როგორც პროფესიონალს, კოდირებისას მე მაქვს მხოლოდ IDE, ვებ-ბრაუზერი, საფოსტო კლიენტი და ტერმინალი სრულ ეკრანზე, ასევე გრაფიკული პროგრამა, პაროლის მენეჯერი და მუსიკა, გვერდით მიდგას ფინჯანი ყავა ორცხობილით, სხვა არაფერი არ მჭირდება რომ სამუშაო ფორმაში ვიყო
თუმცა, უამრავი სახალისო ნივთი არსებობს, რომელსაც შეუძლია ჩვენი ენერგიის გაზრდა და პროდუქტიულობის გაორმაგება, როგორებიცაა:
1. მექანიკური კლავიატურა
მექანიკური კლავიატურა ძალიან მნიშვნელოვანია არა მხოლოდ აკრეფისათვის, არამედ ჩვენს გარშემო მყოფი ადამიანების მიერ აღსაქმელად. იმიტომ, რომ თუ 100 მეტრის რადიუსში მყოფ ადამიანებს არ ესმით კლავიშების ხმა, დარწმუნებული ხართ, რომ მართლა კოდს წერთ? - ასე რომ, ახლავ შეიძინეთ ეს ნივთი.
2. ყურსასმენები ხმის დამხშობი ფუნქციით
ხმის იზოლაცია უმნიშვნელოვანესია პროგრამისტისთვის. ხმაური კოდის წერისას გონებას არ გაგიფანტავთ, ვერც იმას გაიგებენ სხვები თუ ჩუმად როგორ უყურებთ თამაშებს. შეგიძლიათ გამოიყენოთ AirPods Pro, ან რაიმე სხვა მსუბუქი და მოდური ხელსაწყო.
3. „პროგრამისტის წინდები“
სერიოზულად! პროგრამირება სრულად აღჭურვილი სპორტია. ფეხბურთს ხომ არ ვთამაშობთ სამუხლეების გარეშე? ხოდა, რატომ უნდა დავწეროთ კოდი „პროგრამისტის წინდების“ გარეშე?
სიმართლე გითხრათ, ეს წინაპირობაა, რომლის ქონაც საკმაოდ გამოსადეგია. მას შემდეგ რაც ისწავლით C-ში კოდირებას, შეგიძლიათ გამოიყენოთ „პროგრამისტის წინდები“ სხვა ენებშიც, როგორიცაა Python, JS, C# და სხვ.
მოტივაცია მნიშვნელოვანი ინსტრუმენტია ნებისმიერი სერიოზული კოდის შემქმნელისთვის. თუ არ იცით რა არის „პროგრამისტის წინდა“, დროა გაეცნოთ მას.
4. დამატებითი მონიტორები
თქვენ შეგიძლიათ გახსნათ თქვენი კოდის რედაქტორი ერთ ეკრანზე და 69 ქრომის ფანჯრები მეორეზე - ნამდვილად გამოსადეგი იქნებოდა კიდევ ერთი მონიტორის ქონა მხოლოდ StackOverflow-ის სიყვარულისთვის.
ჩვენი სტრიქონები 80–100 სიმბოლოთი შემოიფარგლება, და თქვენ შეგიძლიათ იხილოთ სრული ფაილი და არ დაგჭირდეთ ბევრი სქროლვა. რაც უფრო მეტი კოდია ეკრანზე, მით უკეთესი.
არ გაქვს ვერტიკალური მონიტორი? და შენ ნამდვილი პროგრამისტი ხარ?
განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით და გახდი წარმატებული სტეპერი!
5. სათამაშო ოთახი
იმიტომ, რომ სხვა რა უნდა აკეთოთ, როდესაც ერთი დავალების გაკეთებას აგერ უკვე მეხუთე დღეა აჭიანურებთ.
6. ერგონომიული ნივთები
ჩვენ შეგვიძლია რესტორნებში, 1 - 2 საათით ქვასავით მაგარ სკამებზეც კი დავსხდეთ არ იქნება პრობლემა, თუმცა, როდესაც საქმე საათობით ჯდომას ეხება კოდირების დროს, ძალიან მოსახერხებელია ერგონომიული, რბილი და კომფორტული სკამი, სიმაღლის რეგულირებადი მაგიდით
შეძლებისდაგვარად განსაზღვრეთ სხეულის პარამეტრები, თუ რომელ პოზიციაში გრძნობთ თავს ყველაზე კომფორტულად, შედეგად მიიღებთ რეგულირებების ჩამონათვალს, რომელსაც სკამი ან მაგიდა უნდა აკმაყოფილბდეს, რათა თქვენი ტორსის შესაბამის პოზიციაში მოთავსდეთ, ასევე სიმაღლის რეგულირებადი მაგიდა მოგცემთ შესაძლებლობას პერიოდულად ფეხზე მდგომმა განაგრძოთ მუშაობა.
7. ყავის და წყლის დისპენსერი
არ არის აუცილებელი ძვირადღირებული, მოდური ყავის აპარატი ან წყლის დისპენსერი, უბრალოდ იქონიეთ ისეთი რამ, რაც ახლოს იქნება თქვენი პროგრამირების ოთახთან და დაგეხმარებათ ჰიდრატირებაში.
სასურველია იქონიოთ ჭიქა წარწერით „პროგრამირება მაგარია, როცა ყავაში შაქარია“ ან საყვარლი კოდის სტრიქონებით. ?
8. რეზინის იხვი ?
ვერასდროს შევძლებდი პროექტის დასრულებას, ჩემს მაგიდასთან "ჭყვიტინა" რეზინის იხვი რომ არ მყავდეს გასამხნევებლად. პროგრამირების დროს არსებობს მეთოდი, რომელსაც ეწოდება "რეზინის იხვის მეთოდი".
არსებითად, ზოგჯერ პროგრამირების შესწავლა გაცილებით მარტივია როდესაც სხვას უხსნით, ვინაიდან რეზინის იხვს სხვა საქმე არ აქვს, თქვენ პროგრამას უხსნით იხვს და ამ პროცესში შესაძლოა მიხვდეთ რას აკეთებთ არასწორად. თუ იხვს დაისვამთ მაგიდაზე, ეს შესაძლოა თავიდან სასაცილოდ მოგეჩვენოთ, მაგრამ დროთა განმავლობაში შეეჩვევით.
9. სინათლის თერაპიული ნათურა
არასამუშაო საათებში მუშაობა,ოფისში ან ოთახში ხანგრძლივი პერიოდის გატარება პროგრამისტებისთვის რუტინული მოვლენაა. მაგრამ ბუნებრივი, გარე შუქის ზემოქმედების ნაკლებობამ შეიძლება გავლენა მოახდინოს თქვენს ბიოლოგიურ რიტმზე და გაგრძნობინოთ დაღლილობა, სევდა და გადაწვის შეგრძნება.
სინათლის თერაპიული ნათურები ამ პრობლემასთან ბრძოლის ერთ-ერთი უებარი საშუალებაა. შეგიძლიათ სცადოთ.
10. კომპიუტერთან გამოსაყენებელი სათვალე
ლურჯი სინათლე, რომელსაც მონიტორი ასხივებს, შეიძლება ბევრი სხვადასხვა პრობლემის მიზეზი გახდეს, როგორიცაა თავის ტკივილი და თვალის დაძაბვა/გამოშრობა, თუ დიდი ხნის განმავლობაში მუშაობთ ეკრანებთან.
იმის გათვალისწინებით, რომ პროგრამირების სამუშაო მხოლოდ კომპიუტერებზე სრულდება, შეიძინეთ კომპიუტერის გამოსხივებისგან დამცავი სათვალე.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge