მეცნიერების ტრიუმფი - ზარი, რომელმაც შეცვალა ისტორია

28.07.2021

ესდღეისტორიაში

როდესაც ადამიანმა ელექტროენერგია აღმოაჩინა, სამყარო უკეთესობისკენ კიდევ ერთხელ შეიცვალა.

დღევანდელი გადმოსახედიდან, კაცობრიობას აღარ უკვირს რობოტების, ჭკვიანი მოწყობილობების (IOT), სმარტფონებისა და სხვა მაღალტექნოლოგიური მოწყობილობების არსებობა იმიტომ, რომ დღეს 21-ე საუკუნეა, ,,ტექნოლოგიების ბუმი’’ და რას უნდა დაუთმოს დრო ადამიანმა, თუ არა ინოვაციას?

ჩვენ ფეხს ვუწყობთ ტექნოლოგიებს, თუმცა არ უნდა დაგვავიწყდეს, რომ მრავალი წლის წინ, ის რაც დღეს ჩვეულებრივ ამბად გვეჩვენება, იმ დროინდელი საზოგადოებისთვის აღმოჩენა იყო.

კაცობრიობის განვითარების ერაში, ერთ-ერთი მნიშვნელოვანი ტექნოლოგიური მიღწევა, რომელიც ადამიანმა განახორციელა პირველი სატელეფონო ზარი იყო, ზარი, რომელმაც შეცვალა ისტორია.

პირველი ოფიციალური ტრანსკონტინენტური სატელეფონო ზარი 1915 წლის 25 იანვარს, ნიუ – იორკიდან სან – ფრანცისკოში, ამერიკულმა უმსხვილესმა სატელეკომუნიკაციო კომპანიამ AT&T -მ განახორციელა.

სატელეფონო ზარის დროს ტელეფონის გამომგონებელი, ალექსანდრე გრეჰემ ბელი ნიუ-იორკიდან თავის ასისტენტს, თომას უათსონს, სან ფრანცისკოში, 3 400 მილის მანძილზე დაუკავშირდა.

ალექსანდრე ბელი ახორციელებს პირველ ტრანსკონტინენტურ ზარს. 1915 წ. 25 იანვარი. ნიუ-იორკი.

ალექსანდრე ბელისა და თომას უათსონის სატელეფონო დიალოგი. 1915 წელი:

From New York:
-"Ahoy! Ahoy! Mr. Watson, are you there? Do you hear me?"

From San Francisco:
- "Yes, Mr. Bell, I hear you perfectly. Do you hear me well?"

From New York:
- "We are talking over 3,400 miles as easily and clearly as we talked over two miles 38 years ago."

გამოიწერე IT სიახლეები სტეპისგან

ფოტოზე მარცხნიდან მარჯვნივ: ჯონ კარტი AT&T-ს მთავარი ინჟინერი, ჯორჯ მაკნეინი, ალდერმენების საბჭოს პრეზიდენტი, ბეთელი AT&T-ს ვიცე პრეზიდენტი, ალექსანდრე გრეჰემ ბელი (ცენტრში), ჯონ მიჩელი ნიუ იორკის მერი, იოსტი ნებრასკას სატელეფონო კომპანიის პრეზიდენტი და უილიამ პრინდერგასტი.

თავდაპირველად, ალექსანდრე გრეჰემ ბელსა და თომა უათსონს შორის პირველი სატელეფონო საუბარი 1876 წლის 9 ოქტომბერს, კემბრიჯსა და ბოსტონის შორის არსებული დამაკავშირებელი სატელეფონო ხაზის საშუალებით შედგა.

1892 წელს, სატელეკომუნიკაციო კომპანიამ AT&T-მ გაიყვანა სატელეფონო ხაზები ნიუ-იორკსა და ჩიკაგოს შორის.

გაყვანილი ხაზები წარმატებით ფუნქციონირებდა. შესაბამისად, 1899 წელს სატელეფონო ხაზებით უფრო დიდ მანძილზე სიგნალების გადაცემა შესაძლებელი გახდა, ამიტომ 1911 წელს, კომპანიამ გადაწყვიტა სატელეფონო ხაზები ნიუ-იორკსა და დენვერს შორისაც გაეყვანა.

1914 წლის 17 ივნისს, AT&T-ს მუშაკები ამაგრებენ სატელეკომუნიკაციო ხაზების ბოლო ბოძს. იუტას შტატი, აშშ.

იმისათვის, რომ შორეულ მანძილზე სატელეფონო ხაზებს კარგად ემუშავა და სიგნალები წარმატებით გადაცემულიყო, AT&T-მ ამერიკელი გამომგონებელი და ინჟინერი, ლი დე ფორესტი მოიწვია. ფორესტმა სიგნალების უკეთ მუშაობისთვის მისი საუკეთესო გამოგონება, სამ ელემენტიანი ვაკუუმის მილი გამოიყენა, რომელიც ცნობილია როგორც ,,Audion’’.

ლი დე ფორესტს ხელში უჭირავს თავისი საუკეთესო გამოგონება - სამ ელემენტიანი ვაკუუმის მილი

მოგვიანებით, AT&T-მ ლი დე ფორესტის სამ ელემენტიანი ვაკუუმის მილი სატელეფონო ხაზებისთვის უფრო დახვეწა და სიგნალებიც უკეთესად გადაიცემოდა.

AT&T-ს მიერ გადაკეთებული სამ ელემენტიანი ვაკუუმის მილი

აღსანიშნავია, რომ 1876 და 1877 წლებში თომას უათსონი წლების განმავლობაში ეხმარებოდა ალექსანდრე გრეჰემ ბელს ტელეფონის გამართვასა და ფუნქციონირების აწყობაში.

ტელეფონი, რომლითაც 1915 წელს ალექსანდრე გრეჰემ ბელმა და თომას უათსონმა 3400 მილის მანძილზე ისაუბრეს.

ხაზის წარმატებით დასრულება AT&T-სთვის დიდი საინჟინრო მოვლენა იყო. პირველი ტრანსკონტინენტური სატელეფონო ზარის მონაკვეთი დენვერიდან სან ფრანცისკომდე განსაკუთრებულად რთული იყო, რადგან ხაზებმა გადაკვეთა კლდოვანი მთები და ნევადას უდაბნოს უკიდეგანო, განუვითარებელი მონაკვეთი.