ლეგენდამ ხიდან ვაშლის ჩამოვარდნაზე და ნიუტონის თავზე დაცემაზე - სამუდამოდ შეცვალა ჩვენი სამყარო. მას შემდეგ კი ისააკ ნიუტონი და ვაშლი ერთმანეთთან სამუდამოდ დაკავშირებული ცნებები გახდა.
ისააკ ნიუტონი ბაღში
გაუნათლებელი ფერმერების ოჯახში დაბადებული ისააკ ნიუტონი ერთ-ერთ უდიდეს მეცნიერად მიიჩნევა. ასტრონომია, ქიმია, მათემატიკა და ფიზიკია - იმ დარგების ჩამონათვალია, რომელთა განვითარებაში მისი როლი ფასდაუდებელია. თუმცა, მეცნიერების გარდა ის პოლიტიკითა და თეოლოგიითაც იყო გატაცებული. მან ბიბლიის კვლევის საფუძველზე მსოფლიოს დასასრულის ზუსტი თარიღი ( 2060 წელი) იწინასწარმეტყველა.
ისააკ ნიუტონი 1643 წლის 4 იანვარს ინგლისში, ფერმერების ოჯახში დაიბადა. ნაადრევად დაბადებულს გადარჩენის ძალიან მცირე შანსი ჰქონდა.
ისააკ ნიუტონის ბავშვობის სახლი
მამა მის დაბადებამდე გარდაიცვალა. ხოლო, როდესაც 3 წლის გახდა, დედა ხელმეორედ დაქორწინდა. ცნობილია, რომ მომავალ მეცნიერს მამინაცვალი არ უყვარდა. მეტიც, მას სახლის დაწვითაც კი დაემუქრა.
ისტორიკოსები ვარაუდობენ, რომ სწორედ ოჯახისგან უარყოფა იყო ერთ-ერთი მთავარი მიზეზი, თუ რატომ გახდა ნიუტონისთვის სწავლა ასეთი მნიშვნელოვანი. მას განსაკუთრებით იტაცებდა მათემატიკა. მეტიც, სწორედ სკოლის პერიოდში შექმნა მზის საათი, რომელიც დროს ზუსტად უჩვენებდა. ოჯახის წევრებმა სწორედ მაშინ გაანალიზეს რომ პატარა ბიჭი ინტელექტუალური ცხოვრებისთვის იყო დაბადებული.
1661 წელს ნიუტონმა კემბრიჯში ჩააბარა. სწორედ აქედან იწყება მისი მეცნიერული საქმიანობა.
ისააკ ნიუტონის ტელესკოპი
ნიუტონის პირველი საჯარო აღიარება მის ტელესკოპს მოჰყვა. სინათლის თეორიებზე დაყდრნობით, მეცნიერმა ძველი დიდი და მოუხერხებელი ტელესკოპის გაუმჯობესება შეძლო. ახალი ტექნოლოგია 10-ჯერ უფრო პატარა ზომის იყო, ხოლო ლინზის ნაცვლად სარკის გამოყენებით ბევრად გაიზარდა ტელესკოპის სიძლიერე.
იმ დროისთვის გავრცელებული იყო შეხედულება, რომ თითქოს ფერები სინათლისა და სიბნელის შერწყმით მიიღებოდა. ისააკ ნიუტონმა კი ეს თეორია სრულიად უარყო. მან ჩაატარა ექსპერიმენტი, რომლის შემდეგ დაასკვნა, რომ თეთრი სინათლე ცისარტყელას სპექტრის ყველა ფერის ნარევია, მათი დანახვა კი მხოლოდ სინათლის სხივის სხვადასხვა კუთხით გარდატეხვისას შეიძლება.
ისააკ ნიუტონი 1727 წლის 20 მარტს, 84 წლის ასაკში გარდაიცვალა. სწორედ მან ჩაუყარა საფუძველი ახალ სამეცნიერო ერას. მისი აღმოჩენები თანამედროვე ფიზიკისა და ინჟინერიის საფუძველი გახდა. თუმცა, მას მაინც ღრმად სწამდა, რომ დედამიწაზე ღვთის სიტყვის, „ბიბლიის“ გაშიფრისთვის იყო მოვლენილი.
სჯეროდა, რომ თეოლოგია და მათემატიკა ორივე ერთ მიზანს ემსახურებოდა - სამყაროს საიდუმლოს ამოცნობას.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
