ტექნოლოგიის გავლენა ბავშვებზე პანდემიის პერიოდში

არაკომერციული ორგანიზაცია Common Sense Media-ს პანდემიამდე ჩატარებული გამოკითხვის თანახმად, ამერიკელი ბავშვები, 8-დან 12 წლამდე, საშუალოდ დღეში ხუთ საათს ატარებდნენ სხვადასხვა ეკრანთან; 8 წლამდე ბავშვები 3 საათს, ხოლო თინეიჯერები დღეში შვიდ საათზე მეტს ატარებდნენ ეკრანის ყურებაში. ეს არ გულისხმობს ეკრანებთან სასკოლო სამუშაოსთვის გატარებულ საათებს.  

• ამერიკელი ბავშვების ნახევარზე მეტი (53%) ფლობს სმარტფონს სანამ შეუსრულდებათ 10 წელი და 90% ფლობს მას, სანამ შეუსრულდებათ 12 წელი.  

• 8 წლამდე ბავშვები დღეში 2 საათს ატარებენ ონლაინ ვიდეოების ყურებაში (YouTube, TikTok და მსგავსი), ეს მაჩვენეებლი გაორმაგდა ბოლო 2 წლის განმავლობაში.

მონაცემები წინ უსწრებს COVID-19-ს და მის მიერ გამოწვეულ გლობალურ ჩაკეტვებს, რომელმაც 2020 წლის აპრილიდან 1,6 მილიარდი ბავშვი სახლში დასვა. სახლში დარჩენილმა ბავშვებმა უამრავი დრო გაატარეს ტელევიზორებთან, სმარტფონებთან, პლანშეტებთან. პანდემიის პირველ დღეებში ბავშვების მოწყობილობებზე ონლაინ აქტივობა გასამმაგდა

მიუხედავად იმისა, რომ ტექნოლოგიის გავრცელება ქმნის განათლებისა და სოციალური კავშირის შესანიშნავ შესაძლებლობებს, მისი გადაჭარბებული დოზით მოხმარება საზიანოა ბავშვის ფიზიკურ და ფსიქიკურ ჯანმრთელობისა და განვითარებისთვის — საკითხი, რომლებიც COVID-19-მა გაამძაფრა საჭიროებს დაფიქრებას, ინფორმაციის მიღებამ შეიძლება მშობლებს მისცეს საშუალება შეიმუშაონ სტრატეგია ტექნოლოგიების ჭარბი მოხმარებიგან წარმოქმნილი უარყოფითი ზემოქმედების გასანეიტრალებლად.

როგორ იყენებენ ბავშვები ტექნოლოგიებს კარანტინის პერიოდში

პანდემიით გამოწვეულმა უმოძრაობამ ოჯახები მიიყვანა ახალ რეალობასთან ადაპტირების აუცილებლობასთან - საძინებლები და მისაღები ოთახები ოფისებად გადაიქცა, ბავშვები კი სრულად ონლაინ სწავლაზე და ციფრულ ცხოვრებაზე გადავიდნენ. იმავდროულად, ბევრმა მშობელმა დაივიწყა გაჯეტების გამოყენებაზე დაწესებული ყოველგვარი დროის ლიმიტი,  რათა მათ შვილებს სახლის პირობებში შეძლებოდათ გართობა, ჩართულობა, მეგობრებთან ურთიერთობის შენარჩუნება - პანდემიის დროს ტექნოლოგიის ხელმისაწვდომობამ როგორც დადებითი, ასევე უარყოფითი შედეგები მოიტანა.

ტექნოლოგიის დადებითი ზემოქმედება

მოწყობილობების მთავარი უპირატესობა ისაა, რომ მათ შეუძლიათ ბავშვებს მისცენ შესაძლებლობა სახლიდან გაუსვლელად გააგრძელონ სწავლა და შეინარჩუნონ ურთიერთობა თანაკლასელებთან და ოჯახთან.

• დისტანციური სწავლება. კომპიუტერებმა, პლანშეტებმა და სმარტფონებმა საშუალება მისცეს სტუდენტებს იყვნენ კავშირში კლასთან, თუმცა ვირტუალურად. სტუდენტებმა დააფასეს დისტანციური სწავლების ნაკლებად სტრუქტურირებული ხასიათი და მუშაობის უნარი საკუთარი ტემპით და საკუთარი პირობებით. დისტანციურმა სწავლებამ ასევე ახალგაზრდებს შეუქმა უნიკალური შესაძლებლობა, ისწავლონ მსოფლიოს ნებისმიერ წერტილში და გაიარონ მათთვის საინტერესო კურსი, რომელსაც მოისურვებენ, ხელმისაწვდომ ფასად.
• ურთიერთობების შენარჩუნება. სოციალური დისტანცირების პერიოდში, მოწყობილობები და ტექნოლოგიის სხვა ფორმები ადამიანებისთვის, განსაკუთრებით ბავშვებისთვის, სოციალური მაშველი იყო. ახალგაზრდები მიეჯაჭვნენ ეკრანებს, რათა უსაფრთხო კომუნიკაცია ჰქონოდათ ბებია-ბაბუებთან და ოჯახის სხვა წევრებთან, ესაუბრათ მეგობრებთან ონლაინ ვიდეო თამაშების პარალელურად. კვლევებმა აჩვენა, რომ სოციალური მედიის და შეტყობინებების გაგზავნის პლატფორმების გამოყენება საყვარელ ადამიანებთან ურთიერთობის შესანარჩუნებლად აუმჯობესებს ფსიქიკურ და ემოციურ ჯანმრთელობას, განსაკუთრებით კრიზისის დროს.

ტექნოლოგიის უარყოფითი ზემოქმედება

მოწყობილობების მინუსი არის რეალობა, რომ ბავშვებმა შეიძლება გამოიყენონ ისინი მხოლოდ სათამაშოდ და ეკრანთან გატარებულმა საათებმა შეიძლება ჩაანაცვლოს სწავლისთვის განკუთვნილი დრო.

• ეკრანთან ზედმეტი დროის გატარება. პანდემიამდეც ტექნოლოგიებს უკვე ეკავათ ახალგაზრდების ცხოვრების მნიშვნელოვანი ნაწილი — და კიდევ უფრო მეტად მის დროს. Qustodio იუწყება, რომ ბავშვები პანდემიის ადრეულ დღეებში საშუალოდ 97 წუთს ატარებდნენ YouTube-ზე, ორჯერ მეტს ვიდრე 2019 წელს. ეკრანთან გატარებული ძალიან ბევრი დრო იწვევს რამდენიმე პოტენციურ უარყოფით შედეგს, მათ შორის მხედველობის დაქვეითებას, უძილობას, შფოთვას და დამოკიდებულებას თავად მოწყობილობაზე.
• ოჯახისთვის თავის არიდება. ზოგიერთ შემთხვევაში, რაც უფრო მეტ დროს ატარებდნენ ბავშვები თავიანთ ეკრანებთან, მით უფრო ნაკლებ დროს ატარებდნენ ოჯახთან ერთად. მიუხედავად იმისა, რომ კარგი გზაა სხვებთან დასაკავშირებლად, მოწყობილობები შეიძლება იყოს ცუდი შემცვლელი პირად ურთიერთობებში, რაც ბავშვებს — განსაკუთრებით მცირეწლოვან ბავშვებს — ეხმარება მნიშვნელოვანი სოციალური უნარების განვითარებაში. ამის საპასუხოდ, ბევრი მშობელი ცდილობს შეზღუდვები დაუწესოს შვილებს ტექნიკის გამოყენებისას.  

არ დაკარგოთ დრო, გამოიყენეთ ის უკეთესი მომავლის შესაქმნელად

→ დარეგისტრირდი ახლავე!

უარყოფითი გავლენა ბავშვების ფიზიკურ ჯანმრთელობაზე პანდემიის დროს  

მრავალრიცხოვანმა კვლევებმა აჩვენა, რომ ზოგადად, დღეს ბავშვები გაცილებით მეტ დროს ატარებენ ეკრანის წინ, ვიდრე სახლის გარეთ თამაშში. უამრავი მტკიცებულება აჩვენებს, რომ ისეთი საკითხები, როგორიცაა ჭარბი წონა, უძილობა და მხედველობის პრობლემები არის ზოგიერთი ის უარყოფითი გავლენა, რასაც ტექნოლოგია ახდენს ბავშვების ჯანმრთელობაზე.

მაშინ, როდესაც ყველა ასაკობრივი ჯგუფის ბავშვები დღეში რამოდენიმე საათს ატარებენ ეკრანის წინ, ზოგიერთი შეფასების თანახმად, ისინი მხოლოდ ოთხ წუთამდე დროს უთმობენ ფიზიკურ აქტივობებს. COVID-19-მა გაამძაფრა ეს პრობლემა, დაიხურა სკოლები და მრავალი სპორტული კლუბი და წრე დროებით შეჩერდა ან გაუქმდა, რაც ზღუდავს ბავშვების შესაძლებლობებს როგორც სოციალური კავშირისთვის, ასევე ვარჯიშისთვის. კვლევამ აჩვენა, რომ ბავშვები, რომლებიც კვირაში ორ ან მეტ საათს ატარებენ სპორტში ან სხვა ორგანიზებულ ფიზიკურ აქტივობას ეწევიან, ასევე ნაკლებად განიცდიან ფსიქიკური ჯანმრთელობის პრობლემებს.

იმ სტანდარტული დროის გარდა, რომელსაც ახალგაზრდები უთმობენ ეკრანებთან სწავლას, ხშირად ასევე უამრავი დრო გადის თამაშში, რაც იწვევს მხედველობის მრავლობით პრობლემებს. თვალები შეიძლება დაიღალოს, დაიძაბოს, გამოშრეს და გააღიზიანდეს. 

უარყოფითი გავლენა ბავშვების ფსიქიკურ ჯანმრთელობაზე

ტექნოლოგიის ფიზიკურ ჯანმრთელობაზე ზემოქმედების გარდა, არსებობს უამრავი კვლევა ბავშვთა ფსიქიკურ ჯანმრთელობაზე ტექნოლოგიის პოტენციურად ნეგატიური ეფექტების შესახებ. ტექნოლოგიის გადაჭარბებული გამოყენება ასოცირდება უძილობასთან, შფოთვასთან, დეპრესიასთან და სხვა პრობლემებთან. ამ ტიპის კვლევები მეტად აქტუალური გახდა COVID-19 პანდემიის დროს.
 

ასევე ნათელია კავშირი სოციალური მედიის გამოყენებასა, შფოთვისა და დეპრესიის მომატებულ შეგრძნებებს შორის, განსაკუთრებით ბავშვებში, დარგის ექსპერტების დაკვირვებით, რაც უფრო ნაკლებ დროს ატარებენ მოზარდები სოციალურ მედიაში, მით უფრო ნაკლებად განიცდიან დეპრესიას და მარტოობას.

უარყოფითი ფაქტორების მიუხედავად, მშობლებს უნდა გვახსოვდეს, რომ ტექნოლოგია საშუალებას აძლევს მოზარდს შეინარჩუნოს კონტაქტი მეგობრებთან და საზოგადოებასთან. ასევე, ციფრული სასწავლო ინსტრუმენტების შთამბეჭდავი ასორტიმენტი საშუალებას აძლევს მოზარდებს სახლში არამხოლოდ განაგრძონ სწავლა, არამედ მიიღონ საუკეთესო განათლება!

ახალგაზრდებს ტექნოლოგიების დამსახურებით შეუძლიათ:

• სოციალიზაცია და ურთიერთობების დამყარება - ციფრული ინსტრუმენტები საშუალებას აძლევს მოზარდებს შეინარჩუნონ ურთიერთობა სკოლის მეგობრებთან ონლაინ ვიდეო ზარების, ჯგუფური შეტყობინებების ან სახალისო TikToks-ების გაგზავნის გზით, რომელთაგან ბევრი პოპულარული გახდა ბოლო რამდენიმე თვის განმავლობაში.
• უწყვეტი განათლება და ციფრული სწავლების ინსტრუმენტები - მარტივი რეალობა ისაა, რომ დღევანდელი ბავშვები სწავლობენ იმ მეთოდებით, რომლებსაც ჩვენ ვერც კი წარმოვიდგენდით, როდესაც ვიზრდებოდით. დღევანდელი მოზარდები იყენებენ Duolingo აპლიკაციას ენების შესასწავლად, Audible აპლიკაციას წიგნების მოსასმენად და Evernote აპლიკაციას კლასებში ჩანაწერების გასაკეთებლად. მართლაც, სმარტფონების აპლიკაციებით, სოციალური ქსელებითა და ინტერაქტიული ვებსაიტებით, 2-3 თვეში ერკვევიან და ითვისებენ ისეთ თანამედროვე პროფესიებს, როგორიც არის: IT მხარდაჭერა, ბრენდ დიზაინი, Front-end ვებ-პროგრამირება, 3D გრაფიკა, BACK-END | ვებ-პროგრამირება და სხვა... ახალი გამოწვევები და ყველაფრის ინტერნეტში მოგვარება მოზარდებისთვის ნორმატიულია. შედეგად, თინეიჯერები სწრაფად ეგუებიან ციფრულ ევოლუციას და კომპიუტერული სწავლების სხვადასხვა ინსტრუმენტს, რითაც ჯეროვნად ზრდიან საგანმანათლებლო შესაძლებლობებს.
• ინტერაქტიული კრეატიულობა და ციფრული გამოხატვა - იული ვებ-საიტები მოზარდებს სთავაზობენ თავიანთი მხატვრული მისწრაფებების ფართოდ და ღრმად გაზიარების შესაძლებლობას. მაგალითად, მოზარდებს შეუძლიათ შექმნან მუსიკალური წარმოდგენა YouTube-ზე, შექმნან განწყობითი კედელი Pinterest-ზე, დაარედაქტირონ ფოტოები VSCO აპლიკაციაში, ან ისწავლონ ახალი TikTok ცეკვა და განათავსონ თავიანთ ანგარიშზე. ვიდეოს და ხმის გამოყენებით, მოზარდებს შეუძლიათ წვდომა მიიღონ სხვადასხვა ტიპის ციფრულ ინსტრუმენტებზე, რაც მათ ეხმარება თავის შემოქმედებითად გამოხატვაში და მათი ქმნილებების მარტივად გაზიარებაში. ის ასევე იძლევა წახალისებისა და შემოქმედებითი უკუკავშირის შესაძლებლობას.

ტექნოლოგიის გავლენა ბავშვებზე პანდემიის პერიოდში აისახა პრობლემის გადაჭრის ძვირფასი უნარის გამომუშავებაზეც, იმის სწავლით, თუ როგორ გამოიყენოს სხვადასხვა მოწყობილობები და აპლიკაციები, როგორ აყვეს ამა თუ იმ ტრენდს, მოზარდი დგას ახალი ინოვაციების გამოწვევის წინაშე, ტექნოლოგიის სწრაფი წინსვლის გათვალისწინებით. ამგვარი პრობლემის გადაჭრა შეიძლება მოიცავდეს იმის გარკვევას, თუ როგორ უნდა დაუკავშირო ახალი PlayStation ტელევიზორს ან გადაიტანო მონაცემები ერთი ტელეფონიდან მეორეზე. ან თუნდაც Google Maps-ის გამოყენებით სხვა ქალაქში ნავიგაცია. ინოვაციური აპლიკაციების და ტექნოლოგიური წინსვლის განვითარებასთან ერთად, მოზარდი იყენებს პრობლემის გადაჭრის საფუძვლებს ყოველ ახალ დაბრკოლებაზე, რომელიც მოგვიანებით რეალიზდება "რეალურ სამყაროში". მაგალითად, როდესაც ადამიანი მუშაობს ოფისში, ტექნოლოგიური ვირტუოზულობა არის ღირებული გამოცდილება.

ამ რთულ პერიოდში, მოზარდებს სჭირდებათ ტექნოლოგიები, ციფრული სასწავლო ინსტრუმენტები ხელს უწყობს მათ განვითარებაში, აქციეთ სმარტფონი და კომპიუტერი განვითარების წყაროთ, ჩართეთ თქვენი შვილი სხვადასხვა პროფესიის შემსწავლელ კურსებზე, რომ გაიჩინოს ახალი მეგობრები და განივითაროს ახალი, დროსთან შესაფერისი უნარები, შექმნას თამაშები, გააცოცხლოთ რობოტები და საფუძვლიანად შეისწავლოს ყველაფერი, რაც ელექტრონულია. ჩვენს აკადემიაშიც არის სპეციალურად მოზარდებისთვის შემუშავებული პროგრამები, რომლის მეშვეობით ბავშვები შეძლებენ გადაეშვან პროგრამირების სამყაროში

დაეუფლე მომავლის პროფესიებს - მოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge