ახლახანს Apple-მა ახალი პროდუქტების სერია წარადგინა და კიდევ ერთხელ გაიმეორა ისტორია, როდესაც პროდუქზე მოთხოვნამ გადააჭარბა მიწოდებას. წარმატებების ასეთი ჯაჭვის შემდეგ, ლოგიკურია, რომ Apple მსოფლიოში ყველაზე ძვირადღირებული ბრენდია, ყველაზე მაღალი საბაზრო კაპიტალით და ყველაზე დიდი მოგებით მსოფლიოს მასშტაბით
ყველაფერი კი 1976 წელს დაიწყო, როდესაც სტივ ჯობსმა, სტივ ვოზნიაკმა და რონალდ ვეინმა დაარსეს პატარა ტექნოლოგიური კომპანია. 1977 წელს Apple დარეგისტრირდა ვეინის გარეშე, რომელმაც $800 მიიღო თავისი წილისთვის. ვეინმა მალე ვერ გააცნობიერა საკუთარი შეცდომა (დღეს მისი 10%-იანი წილი Apple-ში თითქმის 190 მილიარდი ეღირებოდა) რადგან Apple წარმატებული კომპანია დიდი ხნის შემდეგ გახდა.
წარმატებისკენ პირველი ნაბიჯები 1980 წელს დაიწყო, როდესაც Apple ბაზარზე გავიდა როგორც სააქციო საზოგადოება და მოიზიდა იმ დროისთვის ყველაზე დიდი კაპიტალი და ერთ დღეში მსოფლიო მილიონერთა სია 300 ადამიანით გაზარდა.
Apple-ი დღემდე იზრდება და თავადაც ზრდის მსოფლიოს, კომპანია კვლავ გრანდიოზულ ინოვაციებს გვპირდება, 2022 წელს ყველაფერი რადიკალურად შეიცვლება:
MacBook ვირტუალური კლავიატურით და სწრაფი დამუხტვის პანელით
Apple-ის მიერ წარდგენილი პატენტის საფუძველზე ცნობილი გახდა, რომ 2022 წლის MacBooks-ს ექნება ვირტუალური ინტერფეისი, რომელიც ჩაანაცვლებს კლავიატურის ფიზიკურ ადგილს, და ეს ვირტუალური ინტერფეისი შესაძლოა იყოს კონფიგურირებული ისე, რომ ჰქონდეს კლავიატურის ღილაკები, სათამაშო ინტერფეისის ხატულები ან სიმბოლოები, აპლიკაციაზე დაფუძნებული კონტროლი და ვირტუალური სენსორული პანელიც კი.
ვირტუალური ინტერფეისი ასევე შეიძლება იყოს კონფიგურირებული ჟესტებზე დაფუძნებული შეყვანის მისაღებად, როგორიცაა პინჩი მოახლოებისთვის, ხელის ზემოთ/ქვემოთ მოძრაობა სქროლვისთვის, და სხვა. პატენტში გამოვლენილი კიდევ ერთი საინტერესო თვისება ის არის, რომ MacBook-ის ახალი დიზაინი შეიძლება შეიცავდეს უსადენო დამტენს MacBook-ის ქვედა მარცხენა კუთხეში, რომელიც შეგიძლიათ გამოიყენოთ თქვენი iPhone-ების ან თუნდაც Apple Watch-ის და AirPod-ების დასამუხტად.
AirPods თქვენი სხეულის ტემპერატურის აღქმით
იმის გათვალისწინებით, რომ Apple სულ უფრო მეტად ამატებს ჯანმრთელობასთან დაკავშირებულ მახასიათებლებს თავის პროდუქტებს, როგორიცაა iPhone, Apple Watch და Mac, გასაკვირი არ არის, რომ ისინი აპირებენ მსგავსი მახასიათებლების დამატებას ახალ AirPods-ებზეც.
Apple-ის მიერ წარდგენილ უახლეს პატენტში ნათქვამია, რომ კომპანია მომავალ AirPods-ებს დაამატებს ტემპერატურის სენსორულ პაკეტებს, რაც მომხმარებლების სხეულის ზედაპირის ტემპერატურას გაზომავს. ეს სენსორი ხელს შეუწყობს მომხმარებლის ჯანმრთელობის ყველა ასპექტის უკეთ მონიტორინგს და თქვენი კანის სხეულის ტემპერატურის გაზომვით, უფრო ადვილი იქნება სისხლის ნაკადის პროგნოზირება და იმის დადგენა, გაქვთ თუ არა სიცხე.
ამ ფუნქციამ შესაძლოა ასევე შეაღწიოს Apple Watch-ის მომავალ ვერსიებში, რადგან Apple-ს აქვს ტემპერატურის სენსორების პაკეტების ინტეგრირების გეგმა ტარებადი მოწყობილობების ქსოვილში, რომლებიც პირდაპირ კავშირში იქნება თქვენს კანთან.
არ დაკარგოთ დრო! ჩვენი სასწავლო პროგრამა დაგეხმარებათ გახდეთ პროფესიონალი დიდი და მნიშვნელოვანი პროექტებით!
→ დარეგისტრირდი ახლავე!
Siri-ს რეაგირება მხოლოდ თქვენს ხმაზე ექნება
Apple კონფიდენციალურობაზე ორიენტირებული კომპანიაა, უსაფრთხოების მახასიათებლები უმაღლეს ნიშნულზე აქვს დაცული ყველგან. სადაც შესაძლებელია. ხმოვანი ბრძანებების ასორტიმენტთან ერთად, კონფიდენციალურობა უახლოეს მომავალში გაეზრდება Siri-საც - განასხვავებს თქვენს ხმას უცხო ადამიანის ხმისგან!
Apple-ის პატენტში, რომელიც გამოქვეყნდა აშშ-ს საპატენტო და სასაქონლო ნიშნის ოფისის მიერ, გაირკვა, რომ ეს ფუნქცია პირველად დაემატება AirPods-ს და მოგვიანებით შეაღწევს Apple-ის სხვა პროდუქტებში, როგორიცაა iPhone, Mac, Homepod და ა.შ.
ჭკვიანი ფანქარი iPhone, Mac და Touchpad- ისთვის
Apple მუშაობს ორმაგი შეხების სენსორზე iPhone-ებისთვის, Mac-ებისთვის და სენსორული პანელებისთვის. ამ ორმაგი შეხების სენსორს შეუძლია ამოიცნოს როგორც პასიური გამტარი ობიექტები, როგორიცაა ჩვენი თითები და სტილუსები, ასევე აქტიური სტილუსები, როგორიცაა Apple Pencil.
ვინაიდან ორმაგი შეხების სენსორს შეუძლია ერთდროულად მხარი დაუჭიროს როგორც პასიურ, ასევე აქტიურ შეხებას, iPhone-ებსადა Mac-ებში ეს ფუნქცია შეიძლება არ მუშაობდეს Apple Pencil-ის მსგავსად iPad-ებზე და ალბათ არ იქნება მხარდაჭერილი ეკრანზე ჩამოდებული ხელისგულის იგნორირების ან სხვა ფუნქციით. თუმცა, ეს მაინც შესანიშნავი გზა იქნება თქვენს iPhone ან Mac-ზე ხელით ჩანაწერების გასაკეთებლად და სწრაფი ნახატების შესაქმნელად.
iPhone 14 რივერსული უსადენო დამუხტვით
რივერსული უსადენო დამუხტვა სმარტფონების სამყაროში არ არის ახალი ფუნქცია და სხვა მწარმოებლები, როგორიცაა Samsung და Huawei, უკვე გვთავაზობენ ამ ფუნქციას
მომავალ iPhone-ებს ექნებათ ხაზოვანი ფთორირებული პოლიმერული საფარი, რომელიც უზრუნველყოფს თითის ანაბეჭდის მიმართ წინააღმდეგობას და უსადენო დამუხტვის მახასიათებლებს.
iPhone-ებთან ერთად, მომავალ iPad-ებსაც ექნებათ მსგავსი საფარი უკანა პანელებზე, რაც ხელს შეუწყობს რივერსულ უსადენო დამუხტვას. მას შემდეგ, რაც რივერსული უსადენო დამუხტვის ფუნქცია ხელმისაწვდომი გახდება iPhone-ებსა და iPad-ებზე, მას შესაძლოა ჰქონდეს სხვა Apple მოწყობილობების დამუხტვის მხარდაჭერა, როგორიცაა AirPods, Apple Watch და სხვა iPhone-ებისაც კი, მათი თქვენი iPhone-ის ან iPad-ის უკანა ნაწილზე განთავსებით
ჯადოსნური კლავიატურა უსადენო დამუხტვის ბალიშით
iPad-ის ჯადოსნური კლავიატურა ერთ-ერთი ყველაზე წარმატებული აქსესუარია, რომელიც Apple-მა ბოლო დროს წარმოადგინა. ამ ახალმა ფუნქციამ, რომელიც შესაძლოა Apple-მა დაამატოს კლავიატურის მომავალ ვერსიებს, შეიძლება მნიშვნელოვნად გაზარდოს მისი გაყიდვები. ბოლო საპატენტო განაცხადის თანახმად, Apple მუშაობს Magic Keyboard-ის მომავალ ვერსიაზე უსადენო დამუხტვის ფუნქციით, რომელიც შეგიძლიათ გამოიყენოთ თქვენი iPhone-ის, Apple Watch-ის და თუნდაც თქვენი AirPod-ების დასამუხტად.
ამ ფუნქციამ შესაძლოა MagSafe დამტენების მსგავსად იმუშაოს, რადგან პატენტში ასევე ნათქვამია, რომ უსადენო დამტენს ექნება მაგნიტები, რათა დასამუხტი მოწყობილობა მყარად დაიჭიროს ადგილზე. ახალი დიზაინი შეიძლება ასევე შეიცავდეს ბატარეას, რომელიც მიიღებს და შეინახავს უსადენო ენერგიას, ასე რომ თქვენ შეიძლება არც დაგჭირდეთ თქვენი ჯადოსნური კლავიატურის დაკავშირება ენერგიის წყაროსთან უსადენო დამუხტვის ფუნქციის გამოსაყენებლად.
MacBook ინტეგრირებული ბიო-სენსორით
მე ამჟამად ვიყენებ M1 Mac Mini-ს, როგორც ჩემს ძირითად კომპიუტერს და მას შემდეგ რაც Apple-მა ოფიციალურად დაანონსა აღნიშნული სიახლეები, დროა სერიოზულად განვიხილო MacBook-ის ყიდვაც. Apple-ის მიერ წარდგენილი ბოლო პატენტი ცხადყოფს, რომ მომავალ MacBook-ებს ექნებათ ინტეგრირებული ბიო-სენსორი ხელისგულის ჩამოსადებ ადგილზე და ის გამოყენებული იქნება მომხმარებლების ჯანმრთელობის სხვადასხვა მაჩვენებლების გასაზომად.
ეს ფუნქცია შესანიშნავი იქნებოდა ყველა არა-Apple Watch-ის მომხმარებლისთვის და მაშინაც კი, თუ თქვენ გაქვთ Apple Watch, ალბათ არ ატარებთ მას მუდმივად. ინტეგრირებული ბიო-სენსორის დახმარებით, რომელიც ჩაშენებულია თქვენს MacBook-ში და არის განთავსებული ზუსტად იქ, სადაც ყველაზე მეტად ადებთ ხელს, ძალიან სასარგებლო იქნება იცოდეთ, როგორია თქვენი ჯანმრთელობის მდგომარეობა
თქვენს MacBook-ში ინტეგრირებული ბიო-სენსორი, წესით განსაზღვრავს და გაზომავს მომხმარებლის ჯანმრთელობის სხვადასხვა ასპექტს, როგორიცაა გულისცემა, არტერიული წნევა, წყლის შემცველობა, სისხლში ჟანგბადის დონე, სუნთქვის სიხშირე და სხვა. თუ დიდ დროს ატარებთ თქვენს MacBook-თან, მაშინ ნამდვილად ისარგებლებთ ამ მახასიათებლით, რადგან ის თვალყურს ადევნებს თქვენი ჯანმრთელობის მონაცემებს რამდენიმე დღის განმავლობაში და განსაზღვრავს ტენდენციებს, რომლებიც შეიძლება გამოყენებულ იქნას თქვენი ჯანმრთელობის მდგომარეობის უკეთ გასაგებად.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
