Bloomberg News-ის თანახმად, ილონ მასკმა Twitter-ის აქციების 9.2% შეიძინა და ამით კომპანიის ყველაზე დიდი მეწილეც გახდა. გამოქვეყნებული ანგარიშიდან ვიგებთ, რომ მასკმა აქციები 14 მარტს შეისყიდა. მასკი Twitter-ის ვარსკლავია, მას პლატფორმის მასშტაბით ყველაზე მეტი გამომწერი ჰყავს და სულ ცოტა ხნის წინ მათმა რიცხვმა 80 მილიონს გადააჭარბა. შესყიდვის შესახებ სიახლის გავრცელებისთანავე, საფონდო ბირჟებზე Twitter-ის აქციების ფასი 25%-ით გაიზარდა.
CNBC აღნიშნავს, რომ მასკს Twitter-ის 9.2%-ის შეძენა 2.89 მილიარდი დოლარი დაუჯდა.
მასკმა 25 მარტს საკუთარ ტვიტერზე გამოკითხვა ჩაატარა. ტვიტში მასკმა Twitter-ის ერთ-ერთი მთავარი პრინციპი — "სიტყვის თავისუფლება არის სასიცოცხლოდ მნიშვნელოვანია დემოკრატიისათვის" — დააციტირა და შემდეგ აუდიტორიას ჰკითხა თუ რამდენად იცავს ტვიტერი ამ პრინციპს.
გამოკითხვაში მონაწილეობა 2 მილიონზე მეტმა ადამიანმა მიიღო. 70.4% თვლის, რომ ტვიტერი ამ პრინციპებს არღვევს. მასკმა აღნიშნა, რომ ამ გამოკითხვის შედეგები მნიშვნელოვანი იქნებოდა.
Free speech is essential to a functioning democracy.
— Elon Musk (@elonmusk) March 25, 2022
Do you believe Twitter rigorously adheres to this principle?
"თუ ჩავთვლით, რომ ტვიტერი დე ფაქტო "ქალაქის ცენტრალური მოედანი", სიტყვის თავისუფლების პრინციპების დარღვევა ძირს უთხრის დემოკრატიის ფუნდამენტს" — დატვიტა მასკმა მომდევნო დღეს. როგორც გაირკვა, მასკმა ტვიტერის აქციები 14 მარტს შეიძინა, ანუ როცა ამ გამოკითხვას ატარებდა, პლატფორმის შესახებ გარკვეული წარმოდგენის შექმნა სურდა.
მასკმა რამდენიმე ხნის წინ აღნიშნა, რომ ის აბსოლუტური სიტყვის თავისუფლების მომხრეა. ეს მან მაშინ განაცხადა, როცა უკრაინის მთავრობის წარმომადგენლებმა მას Starlink-ის მეშვეობით რუსული მედია საშუალებეების დაბლოკვა სთხოვა.
