დისტანციურად მუშაობა - ცხოვრების ახალი წესი

დამსაქმებლებს და მათ თანამშრომლებს აქვთ განსხვავებული შედეხულება დისტანციურ მუშაობასთან დაკავშირებით. კომპანიებისთვის ეს მოცემულობა მუშაობისა და უწყვეტად ფუნქციონირების შესაძლებლობაა. მაშინ როცა თანამშრომლებისთვის ეს ყოველდღიური რუტინაა, დადებითი და უარყოფითი მხარეებით, რომლებიც ნებისმიერ ცხოვრების წესს ერგება.

დასაქმებულ ადამიანებს შორის, დისტანციურად ჩართული თანამშრომლების რიცხვი, ევროპასა და ამერიკაში 2005 წლიდან 2020 წლამდე 173% -ით გაიზარდა. Covid-19- მა კიდევ უფრო დააჩქარა ეს ცვლა, თუნდაც დიდი ბიზნესის გაურკვეველი რეაქციის ფონზე. მაშინ როდესაც Fujitsu და Twitter, თანამშრომლებს საშუალებას აძლევს სახლიდან გაურკვეველი დროის განმავლობაში იმუშაონ საკუთარი სურვილით და ეს კომპანიებს დისკომფორტს არ უქმნის, Netflix- ის დამფუძნებელმა და თავმჯდომარემ რიდ ჰასტინგმა ცოტა ხნის წინ თქვა: ”დისტანციურად მუშაობაში, პოზიტივს ვერ ვხედავ”.

იმის მიუხედავად, რომ შესაძლოა ბევრ დამსაქმებელს დისტანციურად შრომა არ მოსწონდათ, მათ არჩევანის გაკეთება მოუხდათ სრულ გაკოტრებასა და დისტანციურად ფუნქციონირებას შორის, რა თქმა უნდა არავინ იყო მომზადებული "ჯანმოს" რეკომენდაციების სრულყოფილად შესასრულებლად, თუმცა პანდემია არ აპირებდა უკან დახევას.

• როგორ შეგვიძლია შევინარჩუნოთ პროდუქტიულობა სრულად დისტანციური გუნდით?
• როგორ ჩავანაცვლოთ კოლეგებს შორის ჩვეულებრივი საუბრები ყავის აპარატთან?
• როგორ დავიცვათ ტექნოლოგია და ინფრასტრუქტურა?
• როგორ უნდა დავნერგოთ დისტანციური სამუშაო კულტურა?
• საჭიროა თუ არა სტრუქტურული ცვლილებების შეტანა ორგანიზაციების შიგნით?

კომპანიები, მეორე წელია, ცდილობენ მოერგონ ახალ რეალობას და განაგრძონ ფუნქციონირება თანამშრომლების დაკარგვის გარეშე ”ახალი მიდგომებით”, როგორც ამას ზოგიერთები უწოდებენ. ასეთ უზარმაზარ სამუშაო ცვლას დადებითი და უარყოფითი მხარეები აქვს. ეს ვეღარ იქნება ძველებური ცხოვრების სტილი. კომპანიები ყურადღებას ამახვილებენ მუშაობაზე და სამუშაოს შესრულებაზე, მაგრამ თანამშრომლებისთვის დისტანციური მუშაობა ცხოვრებისეული რუტინის თავდაყირა დაყენებაა.

უთვალავი კვლევაა ჩატარებული დისტანციურად ჩართულ თანამშრომლებზე  და ტენდენცია აბსოლუტურად პოზიტიურია. დისტანციურად  მომუშავეებს მეტი დრო და ავტონომია აქვთ. ისინი უფრო ბედნიერები არიან და უკეთესად ასრულებენ საქმეს. მაგრამ ამას თან ახლავს იზოლაცია და მარტოობა, რაც აუარესებს ჯანმრთელობას გადაადგილებისა და სოციალიზაციის მხრივ. სამუშაოსა და ცხოვრებას შორის ზღვარი ირღვევა, რისი გაძლებაც ყველას არ შეუძლია, სახლიდან მუშაობისთვის საჭიროა მტკიცე დისციპლინა რომელიც ყველას არ მოეპოვება.

ნუ დარჩებით დროის შესაბამისი თეორიული და პრაქტიკული უნარების გარეშე

→ დარეგისტრირდი ახლავე!

პანდემიამდე  ადრე იღვიძებდით, საუზმობდით ან ვერ ასწრებდით და მხოლოდ ყავას მიირთმევდით, მთელი დღეები მუშაობდით ქაოტურ გარემოში, შემდეგ დამსახურებულად მოგზაურობდით, რეალურ დროში ლანჩზე ესაუბრებოდით კოლეგებს და შემდეგ ხსნიდით ელ.ფოსტას. დისტანციური მუშაკების უმეტესობისთვის ახლა ეს პროცედურები მოიცავს გაღვიძებას გაურკვეველ დროს, ელ.წერილების გახსნას მარცვლეულის ჭამისას, საქმიან შეტყობინებებზე პასუხის გაცემას ყავის მომზადების დროს, ზუმში ტვინის ჭყლეტვას და ზოგჯერ ძილსაც კი გამორთული კამერის უკან.

უხალისო დამსაქმებლების მიერ გავრცელებული კლასიკური სტერეოტიპი ისაა, რომ დისტანციური მუშაობა ამცირებს პროდუქტიულობას, მათი აზრით თანამშრომლები მოდუნდებიან, როცა ისინი თვალს მოაცილებენ. თუმცა,სხვადასხვა ორგანიზაციების მიერ ჩატარებული კვლევები ერთხმად აჩვენებს, რომ დისტანციურად მომუშავეები უფრო პროდუქტიულები არიან, ვიდრე მათი ოფისებში მჯდომი კოლეგები.

ჩაკეტვებამდე და ჯანმრთელობის შეზღუდვებამდე დიდი ხნით ადრე ვარაუდობენ, რომ მუშაობის მომავალი დისტანციური რეჟიმი იქნებოდა. Covid-19- მდე გლობალური კომპანიების 56% უშვებდა დისტანციურ მუშაობას, გლობალური თანამშრომლების 52% კვირაში ერთხელ მაინც მუშაობს სახლიდან. ბუფერმა გამოკითხა 2.500 დისტანციური მუშაკი მათი დისტანციური მუშაობის მდგომარეობის შესახებ - 99% -ს სურდა დისტანციურად მუშაობის გაგრძელება

დადასტურებულია, რომ დისტანციური მუშაობა ზრდის თანამშრომელთა ერთგულებას და ლოიალურობას. ასევე, ამცირებს კვების და გადაადგილების ხარჯებს, განსაკუთრებით საოფისე ფართის ხარჯებს

თუ მოვინდომებთ შეგვიძლია შევქმნათ მოქნილი განრიგების რეალობა, რაც გულისხმობს კომფორტს, როგორიც არის ნებისმიერი ადგილიდან მუშაობა, დაგეგმილად 11 საათზე დარბაზში ვარჯიში, შუადღის ძილი ან ბავშვის მოვლა, ელ.ფოსტის შემოწმება საღამოს 9 საათზე, ყველაფერი ეს ტრანსპორტირების გარეშე, სწრაფი კვების და ზედმეტი ხარჯების გარეშე.

ახალი რეალობა ჩვენგან ახალ უნარებს მოითხოვს, რომელიც განსხვავდება ოფისში მუშაობისგან, აუცილებელია გამოვიმუშაოთ დამოუკიდებლად მუშაობის უნარი და რკინის დისციპლინა.

როცა კომპანიებს დისტანციურ მუშაობასთან გარკვეული სირთულეები აქვთ, ისინი ადანაშაულებენ თანამშრომლების არასწორ სამუშაო კულტურას. მენეჯმენტს ხშირად ავიწყდება რომ ყოველი ადამიანი ინდივიდუალურია, ზოგისთვის დისტანციური სამუშაო იდეალური გამოსავალია, მაშინ როდესაც დასაქმებულ პირთა მცირე ნაწილი ოფისიდან გაცილებით მეტ საქმეს აკეთებს ვიდრე სახლიდან, ყოველ მათგანს სჭირდება ერთი სამუშაო კულტურის ქვეშ გაერთიანება.

შემოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge