ინსტაგრამზე NFT-ის მხარდაჭერის დებიუტის შემდეგ, Meta-მ ციფრული კოლექციების მხარდაჭერა Facebook-ზეც დაამატა. Meta-ს სპიკერმა განაცხადა, რომ კომპანიამ უკვე დაიწყო NFT-ების Facebook-ზე ჩაშვება, რომელიც შეერთებულ შტატებში კრეატორების ფოკუს-ჯგუფს საშუალებას აძლევს გამოაქვეყნონ ციფრული კოლექციები Facebook-ზე. მოცემული ფუნქციით, კრეატორებს შესაძლებლობა ექნებათ თავიანთ პროფილზე, ახალი ჩანართის ქვეშ NFT-ები წარმოადგინონ, ხოლო თვითონ ნამუშევარს “digital collectibles” ნიშანი ექნება მინიჭებული - Instagram-ის მსგავსად
მარკ ზაკერბერგმა განაცხადა რომ კომპანია NFT-ბის სრულმაშტაბიან ჩაშენებას იწყებს. თუმცა, სპიკერმა თქვა, რომ წლის ბოლომდე გაზიარების ფუნქცია ორივე პლატფორმაზე არ იქნება ხელმისაწვდომი, სიახლეები მზადების პროცესშია და 2023-მდე გამოგვიჩნდება
Meta-ს პროდუქტ მენეჯერმა გამოაქვეყნა სქრინები ციფრული კოლექციების მხარდაჭერის შესახებ. ფოტოების მიხედვით, შესაძლებელია NFT-ების თაიმლაინზე განთავსება და მათზე დაწკაპუნებით ციფრული კოლექციების შესახებ დეტალების გაგება, როგორიცაა ინფორმაცია შემქმნელის შესახებ - ჩვენ ვიწყებთ NFT-ების Facebook-ზე ჩაშვებას! მოხარული ვარ, რომ ჩემი სამუშაო გავუზიარო მთელს მსოფლიოს!
გასულ კვირას Meta-მ ნფტ ტესტირების პროცესი უფრო მასშტაბური გახადა Instagram-ზე, რათა მთელ მსოფლიოში უფრო მეტ კრეატორს მისცეს შესაძლებლობა, თავისი ნფტ-ები Instagram-ზე განათავსოს
მოგეხსენებათ, ინსტაგრამზე, Ethereum-ისა და Polygon-ის ქსელზე განთავსებული NFT-ები მხარდაჭერილია, მუშაობის პროცესშია Solana-სა და Flow-ის მხარდაჭერა. Meta-ს არ უთქვამს, ვიხილავთ თუ არა იგივე ბლოკჩეინების მხარდაჭერას Facebook-ზე, მაგრამ სავარაუდოა, რომ ასე იქნება.
ზაკერბერგმა ასევე დაანონსა, რომ Meta აპირებს, გაძლიერებული რეალობის NFT-ებსა ან 3D NFT-ებზე დაიწყოს მუშაობა, რომლებიც შეგიძლიათ Instagram Stories-ში გადაიტანოთ Spark AR-ის გამოყენებით (პროგრამული უზრუნველყოფის AR პლატფორმა).
მეტაში განაცხადეს, რომ ციფრული კოლექციების გამოქვეყნება იქნება სრულიად უფასო. კომპანიამ ასევე ხაზი გაუსვა იმას, რომ მოცემული კოლეციების რეკლამებად განთავსების შესაძლებლობა მოცემულ ეტაპზე არ იარსებებს.
- NFT-ის მხარდაჭერის კვალდაკვალ, მეტა საკუთარ პლატფორმებში მომხმარებელთა ასაკის დასადასტურებლად ახალ მეთოდებსაც ცდის, რომლის საშუალებითაც სოციალური მედიაში, ამა თუ იმ პლატფორმის მომხმარებელთა ასაკის ვერიფიკაცია გამარტივდება. კერძოდ, პირებმა, რომელთაც სურთ დაამტკიცონ, რომ 18 წლის ან მეტის არიან, კომპანიას უნდა მიაწოდონ ვიდეოსელფი, პირადობის დამადასტურებელი დოკუმენტი ან ზრდასრული მეგობრებისგან მიღებული დასტური.
- ასევე, ცვლილებები შედის Facebook-ისა და Instagram-ის სენსიტიური მასალების გაფილტვრის ფუნქციაშიც – თითქმის ერთი წლის წინ, Instagram-მა წარადგინა ფუნქცია, რომელიც მომხმარებლებს Explore გვერდზე ზოგიერთი ტიპის სენსიტიური მასალის გაფილტვრის შესაძლებლობას აძლევდა. ახლა კი, მეტა აღნიშნულ პარამეტრს ყველა აპლიკაციის მასშტაბით გააფართოებს
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
