მომავალი უკვე აქ არის, მიესალმეთ Willow-ს, თქვენს პერსონალურ ეზოს რობოტს და დაემშვიდობეთ შემაწუხებელ, მოსაწყენ და რუტინულ საქმიანობას! შეძენის შემდეგ ამ ინოვაციურ რობოტს მარტივად შეგიძლიათ ასწავლოთ თქვენი ბაღის პერიმეტრი, შემდეგ მისი მოვლა-დასუფთავება, სარეველების ამოძირკვა, გაზონის გაკრეჭა, ეზოს დაცვა და სხვადასხვა ნივთის ტრანსპორტირება. რობოტი აღჭურვილია მოძრავი კიდურებით, რითიც მას ასევე შეუძლია გეთამაშოთ და როგორც თქვენი პერსონალური ასისტენტი გადაგიღებთ ფოტოებს სახლის წვეულებებზე!
რობოტი შემუშავებულია კომპანია EEVE-ს მიერ. Willow იყენებს მოწინავე აპარატურის, მორგებული პროგრამული უზრუნველყოფისა და ხელოვნური ინტელექტის უნიკალურ კომბინაციას, ამასთანავე იგი მუდმივად ახდენს პროგრამულ განახლებას ალგორითმების და სხვადასხვა მახასიათებლების გასაუმჯობესებლად.
რობოტის მიერ ამოცანის ერთჯერადად შესრულება უკვე გუშინდელი დღეა! თქვენ მიხვდებით, რომ ეს მულტიფუნქციური რობოტი საუკეთესო ინვესტიციაა. Willow თქვენთან ერთად გაიზრდება, რადგან ერთად ავითარებთ მის სხვადასხვა უნარს.
რობოტი აღჭურვილია Toadi ინსტრუმენტით და ოპერირებს როგორც თვითმავალი გაზონის საკრეჭი რობოტი. იგი იყენებს კამერას იმისათვის, რომ ავტონომიურად იმოძრაოს თქვენს ეზოში, ამ ეფექტურ პატარა რობოტს არ სჭირდება სადენიანი კაბელი, აქვს მაღალი ხარისხის სათიბი მოწყობილობა, რომელსაც შეუძლია რთულად სათიბი სარეველებისა და ბალახის მოჭრა იდეალურ ზომაზე.
თქვენ შეგიძლიათ არ იდარდოთ ეზოში რობოტის თავისუფლად გაშვებაზე. Willow შეისწავლის თავის სამოქმედო საზღვრებს „Installation Walk”-ის მეშვეობით, რა დროსაც მას გაუძღვებით ეზოს არეალში, ხოლო რობოტი მოგყვებათ თქვენ. როდესაც დაასრულებთ „Installation Walk”-ს Willow-ს უკვე შეუძლია ორიენტირება და მოძრაობა თქვენს ეზოში, თქვენ კი შეგიძლიათ სხვა საქმიანობით დაკავდეთ ან ჩამოჯდეთ ჩრდილში და ცივი ლიმონათი მიირთვათ! ყოველ ჯერზე რობოტი უფრო მეტად ეცნობა თქვენს ეზოს და მთლიანად გარემოს, ამასთანავე მას შეუძლია განასხვაოს ბალახი სხვა ობიექტებისგან და გვერდი აუაროს მათ. სხვა სიტყვებით რომ ვთქვათ ამ საყვარელ, უსადენო ეზოს რობოტს შეუძლია მოერიდოს ღობეს, ადამიანებს, შინაურ ცხოველებს, აუზს, გუბურასა და სათამაშოებს, რომლებიც შესაძლოა ეზოში იყოს მიმოფანტული.
დაიწყეთ შესწავლა სრულიად ახალი მეთოდებით →დარეგისტრირდით ახლავე!
Toadi სავალ მექანიზმთან ერთად რობოტს ასევე გააჩნია Sheriff კამერის ხელსაწყო, რომელიც საშუალებას აძლევს თქვენს რობოტს განახორციელოს ეზოს პერიმეტრის დაცვა მისი სატენი სადგურიდან, რადგან Willow აღჭურვილია ინფრაწითელი ღამის ხედვის კამერით, რითიც შეუძლია ეზოში შემოსული უცხო პირის დაფიქსირება 98 ფუტის მანძილზე. გადაღებული ფოტოები იგზავნება თქვენს ტელეფონზე, იმისათვის რომ უმალვე იყოთ ინფორმირებული და მიიღოთ უსაფრთხოების ზომები, ამასთანავე თუ პოტენციური ქურდი შეეცდება რობოტის გათიშვას მას ელოდება სიურპრიზი, ხმამაღალი განგაშის სიგნალის სახით.
EEVE-ის სხვა მოდელი, Willow X აღჭურვილია 4K კამერით, ბატარეით, რომელიც ძლებს 6 საათს ერთი დატენვით, ხოლო 8 საათს Willow Pro-ს შემთხვევაში. ასევე Willow Pro-ს აქვს ყველა ზემოაღნიშნული ფუნქცია/შესაძლებლობები, ასევე დამატებით წვიმის ამოცნობის შესაძლებლობა და 25%-35%-მდე ფერდობზე ასვლის უნარი.
დაეუფლე აქტუალურ პროფესიებს - შემოგვიერთდითსტეპერებისდიდოჯახში!
IT Academy StepლიდერიITსფეროში,ახლაუკვე100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
https://www.facebook.com/itstep.ge