება- მოლარეებს უწევდათ გაყიდული პროდუქციის აღწერა და ჩაწერა. თურმე, არსებობდა მოლარეების კონკურსიც, სადაც 1964 წელს გამარჯვებულმა მოლარეებმა (გაყიდული პროდუქციის სწრაფად აღრიცხვაში) საჩუქრად მიიღეს წავის ქურქები და ჰავაიზე დასვენება.
1948 წელს, ფილადელფიის სუპერმარკეტის შეფმა დექსტერის ტექნოლოგიების ინსტიტუტს სთხოვა, მოეფიქრებინათ რამე ტექნოლოგია, რომელიც პროდუქტის აღრიცხვას და სალაროსთან გადახდას გაამარტივებდა. ამ საუბარს შეესწრო სტუდენტი ბერნარ სილვერი, რომელმაც კურსელს, ჯოზეფ ვუდლენდს შესთავაზა, ემუშავათ მარკეტის პრობლემაზე.
1949 წელს, მაიამი ბიჩზე ქვიშაზე წრეების ხაზვისას ვუდლენდს გაუნათდა გონება -მორსეს კოდის ანალოგი, მაგრამ წრეები, რომელიც პროდუქციაზე ინფორმაციას შეინახავდა.
Bull’s eye- იყო პირველი შტრიხკოდი, რომელიც ვუდლენდმა და სილვერმა დააპატენტეს და 15.000 დოლარად მიყიდეს სოფთვეარ კომპანიას Philco -ს.
1970იან წლებში, ამერიკაში, მარკეტების აღმასრულებლები შეიკრიბნენ რომ მოეფიქრებინათ, როგორ გაემარტივებინათ მაღაზიებში პროდუქციის აღრიცხვისა და სალაროსთან გადახდის პროცესი. ჯერ მოიფიქრეს და შეიმუშავეს სტანდარტული 12 ნიშნა უნივერსალური კოდი, რომელიც მიებმეოდა ყველა პროდუქტს. 1970 წელს, ტექნლოგიურმა კომპანიამ Logicon Inc.(Northrop Grumman ჰქვია დღეს) შექმნა და დააპატენტა Universal Grocery Products Identification Code ( UGPIC) ანუ პროდუქციის უნიკალური კოდები (1973 წელს ეს დასახელება გადაიქცა UPC დ და დღესაც ამ კოდებით აღირიცხება შტატებში პროდუქცია).
მარკეტების შეფებმა დაიწყეს მოკვლევა, ვინ გააკეთებდა ისეთ ტექნოლოგიას, რომელიც უნივერსალურ კოდებს მიანიჭებდა პროდუქციას, წაიკითხავდა უშეცდომოდ და იქნებოდა ძალიან მცირე ზომის, არ გამოჩნდებოდა პროდუქტზე.
მიაკითხეს IBM ს, რომელსაც უკვე ჰქონდა 3 ტიპის შტრიხკოდი, მათ შორის ვუდლენდის Bull’s eye ნახევარწრის ფორმის Liton და ზებრა (ეს დიზაინიც შექმნა IBM ის ინჟინერმა ჯორჯ ლაურერმა).
მარკეტების დამფუძნებლებმა მოიფიქრეს, რომ შტრიხკოდების წამკითხველი სკანერის წარმოება მომგებიანი შეიძლებოდა ყოფილიყო, IBM ის შტრიხკოდების ნახვის შემდეგ, ისინი ვერ შეთანმხდნენ რომელი დიზაინი აეთვისებინათ, Bull’s eye- ს უკვე იყენებდა Kroger, ზოგს მოსწონდა Liton... ვერ თანხმდებოდნენ.
ბევრი დებატის შემდეგ, ზებრა გაჩნდა შტრიხკოდით ვაჭრობაში და 1973 წელს, უკვე სრული ტექნოლოგია აითვისეს მარკეტებმა და მინიმუმ 9000 დასახელების პროდუქციასაც აღრიცხავდნენ, ასე გამარტივდა ვაჭრობა.
ამჟამად, ძირითადად, ორი სახის შტრიხკოდი გამოიყენება: EAN/UCC და UPS ამათგან უფრო გავრცელებულია EAN/UCC.
EAN/UCC 3 ძირითად ჯგუფად იყოფა: EAN – 8, EAN – 13 და EAN - 14. 8, 13 და 14 შეესაბამება რიცხვების რაოდენობას, რომელიც კოდში გამოიყენება. EAN - 14 განკუთვნილია მხოლოდ მსხვილგაბარიტიანი სატრანსპორტო შესაფუთებისათვის. ამ ტიპის შტრიხკოდი მაღაზიებში არსებული სკანერებით არ იკითხება და იგი მომხმარებლისათვის გასაყიდად დაფასოებულ პროდუქციაზე არ დაიტანება.
EAN ასოციაციის წევრებისათვის შტრიხკოდის მოხმარების ყველა ეტაპზე, აუცილებელია შემდეგი მოთხოვნების შესრულება:
- შტრიხკოდის პირველი სამი ციფრი უნდა აღნიშნავდეს ნაციონალური ორგანიზაციის კოდს, რომელსაც EAN ასოციაცია თავის წევრებს ანიჭებს;
- საქონლის იდენტიფიკაცია უნდა შეესაბამებოდეს EAN – 8, EAN – 13-ის ფორმატს;
- საქონელში ნებისმიერი ცვლილება (გარდა ფასისა) შტრიხკოდში ცვლილების შეტანას უნდა იწვევდეს;
- ნაციონალურმა ორგანიზაციამ, რომელიც ქვეყნის შიგნით კოდირების წესს ადგენს, უნდა უზრუნველყოს, რომ ორ სხვადასხვა საქონელს ერთნაირი კოდი არ ჰქონდეს;
- კოდირების სისტემა უნდა ითვალისწინებდეს ახალ საქონელზე ძველი საქონლის კოდის მინიჭებას, ამ უკანასკნელის რეალიზაციიდან ამოღებიდან სამი წლის შემდეგ;
- საქონლის ცალსახა იდენტიფიცირება მწარმოებლისაგან დამოუკიდებლად.
IT Academy Stepლიდერი IT სფეროში, ახლა უკვე 100+ფილიალით!
+995 577 538 549 ქ.თელავი,ნადიკვრის#23
+995 (32) 215-55-51 ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
