რა არის პერსონალური ბრენდინგი?

თუ მე ვკითხავდი 5 ადამიანს, რომლებმაც იციან თუ თქვენ საქმეში ხართ კარგი, რა გხდით უნიკალურს, რას მიპასუხებდნენ? გამცემდნენ იმავე პასუხს, რასაც მიპასუხებთ თქვენ?

• პერსონალური ბრენდინგი მიზანისა და ორიენტირის არჩევაა, რეპუტაციის შენების გზაზე
• პერსონალური ბრენდინგი უზრუნველყოფს, რომ ადამიანები გხედავდნენ ისე, როგორც თავად გსურს რომ დაგინახონ

 

ჩემი სახელია ლიდა სიტროენი და ვარ რეპუტაციის მენეჯმენტისა და პერსონალური ბრენდინგის სპეციალისტი. 20 წელზე მეტი სამუშაო გამოცდილებიათ, ხელმძღვანელებთან, პროფესიონალებთან და კორპორატიულ გუნდებთან, მათ ვასწავლიდი როგორ გამხდარიყვნენ უფრო მიზანმიმართული და სტრატეგიული ცხოვრებაში, როგორ წარმოაჩენდნენ საკუთარ თავს კარიერასა და საქმიან ურთიერთობებში. ამ კურსში გასწავლით როგორ შექმნათ პერსონალური ბრენდი და წახვიდეთ წინ სანდოობისა და საკუთარი საქმისადმი სიყვარულით, რათა გახდეთ კონკურენტებს შორის გამორჩეული!

 

შენი პერსონალური ბრენდის შექმნა

- რა მოხდება, თუ გეტყვი, რომ შენი წარმატება კარიერაში პირდაპირ პროპორციულია შენს შესაძლებლობასთან შექმნა და შეინარჩუნო გავლენის სფეროები? სხვადასხვა მიმართულებით გავლენის სფერო მოითხოვს ძლიერ და მყარ პერსონალურ ბრენდინგს. მაშინ, რა არის ბრენდი? ეს გამოცდილების მოლოდინია. ადამიანს ეხმარება წინასწარ გაიგონ, რას იგრძნობენ, თუ იმუშავებენ ან დროს გაიყვანენ შენთან ერთად. რას ვიგრძნობ თუ აგიყვან, დაგიქირავებ ან დაგაწინაურებ?  შენი პერსონალური ბრენდი შენი მზარდი რეპუტაციაა. ის შენი საკუთრებაა. შენი გავლენა ეუბნება ადამიანს, თუ რას უნდა მოელოდეს შენგან

 

პერსონალური ბრენდინგის პროცესი საკმაოდ მარტივია, მაგრამ არა ადვილად სამართავი. დაუსვით საკუთარ თავდ ისეთი შეკითხვები, რომლებმაც შესაძლოა კომფორტის ზონიდან გამოგიყვანოთ. მაგრამ იცოდეთ, ეს შეგიქმნით კონკურენციულ უპირატესობას. გეცოდინებათ, როგორ დააყენოთ საკუთარი თავი სხვების საპირისპიროდ.

 

ჩაერთეთ ჩვენს ონლაინ აკადემიაში, შეისწავლეთ ინტერიერის დიზაინი მსოფლიო ბრენდისგან

 → დარეგისტრირდი ახლავე!

 

პერსონალური ბრენდინგი მთლიანად კონტროლზეა დაფუძნებული. მოგწონთ კონტროლი? მე მიყვარს. კონტროლი ჩემთვის ნიშნავს არჩევანს, გადაწყვეტილებას. აქედან გამომდინარე, პერსონალური ბრენდინგი გიქმნის კონტროლის გრძნობას, მაგრამ ყოველთვის უნდა გვახსოვდეს, რომ იგი განტოლების ემოციური მხარეა. პერსონალური ბრენდინგი - ის, რასაც ადამიანები გრძნობენ და რაც გაძლევს განზრახვისა და სტრატეგიის განცდას, რათა მიიღო გადაწყვეტილებები კარიერის აწყობის პროცესში.

 

კარიერული პერსპექტივების შექმნა

- როდესაც უყურებ შენს კარიერასა და იმას, თუ სად ხარ ახლა, შეგიძლია გულწრფელად უპასუხო კითხვას, როგორ მოხვედი აქამდე?  შენით შექმენი ის, თუ ვინმე სხვამ შენთვის?

 

მახსოვს, საუბრისას ერთ-ერთ მომხმარებელს დავუსვი ეს კითხვა. მან კი ძალიან გულწრფელად მიპასუხა და მითხრა: „რეალურად, სამუშაოს იმის მიხედვით ვირჩევდი, რომ ვიღაც თვლიდა, ეს კონკრეტული რაღაც კარგად გამომივიდოდა, ან მთავაზობდა მეტ ანაზღაურებას, ან მეტ გართობასა და მეც მივდიოდი ამ მიმართულებით. რეალურად, რაიმე სტრატეგია არ დამისახავს“

 

მე ვმუშაობ მრავალ ჩამოყალიბებულ მაგრამ მზარდ ბიზნეს ლიდერთან, მეწარმესთან, მაღალპოტენციურ თანამშრომელთან, სამუშაოს მაძიებელთან, სტუდენტთან, რეალურად, ყველასთან, ვისაც სურს თავისი კარიერული ზრდის მეტად გაკონტროლება. ეს არ ნიშნავს მუდმივ ცვლილებებს, პერსონალური ბრენდინგი გაძლევს საშუალებას დაიჭირო მომენტი, გაჩერდე სადაც ხარ და ჰკითხო შენს თავს: სად მინდა წავიდე? მე მომწონს პერსონალური ბრენდინგის ამგვარი ახსნა: იგი იღებს შენი კარიერიდან შემთხვევითობებს და გაძლევს საშუალებას დაისახო გეგმა და სტრატეგია, რომლებიც ჭკვიანური გადაწყვეტილებების მიღებაში დაგეხმარება. ამიტომ შეგიძლია დაფიქრდე, ვინ გინდა იყო 5 წელში? რა გიყვარს, რისი კეთება გსიამოვნებს? ვინაა შენი შთაგონება? რა უნარები და ნიჭი გაქვს, რომლების განვითარებაც გსურს? უნდა აღვნიშნო, რაც შეგიძლია არ ნიშნავს, რომ უნდა გააკეთო და, ამის მსგავსად, რაც გსურს, არ ნიშნავს, რომ შეგიძლია. ამ კურსის განმავლობაში ჩვენ ღრმად გამოვიკვლევთ ისეთ საკითხებს, როგორიცაა ადგილი, სადაც ახლა იმყოფებით, რისი გაკეთება გსურთ თქვენს კარიერაში და რა არის ამისთვის საჭირო.  თქვენ აღმოაჩენთ, რომ შეძლებთ რეაქტიული კარიერიდან გადახვიდეთ რაიმე უფრო მიზანმიმართულსა და აქტიურში.

 

გავლენის ზრდა

- შენ შეიძლება ეძებ ახალ სამსახურს, გსურს დაწინაურება, ან ეძებ რაიმე დამატებით ინსტრუმენტებსა და რესურსებს იმ სამსახურში, სადაც ახლა ხარ. თუ შენ არ შეგიძლია ზუსტი და ძლიერი ღირებულების შეთავაზება, პერსნალური ბრენდის, მაშინ ძალიან რთულია მოახდინო დადებითი გავლენა ადამიანებზე, რომლებიც წყვეტენ დაგასაქმონ თუ არა, მოგცენ ეს რესურსები თუ არა. ეს ადამიანები შენი სამიზნე აუდიტორიაა და ამიტომ სწორად უნდა წარსდგე მათ წინაშე. მახსოვს, რამდენიმე წლის წინ, როდესაც ერთ-ერთ ღონისძიებაზე საუბარს მოვრჩი, ერთი ქალი მომიახლოვდა და მითხრა: „ლიდა, პრობლემა მაქვს. მე კომპანიაში ყველა როგორც ოფისის დედას, ისე მცნობს. ხელმძღვანელობამ უკვე ორჯერ „გამომტოვა“ დაწინაურებისას, რადგან ფიქრობენ, რომ ოფისის დედა ვარ“. ჩვენ ვისაუბრეთ, თუ რა ქცევას გამოხატავდა იგი იმისათვის, რომ შეექმნა ასეთი ბრენდი და აღმოვაჩინეთ, რომ ის იყო, ვინც ყიდულობდა დაბადების დღეების ტორტებს, ავრცელებდა ბარათებს, ორგანიზებას უწევდა პიკნიკებს და აკეთებდა ისეთ საქმეებს, რაც „დედობრივი“ იყო მის სამსახურში. ეს კი მას ხელმძღვანელების თვალში არ წარმოაჩენდა როგორც ლიდერსა და დასაწინაურებელ კადრს. ამიტომ მას უნდა განეხორციელებინა რაღაც ცვლილებები. როდესაც ზუსტად იცი შენი შეთავაზების ღირებულება, სამიზნე აუდიტორია და  მისწრაფებები, მაშინ უკვე შეგიძლია გავლენის გაზრდა. გავლენის ზრდა გადაწყვეტილების მიმღებებსა და კოლაბორატორებზე სამსახურში ნიშნავს, რომ შენ შეგიძლია მათი მოთხოვნების აღმოჩენა და მათზე რეაგირება, მაგრამ ასევე გაქვს სტრატეგია, თუ როგორ გინდა გხედავდნენ სხვები.

 

ვისაუბროთ სანდოობაზე, რადგან არცერთი პიროვნული ბრენდი არ ღირს არაფრად, თუ სანდო არ ხარ. ამიტომ განვიხილოთ მისი შექმნის ფორმულა შენი პერსონალური ბრენდისთვის. ესაა - ღირებულებები+ქმედება=სანდოობა. პირველ რიგში, უნდა დაიწყო ფასეულობების დაზუსტებით. რისი გჯერა? რა არის ისეთი მნიშნელოვანი შენს მორალურ სტრუქტურასა და დნმ-ში, რომ, თუ ის არ იქნებოდა, შენ შენ არ იქნებოდით? რისი გწამს, რისთვისაც იბრძოლებდი? და შემდეგ, როგორ გამოხატავ მას? როგორ იქცევი, რომ შეესაბემოდე ამ ღირებულებებს? ესაა სიტყვების საქმედ ქცევის იდეა

 

აუცილებელია შეგეძლოს ადამიანებს უთხრა რას წარმოადგენ და შემდეგ მოქმედებით დაუმტკიცო. ამგვარად აგროვებ ნდობას და იღებ სანდოობას. ბევრი თქვენგანი ძალიან კარგად მუშაობს, იღებს ძალიან კარგ გადაწყვეტილებებს, ცხოვრობს პატიოსნად, მაგრამ არ ეუბნება ადამიანებს რატომ. თქვენ არ აკავშირებთ ამ მოქმედებებს ღირებულებებთან და ამიტომ არ იღებთ ნდობას. ხოლო პიროვნული ბრენდინგის სამყაროსა და კარიერულ განვითარებაში, გავლენის ზრდისათვის სანდოობაა საჭირო. ამიტომ, მსურს, რომ ცოტა ხანი დაფიქრდეთ თქვენს ღირებულებებზე. იფიქრეთ, რისი გწამთ რეალურად და იყავით უფრო კონკრეტული. შორს დაიჭირეთ თავი ზედმეტობებისაგან. რეალურად ჩაუღრმავდით თქვენს ფასეულობებსა და ჰკითხეთ საკუთარ თავს, როგორ ახდენთ მათ რეალიზებას.

 

შემოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge