,,დრო ფულია’’ - ფრაზა, რომელმაც საუკუნეებს გაუძლო აშშ-ის ისტორიის ერთ-ერთ ყველაზე მნიშნელოვან ფიგურას, ბენჯამინ ფრანკლინს ეკუთვნის.
ის ისეთივე გამოჩენილი ფიგურა იყო ამერიკის ისტორიაში როგორც ვაშინგტონი, ჯეფერსონი და ლინკოლნი. შესაბამისად, ფრანკლინი მრავალჯერ იყო გამოსახული ამერიკის საფოსტო მარკებზე და მიუხედავად იმისა, რომ არ ყოფილა აშშ-ის პრეზიდენტი, სწორედ მას ხვდა პატივი მოხვედრილიყო 100 დოლარიან კუპიურაზე.
1908–1923 წლებში ამერიკის შეერთბულ შტატებში საფოსტო განყოფილებამ გამოუშვა ვაშინგტონ-ფრანკლინის სერია, სადაც 14 წლის განმავლობაში ფრანკლინი ვაშინგტონთან ერთად იბეჭდებოდნენ. ეს იყო ამერიკის ფოსტის ისტორიაში ყველაზე ხანგრძლივი სერია.
ახლა კი, სტეპი გიყვებით 4 უცნობ და საინტერესო ფაქტს აშშ-ის ყველაზე ღვაწლმოსილი დამფუძნებლის შესახებ, რომელიც შესაძლოა აქამდე არ იცოდით.
1. ბენჟამინ ფრანკლინმა სკოლაში მხოლოდ 2 წელი ისწავლა
როგორც სხვა დიდ მეცნიერებს, ვერც ბენჯამინს ნახავდით ყოველდღიურად სკოლის საკლასო ოთახში. მან მხოლოდ ფორმალური განათლება მიიღო ბოსტონის საბაზისო სკოლაში და მოგვიანებით კერძო აკადემიაში, რომელიც მალე დატოვა. სწავლის მიტოვების შემდეგ კი ახალგაზრდა ფრანკლინმა გადაწყვიტა ფული თვითონ გამოემუშავებინა.
2. ბენჯამინმა პირველი სამსახური სტამბაში დაიწყო
12 წლის ასაკში ენთუზიაზმით სავსე ბენჟამინმა მუშაობა მისი ძმის საკუთრებაში არსებულ სტამბაში დაიწყო. სტამბაში იგი მბეჭდავად მუშაობდა და მისი ყოველთვიური მცირე ანაზღაურება ხშირად საკვებზც არ ყოფნიდა. ამ პერიოდში მომავალმა აშშ-ის ფუძემდებელმა სტატიებისა და ესეების კითხვით თითქმის აინაზღაურა განათლების ის დანაკლისი, რომელიც სკოლაში ვერ მიიღო.
3. ბენჯამინ ფრანკლინმა გამოიგონა მუსიკალური ინსტრუმენტი
1761 წელს, მეცნიერმა გამოიგონა მუსიკალური ინსტრუმენტი, სახელწოდებით ,,არმონიკა’’, რომელზეც ბეთჰოვენი და მოცარტი უკრავდნენ. არმონიკას პირველი პროტოტიპი შეიქმნა მაშინ, როდესაც ლონდონელმა მწარმოებელმა ფრანკლინისთვის მინის 37 სხვადასხვა ზომის ნაწილი დაამონტაჟა ერთ ღეროზე. მუსიკალური ინსტრუმენტი ფეხის პედლებით კონტროლდებოდა და განსხვავებულ, არაორდინალურ ხმას გამოსცემდა.
4. ბენჯამინ ფრანკლინს ეკუთვნის ფონეტიკური ანბანის შექმნა
1768 წელს ლონდონში ცხოვრების დროს, ფრანკლინმა წამოიწყო პროექტი „ანბანის ბუნებრივობა“. ინგლისური მართლწერის მისთვის მრავალი შეუსაბამობის გამო გაღიზიანებულმა ფრანკლინმა შეიმუშავა საკუთარი ფონეტიკური სისტემა, რომელმაც გააუქმა ზედმეტი თანხმოვნები C, J, Q, W, X და Y და დაამატა ექვსი ახალი ასო. მათგან თითოეული შექმნილია საკუთარი სპეციფიკური ვოკალური ბგერის წარმოსაჩენად.
ფრანკლინმა გამოაქვეყნა ,,სქემა ახალი ანბანისთვის და მართლწერის რეფორმირებული მეთოდისთვის“ 1779 წელს გამოქვეყნებულ ესეში, მაგრამ მოგვიანებით პროექტი გააუქმა მას შემდეგ, რაც მან ვერ გამოიწვია საზოგადოების ინტერესი.
ბენჟამინ ფრანკლინი უდიდესი ფიგურაა ისტორიაში. განსაკუთრებით ამერიკის შეერთებული შტატების ისტორიაში. სწორედ ფრანკლინს ეკუთვნის ორ უმნიშვნელოვანეს დოკუმენტზე: აშშ-ის კონსტიტუციასა და აშშ-ის დამოუკიდებლობის დეკლარაციაზე ხელმოწერა.
ამიტომაც შეარქვეს მას „ერის მამა“ და „პირველი ამერიკელი“ .
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
