ბილ გეიტსს რომ კრიპტოვალუტები არ უყვარს ეს ამბავი ახალი ნამდვილად არ არი.
Microsoft-ის დამაარსებელი მულტიმილიარდერი კრიპტოვალუტებისა და ზოგადად ბლოკჩეინ ტექნოლოგიების კრიტიკის შესაძლებლობას ხელიდან არასდროს უშვებს და ეს აქამდეც არაერთხელ გაუკეთებია. მისი მსოფლმხედველობა ბიტკოინის გამომუშავების გზებსაც სცდება. გეიტსის აზრით ბიტკოინის მაინინგი დედამიწისთვის დამანგრეველია, რადგან მას ძალიან დიდი ენერგია ჭირდება.
მიუხედავად იმისა, რომ Microsoft-ის აქციების ფასი უკანასკნელ 6 თვეში 25%-ით შემცირდა, ბილ გეიტსმა მაინც გამონახა დრო და კრიპტო ბაზრის ვარდნასთან ერთად NFT-ების კრიტიკა დაიწყო. მისი აზრით ციფრულ ვალუტებსა და NFT-ებს არანაირი ღირებულება არ გააჩნია.
TechCrunch-ის მიერ გამართულ კონფერენციაზე დედამიწის ერთ-ერთი ყველაზე მდიდარი ადამიანი სიტყვით წარსდგა და განაცხადა, რომ "კრიპტო ვალუტები და NFT-ები 100%-ით Greater Fool Theory-ს ეფუძვნება. ამ თეორიის თანახმად, გარკვეული აქტივებს ზედმეტი ღირებულება აქვს, თუმცა არსებობს შანსი, რომ მათი გაყიდვა კიდევ უფრო ძვირად იქნება შესაძლებელი, მაშინ როცა მათ რეალური ღირებულება საერთოდ არ გააჩნიათ. თუმცა, ამ ლოგიკით, პრაქტიკული დანიშნულება არც რეალურ ფერწერულ ნამუშევრებს აქვთ, რადგან თუნდაც პიკასოს ნახატს, გარდა თვალით ტკბობისა, ვერაფერში გამოვიყენებთ. მეტიც, ცნობილი ფაქტია, რომ მსგავსი მხატვრების მიერ შესრულებული ტილოები, რომლებიც მილიონებათ ფასობს, ხშირად ფულის გათეთრებისთვის ან გადასახადებისგან თავის არიდებისთვის გამოიყენება.
გეიტსი ყველაზე ცნობილ NFT პროექტს, Bored Ape Yacht-ს გადაწვა და სარკასტულად აღნიშნა — "ცხადია რომ მილიონებად გაყიდულ NFT მაიმუნებს სამყაროსთვის არაფერი კარგი არ მოაქვთ". ბილ გეიტსს ბევრი ადამიანი ეთანხმება და შესაძლოა მის ნათქვამში სიმართლის მარცვალი ნამდვილად იყოს, მაგრამ ადამიანებს მსგავსი მისწრაფებები აქამდეც ამოძრავებდათ. მაგალითად, დღემდე პოპულარულია საფოსტო მარკების შეგროვება და ზოგი მათგანი ფასი ასიათასობით დოლარსაც ხდება, ეს კი მათ უნიკალურობაზეა დამოკიდებული. ამ კრიტერიუმებით კი NFT-ებს ნამდვილად არაფერი დაეწუნებათ.