MSG Sphere - $2.3-მილიარდიანი პროექტია ლას-ვეგასში, ეს მრგვალი და ულტრა თანამედროვე შენობა ქალაქის ჰორიზონტზე უზარმაზარი კოსმოსური ხომალდივით გამოიყურება, შავი და იდუმალი. ღამით კი კოსმოსში მოელვარე დედამიწას ემსგავსება. ცნობილია, რომ წლის ბოლომდე აქ პირველ კონცერტს U2 ჩაატარებს, ბილეთების გაყიდვა დაწყებულია მოლოდინი უფრო და უფრო იზრდება.
მსოფლიოში ყველაზე დიდი სფერული შენობის სიმაღლე 366 სიგანე კი 516 ფუტია. მის თეატრში განთავსებულია მსოფლიოში ყველაზე მაღალი რეზოლუციის LED ეკრანი. ექსტერიერი კი მოჭედილია 1.2 მილიონი მცირე ზომის LED განათებებით, რომლებიც დაპროგრამებულია ისე, რომ შექმნას დინამიური გამოსახულება უზარმაზარ მასშტაბში, სფერო პირველად 4 ივლისს აინთო ამერიკის დამოუკიდებლობის დღის აღსანიშნავად.
ლას ვეგასში ბელაჯიოს მოცეკვავე ფანტანებს, ეიფელის კოშკის შემცირებულ რეპლიკას, დასავლეთ ჰემისფეროში რიგით მეორე უმაღლეს ობსერვატორიას ახლა დაემატა სინათლის სხივი, რომელიც ასობით კილომეტრშიც ჩანს.
სფერო ყველა მნახველში აღფრთოვანებას აღძრავს: „არ არსებობს მისი მსგავსი სხვა რამ. იგი სინათლის სიჩქარით უსწრებს ყველაფერს, რაც აქამდე შექმნილა“, ამბობს U2-ს The Edge.
„საოცრად განსაცვიფრებელია ზევით ახედვა და იმის დანახვა, თუ რა დგას შენ წინ,“ - ამბობს რიჩ კლეფი, სფეროს ოპერაციების მთავარი ოფიცერი. „თითქმის 40 წელია რაც ამ ბიზნესში ვარ. მსგავსი არაფერი მინახავს და სიტყვას არ ვაჭარბებ. იგი შეუდარებელია“.
სფეროს ექსტერიერი განათებული იქნება ყოველდღე და ღამე სხვადასხვა ანიმაციებითა და გამოსახულებებით, რომლებიც ხანდახან სეზონთანაც იქნება დაკავშირებული. მაგ., იგი შეიძლება გადაიქცეს უზარმაზარ გოგრად ჰელოუინზე, ხოლო ახალ წელს თოვლის გუნდად.
ზოგიერთი ადამიანი უკვე ხუმრობს, რომ მისი უზარმაზარი და მოძრავი ვიზუალები ავტო-კატასტროფების მიზეზი გახდება.
საქართველოში საკმაოდ პოპულარული გახდა ინტერიერის დიზაინერის დაქირავება, როგორც კომერციულ, ასევე ინდივიდუალურ პროექტებზე, დაიწყე პროფესიის შესწავლა სრულიად ახალი მეთოდებით და გახდი წარმატებული!
ვენიუ უმასპინძლებს მუსიკალურ, კინო და სპორტულ ღონისძიებებს.
სფერო დააპროექტა Populous-მა, საერთაშორისო არქიტექტურულმა კომპანიამ, რომელიც მსოფლიოს უამრავი სპორტული არენის ავტორია. აშენების ხარჯებმა, რომელზეც პანდემიამაც იქონია გავლენა 2.3 მილიარდ დოლარს მიაღწია - უფრო მეტი, ვიდრე მისი მეზობელი Bellagio-სა და Allegiant Stadium-ის აშენება დაჯდა.
„გლობუსი“ იტევს დაახლოებით 18 ათას ადამიანს. მდებარეობს Las Vegas Strip-ის აღმოსავლეთ ნაწილში და დაკავშირებული იქნება საფეხმავლო ბილიკით ვენეციურ საკურორტო კომპლექსთან.
მისი გახსნა დაგეგმილია „U2:UV Achtung Baby Live at Sphere“-ის სერიებით, რომელიც მოიცავს 25 კონცერტს ირლანდიური ბენდის 1991 წლის ალბომის მიხედვით. კონცერტები დასრულდება დეკემბრის ბოლო დღეს. ბილეთების ფასი 140 დოლარიდან იწყება.
ვენიუ ასევე უმასპინძლებს დერენ არონოფსკის ფილმს „Postcard from Earth”-ს, რომელიც მნახველებს შესთავაზებს პლანეტის გასაოცარ ტურს.
„უმეტესობა მუსიკალური ვენიუებისა არის სპორტული არენები. ისინი აშენდა სპორტისთვის და არა მუსიკისთვის, არა ხელოვნებისთვის,“ ამბობს U2-ს Bono.
„შენობა აიგო პერფორმანსებისა და ფილმების ნახვის შეუდარებელი გამოცდილების მისაღებად... აქ რომ მოხვალ, ჰოკეის თამაშს ვერ უნდა უყურო.“
ნოემბერში ფორმულა 1-ის ლას-ვეგასის გრან-პრის ქუჩის წრე გაივლის Sphere-ის ტერიტორიას. არენა საბოლოოდ იმედოვნებს, რომ უმასპინძლებს კრივს, შერეულ ორთაბრძოლებსა და სხვა ღონისძიებებსაც.
მაგრამ სფეროს მთავარი დანიშნულება უნდა იყოს ცოცხალი მუსიკა.
სცენაზე გამომსვლელები 16 ათასიანი LED ეკრანის გამო შეიძლება ჯუჯებივით გამოჩნდნენ, რადგან იგი აუდიტორიის უდიდეს ნაწილს იკავებს. სწორედ ამიტომ ეკრანს შეუძლია შექმნას გაძლიერებული გამოცდილება „trippy” ანიმაციებისა და შემსრულებლების ახლო კადრების საშუალებით.
„ეკრანი იწყება მიწიდან და აღწევს 250 ფუტს“... ამბობს კლეფი, სფერო ოპერაციების ოფიცერი. „ის სრულყოფილად ინარჩუნებს შენს ყურადღებას, როცა მის „თასში“ ხარ ჩაძირული. მე ძალიან მიყვარდა ნიუ იორკის IMAX, მაგრამ სფერო მას გაანადგურეს.“
სფეროს მწარმოებლები გვპირდებიან უახლესი დონის აუდიოსაც. კლეფი ამბობს, რომ სფეროს ირგვლივ გაშლილი 160 ათასზე მეტი დინამიკი ერთსა და იმავე ხმას მიაწვდის ყველა ადგილს, იქნება ეს ვინმე ზედა რიგში თუ სცენასთან.
შენობა ასევე აღჭურვილია ჰაპტიკური სავარძლებით, რომლებსაც შეუძლიათ შეუსაბამონ სავარძლის ვიბრაცია ეკრანის გამოსახულებას, - მაგალითად, მიწისძვრა. სფეროში ასევე განთავსებულია 4D მანქანები, რომლებსაც შეუძლიათ შექმნან ქარის, ტემპერატურისა და სურნელოვანი ეფექტები.
„მე ჩემს მეგობრებსა და ოჯახს ამ ადგილს ვუხასიათებ, როგორც მომავლის გასართობ ადგილს“, ამბობს კლეფი.
თუ ეს ყველაფერი ზედმეტად კარგად ჟღერს - ეს ვეგასია.
ჯერ კიდევ სანახავია, შეძლებს თუ არა სფერო აასრულოს მისი ექტრავაგანტული დაპირებები. მაგრამ თუ იმუშავებს, ლაივ მუსიკის გამოცდილება აღარასდროს იქნება იგივე.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში,ახლაუკვე100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
