წარმოიდგინეთ, რა დიდი ადამიანი უნდა იყოთ, რომ თქვენი სახელი და გვარი მთელ კაცობრიობას საუკუნეების შემდეგ მუდამ ახსოვდეს.
სამყაროს განვითარების კვალდაკვალ, მეცნიერება მუდამ სწავლობს ჩვენს გარშემო მიმდინარე მოვლენებს და ყოველთვის პოულობს რაღაც ახალს.
თუმცა, დღევანდელ სამყაროში აღიარებული უდიდესი სამეცნიერო მიღწევებიც კი შეიძლება ვერ გაუტოლდეს იმ მეცნიერთა აღმოჩენებს, რომელთაც თავის დროზე სამყაროს, დროისა და სივრცის აღქმა არსებითად შეცვალეს.
„ცოდნაზე მიშვნელოვანი წარმოსახვის უნარია. ცოდნა შეზღუდულია. წარმოსახვა კი უსაზღვრო.“
ეს სიტყვები ალბერტ აინშტაინს ეკუთვნის, რომელმაც საუკუნის წინ თეორიული და პრაქტიკული ცოდნის მიღმა გაიხედა და ფარდობითობის თეორია აღმოაჩინა.
მის მიერ აღმოჩენილ ფორმულას ,,E=mc2’’ რომელიც მასასა და ენერგიას შორის ურთიერთქმედებას გამოხატავს - მთელი მსოფლიო იცნობს.
1915 წელს გენიოსის მიერ წამოყენებული თეორიის მიხედვით, გრავიტაცია კოსმოსში მოქმედი შემზარავი ძალა კი არ არის, არამედ სივრცისა და დროის დედაარსია.
1919 წელს სამხრეთ ამერიკასა და აფრიკაში მომხდარმა მზის დაბნელებამ აინშტაინის თეორია დაამტკიცა და სამუდამოდ შეცვალა ჩვენი წარმოდგენა გრავიტაციის შესახებ.
აინშტაინის მოსაზრების თანახმად, მზის დაბნელებას უნდა დაებლოკა მისი სინათლე, რა დროსაც მეცნიერებს მზის სიახლოვეს გამავალი ვარსკვლავის სინათლის შესწავლა შეეძლებოდათ. მისი თეორია პროგნოზირებდა, რომ მზის გრავიტაციულ ველს მის უკან მოქცეული ვარსკვლავების სინათლე მნიშვნელოვნად უნდა გადაეადგილებინა იმ ადგილიდან, სადაც ისინი გრავიტაციის კლასიკური თეორიების შესაბამისად უნდა ყოფილიყო.
1919 წელს, ექსპედიციას ბრიტანელი ასტრონომი არტურ ედინგტონი, გაუძღვა, რომელიც დაბნელებას ორი ადგილიდან უნდა დაკვირვებოდა - ერთი ბრაზილიიდან და მეორე აფრიკის სანაპიროსთან მდებარე კუნძულ პრინსიპიდან.
ესქპერიმენტი დიდი მეცნიერის სასარგებლოდ ჩატარდა და ალბერტს მსოფლიო აღიარება, შემდგომ კი 1921 წელს ნობელის პრემია მოუტანა.
ალბერტი ბრიტანელ მეცნიერთან და ასტროლოგთან, არტურ ედინგტონთან ერთად
ბავშვი ალბერტ აინშტაინი
პატარა ალბერტი მშობლებმა კათოლიკურ დაწყებით სკოლაში მიაბარეს და დედამისის დაჟინებული მოთხოვნის შედეგად ვიოლინოს მუსიკალურ კლასებში სიარულს აძალებდნენ.
ალბერტი რთულად ითვისებდა სასკოლო საგნებს, შესაძლოა დისლექსიის ან საერთო სიმორცხვის გამო, თუმცა გავრცელებული მოსაზრება, რომ ის ცუდი მოსწავლე იყო მცდარია. არსებობდა მიმართულებები, რომელშიც ალბერტი შესანიშნავად ერკვეოდა და სკოლაში კარგ ნიშნებს იღებდა. მაგალითად ფიზიკა მათემატიკაში.
აინშტაინი ციურიხის უნივერსიტეტში
ახალგაზრდა სტუდენტისთვის კოლეჯში ჩაბარების პირველი ცდა უშედეგო აღმოჩნდა. ალბერტ აინშტაინს ჰუმანიტარული მეცნიერებების ათვისება უჭირდა, თუმცა განმეორებით ჯერზე გამოცდები წარმატებით ჩააბარა და დიპლომიც მიიღო.
სტუდენტობის შემდგომ წლებში, ალბერტ აინშტაინი ციურიხის უნივერსიტეტის პროფესორი გახდა. 1933 წელს, გერმანიაში ფაშისტური რეჟიმის გაბატონების შემდეგ, აინშტაინმა პროტესტის ნიშნად უარი განაცხადა პრუსიის აკადემიის წევრობაზე და აშშ-ში გადასახლდა. აქ იგი მიიწვიეს პრინსტონის ფუნდამენტურ გამოკვლევათა ინსტიტუტში, სადაც გარდაცვალებამდე მუშაობდა.
პროფესორის კარიერამდე, ალბერტ აინშტაინი პროფესორ იოსტ ვინტელერის ოჯახში ცხოვრობდა. ოჯახის ქალიშვილი მილევა კი მისი პირველი სიყვარული გახდა. აინშტაინს იმდენად პრაგმატული დამოკიდებულება ჰქონდა სიყვარულის მიმართ, რომ 11 წლიანი ბედნიერი ქორწინების შემდეგ, გამოაქვეყნა შემაშფოთებელი წესების სია, რომელთა დაცვის შემთხვევაშიც მისი აზრით ისინი ერთად ყოფნას შეძლებდნენ.
ალბერტ აინშტაინი პირველ მეუღლესთან, მილევა მარიჩთან ერთად
მართალია, აინშტაინის ნაშრომებიდან რომელიმე კონკრეტულ ნაწილს მეუღლეს ვერ აკუთვნებენ, თუმცა მეუღლეებს შორის ურთიერთობა საკმარის ინფორმაციას გვაძლევს, თუ როგორ თანამშრომლობდნენ ისინი გაცნობიდან (1896 წ) დაშორებამდე (1914 წ). ეს იყო წყვილი, რომელსაც აერთიანებდა ლტოლვა ფიზიკისადმი, მუსიკისა და ერთმანეთისადმი.
1899 წლის აგვისტოს ალბერტმა მილევას მიწერა: „ჰელმჰოლცის ნაშრომები პირველად რომ წავიკითხე, უცნაური შეგრძნება მქონდა, რომ ჩემ გვერდით არ იყავი და ამ მხრივ დღემდე არაფერი შეცვლილა. ერთად რომ ვშრომობთ, ძალიან კარგია, მარგებელი და უფრო ადვილიც.”
1899 წლის 2 ოქტომბერს კი მილანში ყოფნის დროს მეცნიერის მიერ გაკეთებულ ჩანაწერებში ვკითხულობთ: ,,აქაური კლიმატი საერთოდ არ შემეფერება, და მუშაობის მონატრებასთან ერთად შავბნელი აზრებით ვივსები –სხვა სიტყვებით რომ ვთქვა, მენატრება ის დრო, როცა გვერდით მყავდი და სულგრძელად მაკონტროლებდი, რომ გზიდან არ გადამეხვია.”
ალბერტ აინშტაინი და მისი მეორე მეუღლე ელზა კალიფორნიაში. 1933 წელი
ალბერტის მეორე მეუღლე ელზა აქტიურად იყო ჩართული ბიზნეს საქმიანობებში. ალბერტი ბევრს მოგზაურობდა, თუმცა ამის მიუხედავად მუდმივად წერდა წერილებს მეუღლეს. ინფორმაციის თანახმად, სწორედ ელზასთან ურთიერთობის დროს დაწერა თავისი ციტატების უდიდესი ნაწილი სიყვარულზე.
მაქს პლანკი, ცენტრში, უოლტერ ნერნსტინი, ალბერტ აინშტაინი, რობერტ ენდრიუს მილიკანი და მაქს ლაუესი. ნობელის პრემიის გამარჯვებული ფიზიკოსები ბერლინში, 1928 წელი.
უდიდესმა მეცნიერმა თავისი აღმოჩენებისა და ექსპერიმენტების წყალობით შეცვალა სამყაროს აღქმა. ალბერტ აინშტაინს დიდი წვლილი აქვს შეტანილი კვანტური მექანიკის, სტატისტიკური მექანიკისა და კოსმოლოგიის განვითარებაში.
ალბერტ აინშტაინი იყო იმ უდიდეს მეცნიერთაგან ერთ-ერთი, ვინც სამყარო თავისი ცხოვრების გზით უკეთესობისკენ შეცვალა.
შემოგვიერთდი სტეპში და დაეუფლე ახალ პროფესას ჩვენთან .
ისწავლე გრაფიკა და დიზაინი - დარეგისტრირდი დღესვე.
