სავარაუდოდ, პირველი კოდი დაწერილი გაქვთ C/C++ ან Java-ზე და ამ ენების შესწავლის დროს სირთულეებსაც შეხვედრიხართ. ყოველ შემთხვევაში, ეს ენები წაკითხვადი და გასაგები მაინც არის, მაგრამ რა მოხდება, თუ გთხოვთ დაწეროთ ისეთი პროგრამა მხოლოდ სივრცეების, ტაბების და ხაზების გამოყენებით, რომელიც ეკრანზე გამოიტანს სიტყვებს ‘Hello World’. ჩვენ არ ვხუმრობთ, მსოფლიოში, ფაქტობრივად, არსებობს პროგრამირების რამდენიმე ენა, სადაც კოდი უნდა დაწეროთ რამდენიმე ბრძანების და სინტაქსის გამოყენებით, რომელიც არც წაკითხვადია და არც გასაგები. ისინი ასევე ითვლება მსოფლიოში ყველაზე რთულ პროგრამირების ენებად, უმჯობესია თავდაპირველად ამ ენებს გაეცნოთ, ამიტომ მოდით ისინი სათითოდ განვიხილოთ.
1. brainfuck
სახელწოდებიდან გამომდინარე, ეს ენა მართლაც რთულია, ხოლო ამ ენაზე კოდის დაწერა - კიდევ უფრო რთული. იგი Urban Muller-მა შექმნა 1993 წელს და მისი შექმნის მთავარი მიზანი იყო კოდში მინიმალური რაოდენობის ხაზების დაწერა. ეს ენა ფუნქციონირებს მეხსიერების უჯრედების მასივში და ამ ენაზე განსაზღვრულია მხოლოდ 8 ბრძანება, რომ ნებისმიერი პროგრამა დაიწეროს.
2. Cow
ჩვენ ვიცით, რომ ამ ენის სახელი სასაცილოდ ჟღერს, მაგრამ სინამდვილეში ის პროგრამირების ენაა და 2003 წელს შექმნა Sean Heber-მა. ეს ენა შედგება 12 ინსტრუქციისგან და ამ ენის ყველაზე სასაცილო ნაწილი არის მისი მთავარი სიტყვა’moo’ (ძროხის ხმა) ან მისი ვარიაციები, რომლებიც ამ ენაშია გამოყენებული. ნებისმიერი ნიშნის ან სიტყვის დაწერა ამ ენაზე, კომენტარად ითვლება. ის დაფუძნებულია Turing Machine-ში გამოყენებულ ენაზე.
3. Intercal
ეს ენა Don Woods-მა და James M. Lyon-მა შექმნეს 1972 წელს, ისინი ორივე პრინსტონის უნივერსიტეტის სტუდენტები იყვნენ. ამ ენას არ გააჩნია გამოხატული აკრონიმი. პროგრამირების ამ ენის შემქმნელებმა ჩართეს ისეთი მთავარი სიტყვები, როგორიცაა ‘წაკითხვა’, ‘უგულებელყოფა’, ‘გთხოვთ’, ‘დავიწყება’ და მისთანები, იმისთვის, რომ ის მომხმარებლისთვის მოსახერხებელი გაეხადათ. ამ ენაში სასაცილო ნაწილი ის არის, რომ ის მოელის 4 გთხოვთ ტიპის მთავარ სიტყვას კოდში, რომ პროგრამისტების თავაზიანობა შეამოწმოს. თუ მათი რაოდენობა 4-ზე ნაკლები იქნება, კოდი არ შესრულდება, რადგან ის ჩათვლის, რომ პროგრამისტი არ არის საკმარისად თავაზიანი. თუ ამ სიტყვების რაოდენობა 5 ან 5-ზე მეტი იქნება, კოდი მაშინაც არ შესრულდება, რადგან ის ჩათვლის, რომ პროგრამისტი ზედმეტად თავაზიანია.
4. Malbolge
ეს ენა Ben Olmstead-მა დანერგა 1998 წელს და გასაოცარი ფაქტია ის, რომ პირველი პროგრამის დაწერას თითქმის ორი წელი დასჭირდა. შეგიძლიათ წარმოიდგინოთ ამ ენის სირთულე. ამ ენაზე კოდირება დიდ ქაოსს ჰგავს, კოდი არასრულყოფილად გამოიყურება. ამბობენ, რომ Ben Olmstead-ს ამ ენაზე არც ერთი პროგრამა არ დაუწერია. Malbolge არის საჯარო დომენის ეზოთერული პროგრამირების ენა და მსოფლიოში პროგრამირების ერთერთ ყველაზე რთულ ენად ითვლება.
5. Whitespace
ეს ენა შემოიღეს Edwin Brady-მ Chris Morris-მა 2003 წლის 1 აპრილს (აპრილი, სულელების დღე). ამ ენის წარდგენის დღეს, ხალხს ეგონა, რომ ეს ხუმრობა იყო, სინამდვილეში ხუმრობა არ იყო. თქვენ უფლება გაქვთ გამოიყენოთ მხოლოდ სივრცეები, ტაბები და ხაზები, რომ დაწეროთ კოდი ამ ენაზე. ნებისმიერ სხვა ნიშნებს ინტერპრეტატორი უგულებელყოფს.
მაგალითად: პროგრამა Hello World! ნუ დაიბნევით, რადგან სორს კოდი მხოლოდ whitespace-ს და ტაბებს შეიცავს.
პროგრამირების სხვა რთული ენებია:Chef, Shakespear, ArnoldC
IT Academy STEP – მსოფლიო ბრენდი 82 ფილიალით!
გახდი კვალიფიციური სპეციალისტი და საკუთარი საქმის პროფესიონალი, შემოგვიერთდით სტეპერების დიდ ოჯახში
თბილისი,
საბურთალო, ალ.ყაზბეგის 34/34ბ
