ინოვაციურ მიმართულებებში ქალთა მცირედი ჩართულობა, წლების მანძილზე, გლობალურ პრობლემას წარმოადგენდა, რომელიც ლოკალურ კონტექსტშიც მძაფრად იგრძნობოდა,
გენდერული ბალანსი დარღვეულია ტექნიკური მიმართულებითაც, თუმცა, ახალმა თანამშრომლობამ Springboard- სა და Women Who Code- ს შორის შეიძლება შეცვალოს სურათი
TechRepublic– ის რეპორტიორი Karen Roby ესაუბრა Springboard– ის თანადამფუძნებელს Parul Gupta– ს და Alaina Percival– ს, Women Who Code– ის აღმასრულებელ დირექტორს, ტექნიკურ ინდუსტრიაში თანასწორობის შესახებ
საუბრის რედაქტირებული ჩანაწერი
Karen Roby: Alaina, დასაწყისისთვის ვისაუბროთ იმაზე, თუ რამდენად ნაკლებად არიან წარმოდგენილი ქალები ტექნიკურ მიმართულებაში. ვფიქრობ, ამან შეიძლება ბევრი ადამიანი გააკვირვოს.
Alaina Percival: ქალები არ არიან უმცირესობაში, ჩვენ მოსახლეობის ნახევარზე მეტნი ვართ. ტექნიკურ ინდუსტრიაში, ინჟინერიაში კი მხოლოდ მეოთხედს წარმოადგენენ. ასე რომ, ნებისმიერ პერიოდში შეიძლება გაიზარდოს ქალთა წარმომადგენლობა ტექნიკურ ინდუსტრიაშიც.
Karen Roby: ვისაუბროთ კოდერ და დეველოპერ ქალებზე, რა არის თქვენი მისია და როგორ მოძებნით დანარჩენებს, როგორ მისცემთ მოტივაციას, რომ უფრო მეტად ჩაერთონ ამ ინდუსტრიაში?
Alaina Percival: Women Who Code არის ტექნიკურ ქალთა უდიდესი და ყველაზე აქტიური საზოგადოება მსოფლიოში. ჩვენ ვემსახურებით 250,000+ დელეგატს, დაახლოებით 2,000 ღონისძიებით წელიწადში. აღსანიშნავია, რომ მხოლოდ პროგრამირების ენებზე არ ვართ დამოკიდებული. ჩვენ წარმოვადგენთ უამრავ სხვადასხვა ტექნოლოგიას, დრო კი ჩვენს განვითარებას საოცრად აჩქარებს, ჩვენ ვეძებთ განათლებულ ახალგაზრდებს განვითარებადი ქვეყნებიდან, წელს ვერ ჩავატარეთ ინოვაციური ღონისძიებები სტუდენტებისა და მოსწავლეებისთვის, მაგრამ მეორე მხრივ, გამოვიყენეთ სოციალური ქსელები და გვქონდა ლაივ შეხვედრები STEM პროგრამებთან დაკავშირებით, რომელთაც საერთო ჯამში რამდენიმე ათეული ათასი კოდერი დაესწრო. ასევე, პირისპირ ჩასატარებელი აქტივობები და ტრენინგები გადავიტანეთ ონლაინ მოდელში. ამასთან, ჩემი აზრით, პანდემიამ ცხადად დაანახა მოსახლეობას, რა როლი აქვს კოდერებს თანამედროვე ცხოვრებაში და რამდენად მნიშვნელოვანია დღეს საინჟინრო თუ ბიოლოგიური მიმართულებები. პირდაპირი კომუნიკაციის შესაძლებლობის შეზღუდვამ გვიბიძგა გვეპოვა ახალგაზრდებთან საურთიერთობო ახალი გზები, მათ შორის ციფრული საშუალებები. ეს საშუალებას მოგვცემს მომავალში უფრო ვრცელ აუდიტორიაზე გავიდეთ ნაკლები დანახარჯებით, ვაქტიურობთ linkedin-ს და სოც-ქსელების საშუალებით
Karen Roby: რას გვეტყვით პარტნიორობაზე Springboard- სა და Women Who Code- ს შორის, როგორ მოხდა ეს და რა მიზანი გაქვთ ერთად?
Parul Gupta: Springboard არის სან-ფრანცისკოს ყურის არეალზე დაფუძნებული სამუშაო ძალის განვითარების პლატფორმა. ჩვენ ვეხმარებით ადამიანებს, შემოვიდნენ მოთხოვნად და საუკეთესოდ ანაზღაურებად ტექნიკურ სფეროში, შეისწავლონ მონაცემთა მეცნიერება, მანქანათმცოდნეობა, პროგრამული უზრუნველყოფის ინჟინერია და ასევე დიზაინი, ინდუსტრიის პრაქტიკოსების ინდივიდუალური სწავლებით და სამსახურის გარანტიით. ჩვენთვის ძალიან მნიშვნელოვანი იყო პარტნიორობა ორგანიზაციებთან, როგორიცაა Women Who Code, მათან ერთად, ასევე ვთანამშრომლობთ რამდენიმე სხვა არაკომერციულ ორგანიზაციასთან, რათა ხელი შევუწყოთ მრავალფეროვნებას ტექნოლოგიურ სფეროში
Karen Roby: Alaina, რას ნიშნავს გყავდეს Springboardboard- ის მსგავსი ჯგუფი პარტნიორად?
Alaina Percival: Women Who Code-ის სამიზნე ინდუსტრიაში მოღვაწე ადამიანებია. ჩვენი ხედვა გულისხმობს ახალგაზრდა დეველოპერების მხარდაჭერას, უფრო მაღალ თანამდებობებზე გადასასვლელად, ხელმძღვანელობის დონეზე ქალების დომინირება ჩვენი გრძელვადიანი მიზანია. ამრიგად, ორგანიზაციებთან პარტნიორობა, განვითარებადი ქვეყნებიდან, ტექნიკური ინდუსტრიის წარმომადგენელი ქალების მოსაზიდად, შექმნის კარგ ნადაგს Women Who Code-ისთვის. ეს თავისთავად ხელს შეუწყობს იმ ადამიანების წარმატებას, ვინც კარიერის საწყის ეტაპზე არიან ან ახლა სწავლობენ კოდების წერას სიღრმისეული გარდაქმნის გზით. ჩვენ გვაქვს სტიპენდიებიც, რომლებიც საშუალებას აძლევს ხალხს გახდნენ დამოუკიდებელნი
Karen Roby: Alaina, რამდენად მნიშვნელოვანი გავლენა მოახდინა COVID-19-მა ქალებზე და ამ ინდუსტრიაში? არიან ისეთებიც, რომლებსაც სამსახურის დატოვება მოუწიათ
Alaina Percival: ჩვენ ნამდვილად ვხედავთ გავლენას და მონაცემები აჩვენებს, რომ ის ადამიანებიც კი, რომლებსაც ჯერ არ დაუტოვებიათ სამსახური, დაახლოებით მეოთხედი ფიქრობს ამაზე, რაც მართლა ძალიან რთული მოსასმენია, განსაკუთრებით პროფესიული ორგანიზაციისთვის. ისეთი საზოგადოებისთვის, როგორიცაა Women Who Code-ი უფრო მნიშვნელოვანი ხდება იპოვონ გზები, რომლებიც დაეხმარება და მხარს დაუჭერს კარიერულ საფეხურზე მყოფ ადამიანებს,
Karen Roby: ჩვენ არ შეგვიძლია ქალების დაკარგვა, რომლებიც ამ გზით მიდიან. მაინტერესებს, ტექნიკური თვალსაზრისით თუ არის გარკვეული მხარე, მე ვიცი, რომ თქვენ ახსენეთ ხელოვნური ინტელექტი (AI), სადაც უფრო დიდი მოთხოვნაა
Parul Gupta: მოთხოვნა კატასტროფულად გაზრდილია, პროგრამული უზრუნველყოფის ინჟინერიაში, მონაცემთა ანალიტიკაში, მონაცემთა მეცნიერებასა და მანქანების სწავლებაში, კიბერუსაფრთხოებაში... ხელოვნური ინტელექტის მოხმარების საჭიროება უფრო და უფრო მეტად იზრდება
Karen Roby: ჩვენ, რა თქმა უნდა, ყოველდღე უფრო და უფრო მეტს ვისმენთ კიბერ უსაფრთხოების ექსპერტების საჭიროებაზე, ცხადია, რომ ეს საჭიროება კვლავ იზრდება. Parul, რისი იმედი გაქვთ ასეთი პარტნიორობით, როცა მომავლისკენ იყურებით, ვთქვათ ერთი წლის შემდეგ? და ზოგადად ქალებისთვის, როგორი მომავლის პროგნოზი გაქვთ?
Parul Gupta: მე ორი მიზანი გამაჩნია. ერთი, ქალების სწრაფი და ეფექტური მხარდაჭერაა, რადგან მათ უკან დახევა უწევთ, ოჯახის, შვილების და ზოგჯერ COVID– ის გამოც. მეორე კი ხელის შეწყობა - ეს უფრო გრძელვადიანი მიზანია - უბრალოდ ხელის შეწყობა საოცარი ქალებისთვის და ძლიერი საზოგადოებისთვის, მათთვის რეალური დახმარების გაწევით ზუსტად იგრძნობენ, რომ საჭირონი არიან ამ ინდუსტრიაში
Alaina Percival: მე მოუთმენლად ველი ხალხს, ვინც პროგრამაში მონაწილეობას მიიღებს კოდის წერითა და საოცარი დიზაინებით, აქ მათ ექნებათ დიდი პოტენციალი!
თუმცა, არსებობენ ისეთი ქალებიც, რომლებმაც კომპიუტერულ მეცნიერებაში გადატრიალება მოახდინეს
- მარგარეტ ჰამილტონი: პროგრამული ინჟინერიის ცენტრის დირექტორი, რომელმაც კოსმოსურ პროგრამა „აპოლონისთვის“ საბორტო პროგრამული უზრუნველყოფის პროგრამა შექმნა. მისი ხელმძღვანელობით სპეციალისტთა ჯგუფმა დაწერა პროგრამა პირველი პორტატული კომპიუტერისთვისაც. მარგარეტ ჰამილტონი სისტემური პროგრამირების დარგში იმ დროის წამყვანი სპეციალისტი გახდა. 1986 წელს მან კომპანია Hamilton Technologies დააფუძნა.
- გრეის ჰოფერი: აშშ-ის სამხედრო-საზღვაო ძალების კონტრ-ადმირალი გრეის ჰოფერი კომპიუტერული პროგრამირების სფეროში ერთ-ერთი წამყვანი ფიგურაა. სწორედ ჰოფერმა შექმნა პროგრამირების ენა COBOL, რომელიც ციფრების ნაცვლად სიტყვებს იყენებს. გრეის ჰოფერის სახელს აშშ-ის სამხედრო-საზღვაო ძალების ესკადრის ნაღმოსანი USS Hopper (DDG-70) ატარებს.
- ჯგუფი „ენიაკი“: ჯგუფი 6 პროგრამისტ ქალს აერთიანებდა, რომელიც საერთო დანიშნულების პირველი ელექტრონული ციფრული კომპიუტერის, ენიაკის შექმნაზე მუშაობდა. ეს იყო აშშ-ის შეიარაღებული ძალების საიდუმლო პროექტი მეორე მსოფლიო ომის პერიოდში.
- ადა ლავლეისი: ჯორჯ ბაირონის ქალიშვილი, ტექნოლოგიების ისტორიაში პირველ პროგრამისტად მიიჩნევა. ინგლისელ მათემატიკოსთან და გამომგონებელთან ჩარლს ბებიჯთან ერთად, ლავლესი მსოფლიოში პირველი შედარებით სრულყოფილი გამომთვლელი მანქანის შექმნაზე მუშაობდა. კერძოდ, ლავლეისმა აღნიშნული მოწყობილობისთვის პირველი პროგრამა დაწერა.
- ჯოან კლარკი: მათემატიკოსი კემბრიჯის უნივერსიტეტიდან იმ მეცნიერთა ჯგუფში მუშაობდა, რომლებმაც გერმანული კოდური მანქანა „ენიგმა“ გაშიფრეს. ამ მოწყობილობას ნაცისტები მეორე მსოფლიო ომის დროს ფართოდ გამოიყენებდნენ.
ჩვენთან სტეპ აკადემიაში თქვენ გაქვთ შესაძლებლობა შეისწავლოთ პროგრამირება, მიიღოთ ხარისხიანი ცოდნა და უზარმაზარი გამოცდილება! შემოგვიერთდით აკადემიაში!
შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
