არსებობენ ქალები, რომელთაც ჰოლივუდი შეცვალეს და არსებობენ ქალები, რომლებიც ჰოლივუდამდეც მონაწილეობდნენ ფილმებში ან როგორც მინიმუმ მცდელობა ჰქონდათ კინო სამყაროში თავის დამკვიდრების.
კინომდე იყო თეატრი, ქალთა პირველი ნაბიჯებიც აქედან იწყება. პირველი ქალი მსახიობის წოდება მარგარეტ ჰიუზს ეკუთვნის. მარგარეტი იყო ინგლისელი მსახიობი, რომელიც ხშირად მოიხსენიება როგორც პირველი პროფესიონალი მსახიობი სცენაზე, რომლის პერფორმანსიც 1660 წლის 8 დეკემბერს შედგა.
მარგარეტ ჰიუზი
მისი სახელის გვერდით უნდა ვახსენოთ ენ მარშალი - ერთ-ერთი პირველი პროფესიონალი მსახიობი სცენაზე, რომელიც დეზდემონას როლს ასრულებდა ოტელოში.
ენი მარშალი
1670 წელს - აფრა ბენმა, ერთ-ერთმა ადრეულმა დრამატურგმა ქალმა, მოამზადა თავისი პირველი პიესა, სახელწოდებით იძულებითი ქორწინება. ბენის კომედიები, განსაკუთრებით The Rover, დღესაც იწარმოება და ხორციელდება რეჟისორების მიერ.
აფრა ბენი
ისტორიის კვალდაკვალ იმართებოდა წარმოდგენები, სანხაობრივი გამოსვლები, თუმცა რადიკალური ცვლილებები მსოფლიო კინო ინდუსტრიაში ჰოლივუდმა შეიტანა.
ჰოლივუდის ზღაპარი 1911 წლიდან დაიწყო, როდესაც ისტორიაში ერთ-ერთი ყველაზე მნიშვნელოვანი მომენტი დადგა და ნესტორ ქომფანიმ ჰოლივუდში პირველი კინოსტუდია გახსნა. ამავე წელს სესილ დემილმა ჰოლივუდის პირველი სრულმეტრაჟიანი მხატვრული ფილმი გადაიღო. სულ მალე გრიფიტმა, მაკ სენეტმა და სხვებმა ედენდეილშიც გახსნეს კინოსტუდიები, ახლანდელ გლენდეილ ავენიუზე ექო პარკში. ამ პერიოდში დაიწყო ჰოლივუდის სრული გარდასახვა.
ჰოლივუდის სასოფლო სამეურნეო ცენტრი ბიზნეს ცენტრად იქცა. კინოსტუდიების რიცხვი სულ უფრო და უფრო იზრდებოდა ჰოლივუდში და სწორედ ეს გახდა იმის საფუძველი, რომ ბევრმა კინოვარსკვლავმა დაიწყო ჰოლივუდში ბევერლი ჰილზე მოღვაწეობა. მათ შორის იყო ბევრი ქალიც.
კინოს პიონერი ქალები
1920-იანი წლებიდან კინო ინდუსტრიაში გაჩნდნენ კინოს პიონერი ქალები. ერთ-ერთი მათგანია იზაბელ აკუნა. მისი პირველი ნაბიჯები კინოში მომავალი მეუღლის, ხოსე ნეპომუჩენოს ფილიპინელი კინოს პიონერის გაცნობის შემდეგ გადაიდგა. ამ დროს, 16 წლის იზაბელი იღებდა თავის მესამე ფილმს Un Capello Marchito / The Wited Rosebud . იზაბელის ფილმში საკუთარი და მონაწილეობდა. ორი წლის შემდეგ მათ გადაიღეს ყველაზე ადრეული ცნობილი მხატვრული ფილმი Dalagang Bukid. ფილმი დღემდე პირველ სრულმეტრაჟიან მხატვრულ ფილმად ითვლება
იზაბელ აკუნა მეუღლესთან ერთად
ქალი კინო ინდუსტრიიდან რომელსაც უნდა იცნობდეთ
ელის ბლანჩი იმ მრავალ ქალთაგან ერთ ერთია, რომელთაც კინოს ისტორიაში დიდი წვლილი შეიტანეს. ელისი იყო ერთ-ერთი პირველი ფრანგი კინორეჟისორი, რომელმაც გადაიღო ნარატიული მხატვრული ფილმი. ასევე პირველი ქალი, ვინც ფილმის რეჟისორი გახდა და სრულად აიღო პასუხისმგებლობა ფილმზე.
1896 წლიდან 1906 წლამდე ელისი მსოფლიოში ერთადერთ ქალ კინორეჟისორად ითვლებოდა.
სწორედ ელისმა გადაიღო ფილმი A Fool and His Money, რომელშიც მხოლოდ აფრო-ამერიკელი მსახიობები მოანწილეობდნენ.
ფილმი დაცულია ამერიკის კინოს ინსტიტუტის კინოსა და ვიდეო კონსერვაციის ეროვნულ ცენტრში მისი ისტორიული მნიშვნელობის გამო.
კინოინდუსტრია ცვალებადი და მუდმივად ახალი სახეებით სავსეა, თუმცა სადამდეც არ უნდა განვითარდეს ეპოქა, მუდამ უნდა გვახსოვდეს საიდან და ვისი სახელით იწყება ქალების გამოჩენა კინოში.
