ახალი ტექნოლოგიის, Neural Radiance Field-ის (NeRF) გამოყენებით, ხელოვნური ინტელექტის ალგორითმი ორგანზომილებიანი ფოტოებიდან 3D ობიექტების შექმნას შეძლებს. NeRF-ს შეუძლია შეავსოს ის ცარიელი სივრცეები, რაც 2D ფოტოში არ ასახულა. ეს ძალიან მნიშვნელოვანი საკითხია, რადგან ამით შესაძლოა საგრძნობლად დაიხვეწოს ავტონომიური მართვის სისტემები და გეიმინგ ინდუსტრია. NVIDIA-მ NeRF ტექნოლოგია კიდევ უფრო სრულყოფილი გახადა და ახლა რამდენიმე წამიანი სწავლების შემდეგ ხეელოვნური ინტელექტი 3D სცენების შექმნასაც ახერხებს.
NVIDIA თავის ტექნოლოგიას Instant NeRF-ს ანუ მომენტალურ NeRF-ს უწოდებს. ახალ ხელოვნური ინტელექტის გასაწვრთნელად ძალიან მცირე დრო და მხოლოდ რამდენიმე ფოტოც კი საკმარისია. მას შემდეგ, რაც ალგორითმი ფოტოებს კარგად შეისწავლის, ის 3D სცენებისა და ობიექტების შესაქმნელად მზადაა. აღსანიშნია, რომ როგორც NeRF-ის სხვა ვარიანტები, Instant NeRF-საც რამდენიმე სხვადასხვა კუთხიდან გადაღებული ფოტო სჭირდება.
NVIDIA განმარტავს, რომ 3D ობიექტების შესაქმნელად კოლოსალური დრო არც NeRF-ის წინა მოდელებს სჭირდებოდა, ამისათვის სულ რამდენიმე წუთი იყო საჭირომ თუმცა იმისათვის, რომ NeRF-ს ეს შედეგი დაედო, მისი გაწვრთნის პროცესს საათები სჭირდებოდა. NVIDIA-ს მიერ შექმნილი Instant NeRF კი, როგორც უკვე აღვნიშნეთ, წვრთნისათვის ძალიან ცოტა დროს საჭიროებს. საიდუმლო იმაშია, რომ NVIDIA-მ NeRF-ის ახალი მეთოდი საკუთარ ვიდეო ბარათებს მოარგო, რაც მათ დავალების უსწრაფესად შესრულების საშუალებას აძლევს. Instant NeRF-ის გამოყენება ერთი GPU-ს დახმარებითაც შეიძლება, თუმცა საუკეთესო ვარიანტია, როდესაც ბარათები Tensor ბირთვებს იყენებენ, რომლებიც კონკრეტულად ხელოვნური ინტელექტის წარმადობის გასაუმჯობესებლად შეიქმნა.
NVIDIA-ს ჯერა, რომ NeRF ავტონომიური მართვის სისტემებს ძალიან წაადგება. კომპანიაში ფიქრობენ, რომ ახალი ტექნოლოგია რობოტების განვითარებაშიც დაგვეხმარება.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge/
