დავოსში, ახლახანს გაიმართა მსოფლიო ეკონომიკური ფორუმი, სადაც მსოფლიო ეკონომიკური, პოლიტიკური და სოციალური პრობლემების განხილვა მიმდინარეობდა, პანელურ დისკუსიებში გიგანტი კომპანიის ლიდერები მონაწილეობდნენ მსოფლიოს სხვადასხვა კონტინენტიდან (Tesla, IBM, JP Morgan, Morgan Stanley, Microsoft, Accenture, Amazon, Alibaba..) დისკუსიებში მონაწილე 104 ქვეყნის 5000 მდე აღმასრულებელი დირექტორი მონაწილეობდა, მათი პროგნოზით 2024 წელს თანამშრომლების 10% ზე მეტს ჩაანაცვლებს ხელოვნური ინტელექტი. პირველი ინდუსტირები, სადაც AI მარტივად შევა არის მედია და გართობა, ბანკები, დაზღვევა, ინვესტიციები და ტექნოლოგიები.
ცვლილებები საქართველოსაც მალე დაეტყობა - LinkedIn Economic Graph ის იანვრის სტატისტიკის მიხედვით, ძალიან გაიზარდა დისტანციურ ჩართულ ახალგაზრდა პროგრამისტებზე მოთხოვნა და ინტერესი გიგანტური კომპანიებისსგან
2024 წელს პირველად დასაქმდებით თუ სამუშაოს შეიცვლით? ნებისმიერ შემთხვევაში თქვენ დაგჭირდებათ კვალიფიკაციის ამაღლება - მომავალი წლების მოთხოვნადი პროფესიების სია დაგეხმარებათ სწორად შეარჩიოთ თუ რა მიმართულებით დახარჯავთ რესურსს
1. პროგრამული უზრუნველყოფის დეველოპერი
პროგრამული უზრუნველყოფის დეველოპერები შეიმუშავებენ და ქმნიან IT ინფრასტრუქტურას, სისტემებს და აპლიკაციებს, მათ აქვთ უამრავი არჩევანი თუ რომელ ინდუსტრიაში სურთ მუშაობა.
McKinsey-ის თქმით, მოთხოვნადი მაღალი კვალიფიკაციის მქონე სამუშაოები იქნება. უფრო მეტიც, გლობალური საკონსულტაციო ფირმა Korn Ferry თვლის, რომ თუ დეფიციტი არ შეივსება, 2030 წლისთვის თითქმის 85 მილიონი სამუშაო ადგილი დარჩება "აუთვისებელი". ახლა არის დრო, დავკავდეთ გარანტირებულად მომგებიანი და ღირებული კარიერის შექმნით.
საჭირო უნარები
• გამოცდილება კოდირების ენებში, როგორიცაა Java, Python, C++
• სტრუქტურირებული შეკითხვის ენის (SQL) ცოდნა, ასევე მონაცემთა ბაზების კითხვა და დაცვა სხვადასხვა სისტემაში
• მონაცემთა სხვადასხვა სტრუქტურისა და ალგორითმების ცოდნა ინფორმაციის შენახვის ოპტიმიზაციისთვის
• უფრო მეტიც, ნოუ-ჰაუ პროგრამის გამართვისას შეცდომების აღმოსაფხვრელად
• ტექსტის რედაქტირების პროგრამული უზრუნველყოფის გამოყენების უნარები, როგორიცაა Atom, TextMate, Notepad++ და ა.შ.
• მონაცემთა დაშიფვრა
• დამატებით, ღრუბლოვანი პლატფორმების გაცნობა
საშუალო ანაზღაურება წლიურად
Glassdoor-ის თანახმად ანაზღაურება 135,907 დოლარია. ასევე, გაეცანით ჩვენ საოცარ კურსებს ინფორმაციული ტექნოლოგიების მიმართულებით იმისთვის რომ უპირატესობას ფლობდეთ. ისწავლეთ ყველაზე მოთხოვნადი უნარები კარიერის ზრდისთვის.
2. AI ინჟინერი
ტექნოლოგია ჰიდრას მსგავსი, მრავალმხრივი არსებაა და AI მისი ყველაზე განხილვადი ნაწილი. ხელოვნურმა ინჟინერიამ შეცვალა ბიზნესის ფუნქციონირების პრინციპი. ხელოვნური ინტელექტის ინჟინრები ქმნიან, ავითარებენ და აპროგრამებენ ალგორითმების ქსელებს რომლებსაც ადამიანის ტვინის იმიტირება შეუძლიათ.
PwC-ის თანახმად, ამ წლის ბოლომდე ხელოვნური ინტელექტი გლობალურ ეკონომიკაში 1,2 ტრილიონი დოლარის მოგებას მოიტანს. ამიტომ, ადვილი მისახვედრია, თუ რატომ ითვლება 2024 წლის საუკეთესო ვაკანსიების სიაში AI ინჟინრის პოზიცია.
საჭირო უნარები
• პროგრამირების ენების გააზრება, როგორებიცაა Python, C++ და ა.შ
• ღრმა სწავლების სხვადასხვა მეთოდების ცოდნა, ხელოვნური ნეირონული ქსელით დაწყებული, დამთავრებული ასეთი ქსელების აგების და გამოყენების ცოდნამდე
• მონაცემთა ანალიტიკის კარგი ფლობა, იმისთვის, რომ მხოლოდ მნიშვნელოვანი ინფორმაციის არჩევა მოხდეს უზარმაზარი მონაცემებიდან ხელოვნური ინტელექტის მოდელების შესაქმნელად
• ექსპერტული ცოდნა მათემატიკაში, სტატისტიკაში, ალგებრაში და ა.შ
• მანქანური სწავლების გამოცდილება ცნებებსა და ჩარჩოებში, როგორიცაა TensorFlow, PyTorch, ზედამხედველობის ქვეშ და ზედამხედველობის გარეშე სწავლება და რეგრესია, სხვა საკითხებთან ერთად.
საშუალო ანაზღაურება წლიურად
Glassdoor-ის თანახმად 160,809 დოლარი.
3. მონაცემთა ანალიტიკოსი/მეცნიერი
მონაცემები არის ძრავა, რომელიც მართავს იმ ციფრულ ჰიპერლუპს, რომელზედაც ამჟამად მსოფლიო დგას. აქედან გამომდინარე, დარწმუნებით შეიძლება ითქვას, რომ ყველა ბიზნეს ინდუსტრია ექნება გაზრდილი მოთხოვნა სპეციალისტებზე რომლებსაც დიდი მონაცემების გაშიფვრა, ანალიზი, შესწავლა და გამოყენება შეუძლიათ.
მოსალოდნელია, რომ 2025 წლისთვის მონაცემთა 200+ ზეტაბაიტი იქნება გენერირებული. როგორც სხვა მონათესავე ტექნოლოგიებში, დიდი მოთხოვნა იქნება სპეციალისტებზე რომლებიც მონაცემებთან მუშაობენ .
საჭირო უნარები
• დიდი მონაცემებიდან მონაცემთა შეგროვება, ვიზუალიზაცია და ინფორმაციის მოპოვება
• ასევე, მონაცემთა მოპოვება, ან შაბლონებისა და კავშირების პოვნა მონაცემთა დიდ კომპლექტებთან ზრდის სტიმულირებისთვის
• კრიტიკული აზროვნების უნარები მონაცემების გაანალიზების, გაგების და დაინტერესებული მხარეებისთვის მათი ახსნისთვის
• რთული ალგორითმების, სტატისტიკის, AI და ML ცოდნა
საშუალო ანაზღაურება : 124,887 დოლარი
შეისწავლე პროგრამირება 0-დან, მიიღე რეალური გამოცდილება და აქციე შენს მთავარ უპირატესობად!
4. მონაცემთა ან ინფორმაციის ბროკერი
მონაცემთა ბროკერი განმარტავს, აგროვებს, აანალიზებს და ახდენს მონაცემების სტრუქტურირებას, სანამ მათ ლიცენზირებას გაუწევს იმ ბიზნესებისთვის, რომლისთვისაც ეს სამუშაო გაწია. მაგალითად, თუ ეს არის მომხმარებელზე ორიენტირებული ბიზნესი, მათ შეუძლიათ კონტრაქტი გააფორმონ მონაცემთა ბროკერთან რომელიც შეაგროვებს, გააანალიზებს და გაიგებს მომხმარებელთა ქცევის ჩვევებს, რაც შემდეგ დაეხმარება ბიზნესს გაყიდვების ოპტიმიზაციაში.
მონაცემთა რაოდენობის და ბიზნესის კეთების კონკურენტული ბუნების გათვალისწინებით, მონაცემთა ბროკერის სამუშაო მნიშვნელოვანი პოზიცია გახდება. მაგალითად, ამ ყველაფრის პერსპექტივაში დასანახად 2021 წელს მონაცემთა ბროკერების გლობალური ბაზარი 319 მილიარდ დოლარზე ოდნავ მეტი იყო. 2028 წლისთვის ის 945 მილიარდ დოლარს მიაღწევს. თუ საუკეთესო სამუშაო ადგილებზე ვილაპარაკებთ, 2024 წელს მონაცემთა ბროკერის პოზიციას უდიდესი პოტენციალი გააჩნია გახდეს ასეთი.
საჭირო უნარები
• მონაცემთა კვლევის ინტერესი და ნიჭი
• მონაცემთა კვლევის ინსტრუმენტებისა და პროგრამების ყოვლისმომცველი ცოდნა
• კარგი კომუნიკაციისა და კრიტიკული აზროვნების უნარი
• ფართო ცოდნა მონაცემთა კონფიდენციალურობის ნორმების შესახებ, კანონიერების ფარგლებში დასარჩენად.
საშუალო ანაზღაურება წლიურად
Comparably-ის თანახმად - 70,000 დოლარი.
5. კიბერუსაფრთხოების და ინფორმაციული უსაფრთხოების ექსპერტი
უმეტესობა ჩვენგანი ცხოვრების ნახევარს ლეპტოპებთან, მობილურ მოწყობილობებთან და გაჯეტებთან ატარებს, ამ ყველაფერმა უსაფრთხოების კონცეფცია მთლიანად შეცვალა და განავითარა. შესაბამისად, ასევე დაიხვეწა და გაიზარდა კიბერთავდასხმებიც. ამიტომ, ბარიერის შექმნა ასეთი თავდასხმებისგან დასაცავად არჩევანი არ არის.
ვარაუდობენ, რომ წელს მონაცემთა ბაზებზე მიყენებული თავდასხმით გამოწვეული ზარალი 10 მილიონ დოლარს გადააჭარბებს. ეს საკმარისი მიზეზია, რომ კომპანიებმა გააძლიერონ თავიანთი ციფრული ინფრასტრუქტურის დაცვა, ეს გარემოება კიბერ უსაფრთხოების პოზიციას 2024 წლის საუკეთესო ვაკანსიებს შორის აქცევს. ის ასევე არის ყველაზე საჭირო სამუშაოების სიაშია კომპანიებისთვის. ასე რომ, თუ ინტერნეტამდე ეპოქაში არ დავბრუნდებით, ეს პროფესია ყოველთვის იარსებებს. შრომის სტატისტიკის ბიუროს (BLS) მონაცემების მიხედვით, ამ სფეროში სამუშაო ადგილები 2031 წლისთვის 35%-ით გაიზრდება.
საჭირო უნარები
• Firewall-ის, ქსელის კონფიგურაციისა და მართვის ღრმა ტექნოლოგიური ცოდნა
• პროგრამირების ცოდნა არა მხოლოდ შიდა სისტემების ჩაწერისთვის, არამედ დაზიანების თავიდანვე პრევენცია
• რისკების იდენტიფიცირება და მართვა
• ინფორმირებულობა უსაფრთხოების ტექნოლოგიებისა და კიბერშეტევების ახალი ფორმების შესახებ
• ავტომატიზაცია, ლოგიკური მსჯელობა და პრობლემების მოგვარება
საშუალო ანაზღაურება
Glassdoor-ის მონაცემების მიხედვით, საშუალო ხელფასი 96,855 დოლარია.
6. ბლოკჩეინ დეველოპერი
სამყაროში სადაც უსაფრთხოება სულ უფრო მყიფეა, იზრდება მოთხოვნა სისტემაში არსებული ხარვეზების გადაჭრაზე. ვერაფერი ისე ვერ უმკლავდება ამ ამოცანას, როგორც ბლოკჩეინის ტექნოლოგია. ეს არის ინფორმაციის შენახვის და ჩაწერის მეთოდი, რომლის შეცვლა, გატეხა, ან მანიპულაცია რთულია. ბლოკჩეინის დეველოპერი ქმნის ბლოკჩეინის არქიტექტურას, აყენებს პროტოკოლებს და უზრუნველყოფს მის გამართულ ფუნქციონირებას.
PwC-ს სტატისტიკა ამტკიცებს ამ სამუშაოს პოპულარობას. როგორც „Time for Trust“-ს ანგარიშშია ნათქვამი, 2030 წლისთვის ამ ტექნოლოგიით 40 მილიონი სამუშაო ადგილი გაჩნდება. რაც ადასტურებს იმას, რომ ეს არ არის ხელიდან გაშვებული შესაძლებლობა.
საჭირო უნარები
• ბლოკჩეინის არქიტექტურისა და მისი მუშაობის სიღრმისეული ცოდნა
• მყარი საფუძველი კრიპტოგრაფიულ კონცეფციებში
• მონაცემთა სტრუქტურების გაცნობა
• სხვადასხვა პროგრამირების ენების ცოდნა
საშუალო ანაზღაურება
Glassdoor-ის მონაცემების მიხედვით- $131,800
7. UX/UI დიზაინერი
LinkedIn-ის ანგარიშის მიხედვით, UX/UI დიზაინერებს შეუძლია მშვიდად იყვნენ. ეკონომიკური ვარდნის მიუხედავად, მათ საქმეს არაფერი ემუქრება. მოხსენებამ, რომელიც 1200-ზე მეტი დიზაინერის, მარკეტინგის და კრეატიულ პროფესიონალის გამოკითხვას ეფუძნება, დაადგინა, რომ ბრენდები მთელ მსოფლიოში გააგრძელებენ ინვესტიციებს საიტებისა და აპლიკაციების განვითარებაში
UX/UI დიზაინი შემოქმედებითი, სახალისო საქმეა რომელიც მოთხოვნადი კიდევ დიდხანს იქნება, კომპანიების ხელმძღვანელთა 69% ამბობს, რომ აპირებს ინვესტიციების გაზრდას ამ პროფესიის ნიჭიერი თანამშრომლების დასაქირავებლად. ამ პროფესიაში საინტერესო ზრდის შესაძლებლობები რა თქმა უნდა არსებობს.
საჭირო უნარები
• უპირველეს ყოვლისა შემოქმედებითი გონება
• სფეროს სიყვარული
• განსაკუთრებული კომუნიკაციის უნარი
• ტექსტის, გამოსახულების და ვიდეო რედაქტირების ინსტრუმენტების გამოყენების ცოდნა
საშუალო ანაზღაურება წლიურად
Comparably-ს თანახმად 90,267 დოლარი. ასევე, გაეცანით ჩვენს კურსებს UX/UI დიზაინის მიმართულებით იმისთვის რომ უპირატესობას ფლობდეთ. ისწავლეთ ყველაზე მოთხოვნადი უნარები კარიერის ზრდისთვის.
8. ინტერიერის დიზაინი
ინტერიერის დიზაინის პროფესიის საჭიროება გაზარდა პანდემიამ, ახლა ყველას უნდა კომფორტი შეიქმნას იქ სადაც ცხოვრობს...
სფერო საკმაოდ სწრაფად ნვითარდება და მუდმივად შემოქმედებით საქმიანობას უზრუნველყოფს, საჭიროა რომ ყოველთვის მოტივირებულნი იყოთ და შეინარჩუნოთ კრეატიულობა
LinkedIn-ის ანგარიშის მიხედვით, 2025 წლამდე სფერი 11%-ით გაიზრდება. თუ ამ გარემოებას გავითვალისწინებთ, ეს პროფესია ნამდვილად იმსახურებს მოხვდეს 2024 წლის საუკეთესო სამუშაოების სიაში.
საჭირო უნარები
• ტრენდებზე თვალის მიდევნება
• კომუნიკაციის უნარი
საშუალო ანაზღაურება
124,689 დოლარი. ასევე, გაეცანით ჩვენს ინტერიერის დიზაინის შემსწავლელ ონლაინ კურსს
9. ჯანდაცვის ან/და სამედიცინო მენეჯერი
ჯანდაცვის ან სამედიცინო მენეჯერი მონიტორინგს უწევს, აკონტროლებს, გეგმავს და ხელმძღვანელობს ჯანდაცვის პროვაიდერების საქმიანობას, როგორც წესი, საავადმყოფოსა და სამედიცინო პრაქტიკას. გარდა ამისა, ისინი ასევე ჩართულები არიან ფინანსური ასპექტების, პაციენტთა მოვლის და დოკუმენტების წარმოების მენეჯმენტში.
ჯანდაცვის ბიზნესი მზარდი სფეროა. 2021 წელს 550,800 სამუშაო ადგილით ზრდა დაფიქსირდა, რაც ნიშნავს, რომ 2031 წლამდე 28%-იან ზრდაა მოსალოდნელი, გარდა ამისა, ეს არის გამოწვევებით სავსე სამუშაო, დიდი ზრდის პერსპექტივით.
საჭირო უნარები
• სტრესულ გარემოში კომუნიკაციის უნარი
• ჯანდაცვის სექტორის და ბიზნესის მენეჯმენტის ცოდნა
• დროის მენეჯმენტის უნარი
საშუალო ანაზღაურება
Payscale -ს თანახმად 72,074 დოლარი
როგორც ხედავ, ტექნოლოგიური სამყარო საინტერესო თავგადასავლებს გპირდება. სწორედ ახლა არის კარგი დრო, დაეუფლო მომავლის პროფესიას და წარმატებით განვითარდე კარიერულად. ამ მიზნისკენ გადადგმული პირველი ნაბიჯი შესაბამისი ცოდნის შეძენაა, რაც დღეს ძალიან მარტივია.
თუკი Front-end Development-ის შესწავლა გსურს, IT აკადემია სტეპში შენთვის ძალიან საინტერესო კურსი დაგხვდება, რომელიც განსაკუთვნილია მათთვის, ვისაც სურს, Web Development 0-დან ისწავლოს. გარდა ამისა, სწავლება პრაქტიკაზე არის დაფუძნებული, რაც მოიცავს დავალებებსა და ინდივიდუალურ ფინალურ პროექტს. ეს კი მოგცემს შესაძლებლობას, დახვეწო და განივითარო შესაბამისი უნარები და დააგროვო პრაქტიკული გამოცდილება - დაეუფლე ახალ პროფესიას, დაიწყე სწავლა კვალიფიციურ სპეციალისტებთან, საერთაშორისო აკადემიაში!
10. ფინანსური მენეჯერები
ფინანსური მენეჯერების კომპეტენციაშია ფინანსებთან დაკავშირებული ყველა ის აქტივობა როგორიცაა: ბიზნესის ინვესტიციებზე თვალის დევნება, სისტემებში ფულის ნაკადის მონიტორინგი, ბუღალტრული აღრიცხვა და წლიური ანგარიშების შექმნა. ისინი ასევე პასუხისმგებელნი არიან რისკების შეფასებაზე და ფინანსური სტრატეგიების განხორციელებაზე.
ფინანსური მენეჯერები შეუფასებლად ძვირფასი აქტივია კომპანიისთვის, ისინი უზრუნველყოფენ კომპანიის კონკურენტუნარიანობას და წარმატებას. გარდა იმისა, რომ ეს პოზიცია 2024 წლის საუკეთესო სამუშაოდ არის აღიარებული, ამ სფეროში საკმაოდ შემოსავლიანი კარიერის აწყობა შეიძლება, თანაც ისე რომ იმუშავოთ საქართველოდან
საჭირო უნარები
• განსაკუთრებული ანალიტიკური უნარები
• ფინანსების, ასევე ფინანსური ტექნოლოგიების ღრმა ცოდნა
• სხვადასხვა ფინანსური ინსტრუმენტების გაგება
• ფინანსური, საბანკო და საინვესტიციო ტენდენციების ცოდნა
საშუალო ანაზღაურება
Payscale -ს თანახმად 185,625 დოლარი
11. ვებ დეველოპერი
ვებსაიტების და პროგრამული აპლიკაციების შექმნა, აშენება და მხარდაჭერა ვებ დეველოპერების მოვალეობებია. ისინი შეიძლება იყვნენ front-end, back-end ან full-stack დეველოპერები. იმ დროს როცა back-end დეველოპერები ყურადღებას პროგრამული უზრუნველყოფის სერვერის მხარეზე ამახვილებენ, ხოლო front-end ვიზუალურ ასპექტებს მოიცავს რომლებსაც მომხმარებლები ხედავენ, full-stack დეველოპერების კომპეტენცია ზემოთნახსენები ორივე საქმეს წარმოადგენს.
როგორც ადამიანებს, ასევე ყველა ბიზნესს დასჭირდება ძლიერი აპლიკაცია, კარგად ფუნქციონირებადი ვებ-გვერდი, ამაზე მეტყველებს სტატისტიკური მონაცემებიც. BLS-ის პროგნოზის თანახმად 2024-დან 2031 წლამდე 23%-იან ზრდაა მოსალოდნელი.
საჭირო უნარები
• კოდირების სრული და ვრცელი ცოდნა
• UX/UI დიზაინის სრულყოფილი ცოდნა
• HTML და CSS ვრცელი ცოდნა
• ანალიტიკური უნარ - ჩვევები
• მოქნილი ვებ დიზაინის უნარები, რაც არსებითად გულისხმობს საიტის ადაპტირებას სხვადასხვა მოწყობილობებზე, როგორიცაა მობილურები, ლეპტოპები, ტაბლეტები და ა.შ.
საშუალო ანაზღაურება წლიურად
საშუალო ხელფასი 282,586 დოლარია, ასევე, გაეცანით ჩვენს კურსებს პროგრამირების მიმართულებით იმისთვის რომ უპირატესობას ფლობდეთ
12. ბიზნესის მართვის ანალიტიკოსი
ამ სფეროს სპეციალისტები ეძებენ გზებს ბიზნესის საერთო ეფექტურობის გასაზრდელად, იმისთვის რომ იყოს მომგებიანი, ფინანსურად ძლიერი და ოპერატიულად პროდუქტიული. ერთი სიტყვით, ისინი მართავენ, აკონტროლებენ და გასცემენ რჩევებს.
ხელფასები როგორც წესი, უფრო მაღალია და ასეთ ანალიტიკოსებს აქვთ დამოუკიდებლობა, იმუშაონ თავიანთ არჩეულ ინდუსტრიაში.
საჭირო უნარები
• მოპოვებული ცნობების და მონაცემების ინტერპრეტაციის ანალიტიკური უნარები
• იმ ინდუსტრიის ტენდენციებისა და პრაქტიკის შესახებ ცოდნა, რომლებსაც ემსახურებიან
• პრობლემების გადაჭრისა და დროის მართვის უნარი
• ასევე აუცილებელია კომუნიკაციისა და ინტერპერსონალური უნარ-ჩვევები
საშუალო ანაზღაურება
84,123 დოლარი
ასე გამოიყურება 2024 წლის 12 ყველაზე მომგებიანი და პერსპექტიული პროფესიების მოკლე სია.
არ აქვს მნიშვნელობა რომელ გზას აირჩევთ, ერთი რამ უდავოა, ახლა საუკეთესო დროა ახალი უნარების შესაძენად და თქვენი კარიერის დასაწყებად. ვიმედოვნებთ, რომ ყველაზე მოთხოვნადი პროფესიის ეს სია დაგეხმარებათ ამ მოგზაურობის დაწყებაში!
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლაუკვე 100+ფილიალით!
+995 577 538 549 ქ.თელავი,ნადიკვრის#23
+995 (32) 215-55-51 ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
