ერთი კვირის წინ ცნობილი გახდა, რომ ილონ მასკმა 2.89 მილიარდ დოლარად ტვიტერის აქციების 9.2% შეიძინა და ამით Twitter-ის აქციების ყველაზე დიდი მფლობელი გახდა.
დღეს Twitter-ისა და მასკის შესახებ ახალი ამბავი გავრცელდა. როგორც ირკვევა, მულტიმილიარდერს Twitter-ის 100%-ის შეძენა სურს. მსოფლიოს ყველაზე მდიდარმა ადამიანმა ამისთვის საკმაოდ მსუყე შეთავაზება გააკეთა.
ილონ მასკი მზადაა Twitter-ის სრულად შესყიდვაში 41 მილიარდი დოლარი გადაიხადოს. უნდა ვთქვათ, რომ 9.2%-იანი წილის შეძენის შემდეგ, მასკი ტვიტერის დირექტორდა საბჭოს წევრად მიიწვიეს, თუმცა მან თავისი პოზიცია პირველივე დღეს დატოვა.
ბოლო დროს ილონ მასკი ხშირად აღნიშნავდა, რომ კომპანია ხელს აღარ უწყობდა სიტყვის თავისუფლების გავრცელებას და Twitter-ისთვის უკეთსი იქნებოდა, თუ ის კერძო მფლობელის ხელში გადავიდოდა.
მასკის მიერ US Securities and Exchange Commission-ისთვის წარდგენილ ანგარიშში იგი აღნიშნავს, რომ ის ტვიტერის თითო აქციის 54.20 დოლარად შეძენისთვის მზადაა, რაც ჯამში 41.4 მილიარდ დოლარს ნიშნავს.
თუ მასკის ერთ აქციაში 54.20 დოლარს გადაიხდის გამოვა, რომ ტვიტერის თითო აქციაში ის ბირჟის დახურვის მომენტში არსებულ ფასზე 54%-ით ძვირს გადაიხადის. ამით SpaceX-ისა და Tesla-ს მფლობელი, მსოფლიოს უმდიდრესი ადამიანი, ტვიტერის 763.58 მილიონი აქციის შეძენას შეძლებს.
