კარიერის ცვლილებას გეგმავთ, თუმცა არ იცით, რომელი სამსახური იქნება თქვენთვის საუკეთესო? სტეპის ბლოგში გაგაცნობთ იმ კარიერის ტიპებს, რომლებსაც IT ინდუსტრიაში შეხვდებით
IT-ის (ინფორმაციული ტექნოლოგიები) პროფესიონალები პასუხისმგებლები არიან ორგანიზაციის ციფრული ინფრასტრუქტურის გამართულად მუშაობაზე. და, რაც უფრო სწრაფად ვითარდება ტექნოლოგია, მით უფრო იზრდება მოთხოვნა IT პროფესიონალებზე.
IT ინდუსტრია მრავალფეროვანია და აქ ბევრ პროფესიას შეხვდებით:
1. IT ტექნიკოსი
IT ტექნიკოსები მხარდაჭერის სპეციალისტებთან ერთად კომპიუტერული პრობლემების გამოსწორებას ცდილობენ. ისინი ახდენენ მონაცემთა დამუშავების პროცესის მონიტორინგს, პასუხისმგებლები არიან პროგრამული უზრუნველყოფის სისტემების ჩაწერასა და კომპიუტერული მოწყობილობების დატესტვაზე. მათ მოვალეობაში ასევე შედის კომპანიის თანამშრომლებსა და კლიენტებისთვის ახალი კომპიუტერული პროგრამების გამოყენებისთვის საჭირო ინფორმაციის მიწოდება.
2. IT მხარდაჭერის სპეციალისტი
IT მხარდაჭერის სპეციალისტის მოვალეობა კომპიუტერული ქსელებისა და სისტემების გამართვაა.ისინი ორგანიზაციებს, კომპანიის თანამშრომლებს ან მომხმარებლებს ტექნიკური პრობლემების აღმოფხვრაში ეხმარებიან.
3. QA ტესტერი
QA ტესტერი, იგივე ხარისხის უზრუნველყოფის ინჟინერია, რომელიც ამოწმებს, თუ რამდენად შეესაბამება ინდუსტრიის სტანდარტებს ციფრული და კომპიუტერული პროგრამები. ამ პროფესიის წარმომადგენლები განსაკუთრებით ხშირად მუშაობენ გეიმინგ სისტემებზე, მობილურ აპლიკაციებსა და სხვა ისეთ ტექნოლოგიებზე, რომლებსაც მუდმივი ტესტირება სჭირდებათ.
4. ვებ დეველოპერი
ვებ დეველოპერი არის ადამიანი, რომელიც იღებს დიზაინერების მიერ შექმნილ ვებ დიზაინს და აქცევს მას საიტად. არსებობს 3 ტიპის ვებ დეველოპერი:
- ფრონტ-ენდ დეველოპერები - პასუხისმგებელნი არიან ვებ-საიტის იმ მხარეზე, რომელსაც ხალხი ხედავს და ინტერაქციას ახდენს,
- ბექ-ენდ დეველოპერები - პასუხისმგებელნი არიან კოდებზე, რომელიც აკონტროლებს როგორ იტვირთება საიტი და როგორ მუშაობს,
- ფულ-სტაკ დეველოპერები - ნაწილობრივ ყველაფერზე არიან პასუხისმგებელნი.
თითოეულ მიმართულებას თავისი სპეციფიკური ტექნიკური ცოდნა სჭირდება.
5. IT უსაფრთხოების სპეციალისტი
IT უსაფრთხოების სპეციალისტები მუშაობენ ორგანიზაციების ინტელექტუალური საკუთრებისა და მონაცემების უსაფრთხოებაზე. ასევე ქმნიან თავდაცვის სტრატეგიებს იმ შემთხვევისთვის, თუ ორგანიზაციის სერვერზე კიბერ თავდასხმა განხორციელდა. ამ პროფესიის წარმომადგენლებს ყველა ინდუსტრიაში შეუძლიათ მუშაობა. ისინი
6. კომპიუტერული პროგრამისტი
კომპიუტერული პროგრამისტები ქმნიან ახალ კომპიუტერულ პროგრამებს სხვადასხვა პროგრამირების ენების გამოყენებით. ისინი ძირითადად იყენებენ Java, Phyton და C++ ენებს, რათა შექმნან აპლიკაციები, რომლებსაც სპეციფიკური დავალების შესრულება შეუძლიათ.
7. პროგრამული უზრუნველყოფის ინჟინერი
პროგრამული უზრუნველყოფის ინჟინრები ქმნიან ახალ software-ებს. ისინი მუშაობენ აპლიკაციებზე, საოპერაციო სისტემებსა და კონტროლის სისტემებზე, რომელთა საშუალებითაც ორგანიზაციებს შეუძლიათ შეაფასონ კომპანიის IT ინფრასტრუქტურა.
8. UX დიზაინერი
UX დიზაინერი არის ადამიანი, რომელიც ზრუნავს მომხმარებლის გამოცდილებაზე ციფრული პროდუქტის მოხმარებისას. ისინი მონაწილეობას იღებენ პროდუქტის შექმნის პროცესში, რათა ის იყოს ფუნქციური და გამოყენებადი. ასევე აანალიზებენ მომხმარებლების უკუკავშირს და ამ ინფორმაციაზე დაყრდნობით ცვლიან პროდუქტს.
9. მონაცემთა მეცნიერი
მონაცემთა მეცნიერების მთავარი ფუნქცია მონაცემთა ორგანიზებაა, რათა გაიგონ, თუ რა ახდენს გავლენას ბიზნეს გადაწყვეტილებების მიღებისას. ისინი იყენებენ IT ხხელსაწყოებს, სტატისტიკებს და მანქანურ სწავლებას მონაცემთა შეგროვების და გადამუშავების პროცესში.
10. IT ხელმძღვანელი
IT ხელმძღვანებელს ორგანიზაციის IT სტრატეგიებისა და მისი აღსრულების მართვა აბარიათ. მათი პასუხისმგებლობაა, რომ დეპარტამენტის შექმნილი პროდუქტი ერგებოდეს კომპანიების მიზნებს.
ამ 10 ყველაზე გავრცელებული IT კარიერის გარდა, არსებობს სხვა მიმართულებები, რომლებიც IT ინდუსტრიის ნაწილია მათ შორისაა:
· აპლიკაციების მართვის ინჟინერი
· ქლაუდ სისტემების ინჟინერი
· მონაცემთა ხარისხის მენეჯერი
· IT კოორდინატორი
· ვებ ადმინისტრატორი.
IT ინდუსტრია მუდმივად განვითარებადი და ცვალებადი ინდუსტრიაა. ამასთან ერთად, IT პროფესიონალებზე მოთხოვნა ყველა ინდუსტრიაშია, ამიტომაც, კარიერის შეცვლისას, IT ერთ-ერთი საუკეთესო სფეროა.
